حاجی کاروان
حاجی کاروان | |
|---|---|
 | |
| لەدایکبوون | ١٩٧٠ گەڕەکی ئیمام قاسمی شاری کەرکووک |
| نیشتەجێی | ھەولێر |
| نەتەوە | کورد |
| حیزبی سیاسی |  یەکگرتووی ئیسلامیی کوردستان |
| ئایین | ئیسلام (سوننە) |
کەنعان نەجمەددین ئەحمەد ناسراو بە حاجی کاروان (لەدایکبووی ١٩٧٠ لە گەڕەکی ئیمام قاسمی کەرکووک) پێشکەشکار و سیاسەتوانێکی کوردە. ئەو ھەروەھا ئەندامی پەرلەمانی کوردستان بووە.
ژیاننامە
[دەستکاری]کەنعان نەجمەددین ئەحمەد لە ساڵی ١٩٧٠ لە گەڕەکی ئیمام قاسمی شاری کەرکووک لەدایک بوو. ئەوقۆناغەکانی خوێندنی بەسەرکەوتوویی بڕیوە، لە ساڵی ١٩٩١ی زایینی شاری کەرکووک جێدەھێڵێت و ڕوو لە شاری ھەولێر دەکات لەگەڵ ڕێکخراوی خێرخوازی ڕابیتەی ئیسلامی کورد دەست بەکاری خێرخوازی دەکات، لە ٤ی نیسانی ١٩٩٤ حاجی کاروان بەیاریدەدەری ھەریەک لە عەبدولڕەحمان سدیق و ئوسامە جەمیل ڕادیۆی دەنگی یەکگرتوویان دامەزراند، لە ساڵی ١٩٩٧ بووەتە بەڕێوبەری ھەمان ڕادیۆ، لە ساڵی ١٩٩٩ بەمەبەستی کاری بانگەواز سەردانی ئەورووپا دەکات و لەوێوە کاری بانگەوازی ئەو دەست پێدەکات، و لە ساڵی ٢٠٠٣ گەڕایەوە کوردستان و درێژەی بەکاری خێرخوازی و بانگەواز کردن دایەوە، و لە ساڵی ٢٠٠٤ بەھاوکاری سوھەیب جەمیل ھەستا بەدامەزراندنی ڕێکخراوی بەختەوەری، لە ساڵی ٢٠١٠ لە ھەڵبژاردنەکانی پەرلەمانی عێراق خۆی پاڵاوت لە لیستی یەکگرتووی ئیسلامیی کوردستان بەڵام دەنگی پێویستی نەھێنا و دەرنەچوو و بەمەش درێژەی بە کار و چالاکییە خێرخوازییەکانی دا و لەئێستاشدا خاوەن ئیمتیازی گۆڤاری بەختەوەرییە کە گۆڤارێکی ئایینی و گەشەپێدانی مرۆیییە و ھاوکات خاوەنی دەزگای بەختەوەریی خێرخوازییە و پێشکەشکاری تەلەڤیزیۆنیشە لەکەناڵی سپێدە و چەند کەناڵێکی ناوخۆیی کوردستان، بۆ ھەڵبژاردنی پەرلەمانی کوردستان خولی چوارەمی پەرلەمانی کوردستانی ٢٠١٣ لەلایەن یەکگرتووی ئیسلامیی کوردستان ھەڵبژێردرایەوە و لەدوایشدا کە ئەنجامەکانی دەرچوو ناوبراو ئەمجارەیان سەرکەوتنی بەدەست ھێنا بووە ئەندامی پەرلەمانی کوردستان لەسەر لیستی یەکگرتووی ئیسلامیی کوردستان.
سەرچاوەکان
[دەستکاری]- ماڵپەڕی بەختەوەری پێگەی تایبەتی حاجی کاروان
- ژیانی حاجی کاروان
- بەرنامەکانی حاجی کاروان لەکەناڵە ڕاگەیاندنەکان
- حاجی کاروان لەڕایەڵەی کۆمەڵایەتی فەیسبووک
