جۆن تراڤۆڵتا
| جۆن تراڤۆڵتا | |
|---|---|
_(cropped).jpg) تراڤۆڵتا لە ٢٠١٣ | |
| لەدایکبوون | جۆن جۆزێف تراڤۆڵتا ١٨ی شوباتی ١٩٥٤ ئێنگلوود نیوجێرسی،  ویلایەتە یەکگرتووەکان |
| نیشتەجێ | جومبۆلەیر سەبدیڤیژن؛ ئۆکلا، فلۆریدا لۆس ئانجلەس |
| پیشە | ئەکتەر، بەرھەمھێنەر، نووسەر، گۆرانیبێژ، سەماکەر، فڕۆکەوان |
| ساڵانی چالاکی | ١٩٦٩- ئێستا |
| ئایین | کاتۆلیک (١٩٥٤ تا ١٩٧٥) سایێتۆلۆجی (١٩٧٥ - ئێستا) |
| ھاوسەر | کێلی پرێتسۆن (١٩٩١-۲۰۲۰) |
| منداڵەکان | ٣ |
| خزمەکان | ئێلین تراڤۆڵتا (خوشک) |
| وێبگە | |
| ماڵپەڕی تراڤۆڵترا | |
جۆن جۆزێف تراڤۆڵتا، ھونەرمەندێکی ئەمریکیە و ھەڵبژێردراوە بۆ خەڵاتی ئۆسکار، لە ١٨ شوباتی ساڵی ١٩٥٤ لە نیوجێرسی لە ویلایەتە یەکگرتووەکانی ئەمریکا لەدایکبووە، باوکی بازرگانێکی بچووک و یاریزانێکی تۆپی پێبووە، دایکیشی مامۆستا بووە لە قوتابخانەیەکی دواناوەندی، دایک و باوکی زۆر دڵخۆش و ڕوخۆش بونە و شانۆیەکی بچووکیان دامەزراندووە تاکو منداڵەکانیان لەگەڵ منداڵی دراوسێیەکانیان لەسەری یاری بکەن جۆن تراڤۆڵتاش لەو شانۆیەوە ھۆگری شانۆ بووە و ڕۆژانە لەگەڵ براکانی شانۆگەریان لەسەری دەرکردووە. جۆن تراڤۆڵتا کە تەمەنی گەیشۆتە ١٦ ساڵان بڕیاریداوە واز لەقوتابخانە بھێنێت و خۆی تەرخان بکات بۆ ھونەر، بێگومان بوو بەھونەرمەند و لەچەند ئەڵقەیەکی تەلەفزیۆنیدا بەشداری کردووە و لەساڵی ١٩٧٥ لەفیمێکی تۆقێنەردا بەشداری کردووە، ھەتاکو ساڵی ١٩٧٦ ھیچ سەرکەوتنێکی بەدەستنەھێناوە و تەنیا وەکو ئەکتەرێکی ئاسایی کاری کردووە، لەساڵی ١٩٧٧ فیلمی (Saturday Night Fever) دەرکردوو، و سەرکەوتنی بەدەستھێناوە و قازانجی ئەم فیلەمش گەیشتۆتە ٣٥٠ ملیۆن دۆلار، دوابەدوای ئەو فیلمە بەشداری لە زنجیرە درامایەکدا کردووە کە لەساڵی ١٩٧٥ تاکو ساڵی ١٩٧٩ بەردەوام بووە و بەیەکجاری ناوبانگی دەرکردووە. جۆن تراڤۆڵتا لەسەرکەوتنەکانی بەردوام بووە و لەساڵی ١٩٧٨ فیلمێکی سەرکەوتووی دەرکردووە کە باسی لەژیانی ھەرزەکارێک و ئەو کێشانەی لەقوتابخانە ڕووبەڕوی دەبێتەوە کردووە بەھەمان شێوە لەساڵی ١٩٨٠ فیلمێکی دیکەی سەرکەوتووی دەرکردووە تاکو بۆتە ئەستێرەیەکی پڕشنگداری سینەمای ھۆلیوود، لە ساڵاکانی ھەشتاکان و نەوەدەکانیش بەردەوام بووە لە فیلم دەکردن و لەساڵی ١٩٩٤ یەکێک لەفیلمەکانی قازانجێکی گەورەی لە ڕووی ئەمریکا و جیھانیشەوە بەدەستھێناوە و تاکو ئێستاش چالاکیەکانی بەردەوام و ھەوڵی بەھەرمھێنانی فیلمی باشتر دەدات ، وەک فیلمی ساختەکارەکە لەساڵی ٢٠١٤.
