حەسەن ڕەستگار

حەسەن ڕەستگار
حەسەن ڕەستگار;
لەدایکبوون	١٩٣٥ (٨٩ ساڵ); شەکربەگ، شارستانی مەھاباد
نەتەوە	کورد
ناوەکانی تر	مەلا حەسەن
پیشە	ئەندامی چالاک و باڵای حیزبی دێموکراتی کوردستانی ئێران
حیزبی سیاسی	حیزبی دێموکراتی کوردستانی ئێران،; حیزبی دێموکراتی کوردستان
بەرامبەر(ەکان)	شانشینی پەھلەوی; کۆماری ئیسلامیی ئێران

حەسەن ڕەستگار ناسراو بە مەلا حەسەن (لەدایکبووی ١٩٣٥ لە شەکربەگ، مەھاباد) سیاسەتوانێکی کوردە کە وەکوو ئەندامی باڵای حیزبی دێموکراتی کوردستانی ئێران چالاکی کردووە.

ژیاننامە

حەسەن ڕەستگار لە ساڵی ١٩٣٥ لە گوندی شەکربەگ لە شارستانی مەھاباد لەدایک بووە. ئەو دیپلۆمی وێژەی لە مەھاباد وەرگرتووە و بەکالۆریۆسەکەی لە کۆلێژی ئاداب لە شاری سلێمانی تەواو کردووە. لە ساڵی ١٩٥٨ دەبێت بە ئەندامی حیزبی دێموکراتی کوردستانی ئێران. ئەو ھەر لە سەرەتای لاوێتییەوە دەخرێتە بەندیخانە و لەگەڵ کەسایەتییە دیارە سیاسییەکان وەکوو غەنی بلووریان، جەلیل گادانی و سەرکردە ئۆپۆزسیۆنەکانی ئێران لە بەندیخانەدا بووە. لە حیزبی دێموکراتدا بەرپرسیارێتیی کۆمیتەی شارستانەکانی سەردەشت، سنە و کرماشانی پێدەدرێت. ئەو بەرپرسی کلاسی سیاسیی حیزب بووە، ھەروەھا بەرپرسی تەشکیلاتی حیزب لە دەفتەری سیاسی و کۆمیسیۆنی کۆمەڵایەتی بووە. ئەو لە ساڵی ٢٠٢٣، لە شەش ئەڵقەدا لەگەڵ بەرنامەی پەنجەمۆر، بیرەوەرییەکانی ژیانی خۆی گێڕایەوە.^[١]