بیرەوەری، دڵەکە
بیرەوەری، دڵەکە تابلۆیەکە لە ساڵی ١٩٣٧، لەلایەن وێنەکێشی مەکسیکی-سوریالیستی، فریدا کالۆ کێشراوە. تابلۆکە دەربڕینە بۆ پەرێشانی و ئازارەکانی فریدا، کاتێک بە پەیوەندی نێوان ھاوسەرەکەی، دیێگۆ ڕیڤێرا و خووشکەکەی، کریستینا کالۆی زانی. لە تابلۆکە، فریدا بە قژێکی کورت دەردەکەوێت، ھیچ ھەست و دەربڕین لە ڕوخساریدا نییە بەڵام فرمێسک لە چاوانیدا دێنە خوارەوە.[١]
ھەندێکجار بە تابلۆکە دەگوترێت ڕیکوێردۆ (بیرەوەری).[٢] تابلۆکە کارێکی زەیتییە بە پێوانەی ٤٠ * ٢٨ سم. لە ساڵی ١٩٣٨، ئەم تابلۆیە لە یەکەمین پێشانگای کەسیی فریدا لە گالێریی جولیەن لێڤی لە نیویرۆک ستی نمایشکرا.[٣] لە ئێستادا تابلۆکە لە پاریس لە کۆکراوەکانی مایکڵ پیتیتژان ھەڵگیراوە.
سەرچاوەکان
[دەستکاری]- ^ The Transition in Frida Kahlo’s Self-Portrait: Before and After 1939 - Scientific Figure on ResearchGate. Available from: https://www.researchgate.net/figure/Memory-the-Heart-1937_fig4_340300417 [accessed 10 Feb, 2021]
- ^ Memory, the Heart at fridakahlo.org
- ^ «Memory, Recuerdo, Frida Kahlo, C0180». www.fridakahlofans.com. لە ڕەسەنەکە لە ١٣ی نیسانی ٢٠٢١ ئەرشیڤ کراوە. لە ١٠ی شوباتی ٢٠٢١ ھێنراوە.
 |
کۆمنزی ویکیمیدیا، میدیای پەیوەندیدار بە بیرەوەری، دڵەکە تێدایە. |