ئارمیتا گەراوەند
ئارمیتا گەڕاوەن | |
|---|---|
 | |
| لەدایکبوون | ٢ی نیسانی ٢٠٠٦ |
| مەرگ | ٢٨ی تشرینی یەکەمی ٢٠٢٣ (١٧ ساڵ ژیاوە) |
| پەروەردە | قوتابیی پۆلی یانزەھەمی ھونەرستانی کچانی تاران |
| ناسراوە بە | مردن بەھۆی لێدانی حیجابپارێزانی پۆلیسی ئەخلاقیی کۆماری ئیسلامیی ئێران |
ئارمیتا گەڕاوەن (بە فارسی: آرمیتا گراوند؛ ٢ی نیسانی ٢٠٠٦ لە کرماشان - ٢٨ی تشرینی یەکەمی ٢٠٢٣ لە تاران) کچەمێرمنداڵێکی کوردی خەڵکی ڕۆژھەڵاتی کوردستان و لە کوردانی لەک بوو کە لە ڕۆژی ١ی تشرینی یەکەمی ٢٠٢٣ بەدوای ڕووداوێک لە میترۆی تاران بێھۆش بوو و بەدوای خەوتن لە نەخۆشخانەی فەجر کە ھی زانکۆی زانستە پزیشکییەکانی ئەرتەشی کۆماری ئیسلامیی ئێرانە چووە کۆما و بەدوای ٢٨ ڕۆژ گیانی خۆی لە دەست دا.[١] [٢] ئارمیتا قوتابیی پۆلی یانزەھەمی ھونەرستانێک بوو لە تاران.
تا ئێستا ڕوون نییە کە بەڕاستی لەناو میترۆکەدا چیی بەسەر هاتووە، بەڵام بارودۆخەکە بووەتە هۆی ئەوەی کە «حیجابپارێزەکان» کە لە لایەن کۆماری ئیسلامی بۆ داسەپاندنی حیجابی زۆرەملی لە میترۆ و شەقامەکاندا ئەرکدار کراون، زیانیان پێگەیاندووە. سەرەڕای ئەوەی کە میدیا و کاربەدەستانی کۆماری ئیسلامیی ئێران ئیدیعا دەکەن کە هیچ ڕووبەڕووبوونەوەیەکی جەستەیی لەگەڵ گەڕاوەندا نەکراوە، بەڵام ھەندێک لە میدیاکان لەوانە ڕادیۆ فەردا، گاردیان و ئێرانوایر، بە گێڕانەوەی ئامادەبووان و شایەتحاڵەکان، ڕاپۆرتیان کردووە کە بەدوای ماوەیەکی کەم لەپشتی سواربوونەوەی ئەو کچە بە واگۆنی میترۆ، یەکێک لە ژنەحیجابپارێزانی کۆماری ئیسلامی لەگەڵیدا تووشی مشتومڕ بووە و بەدوای ئەوەی کە گەڕاوەن بەرگریی لەخۆی کردووە، حیجابپارێزەکە پاڵی پێوە ناوە و گەڕاوەن بەھۆی لێدانی سەری بە ستوونێکی کانزایی لە ھۆش چووەتەوە.
ئەمانەش ببینە[دەستکاری]
سەرچاوەکان[دەستکاری]
- ^ ڕۆژنیوز: ھاوشێوەی ژینا ئەمینی ئارمیتا گەراوەندیش شەھید بوو (بە سۆرانی)، نووسراو لە ٢٨ی تشرینی یەکەمی ٢٠٢٣؛ سەردان لە ٢٨ی تشرینی یەکەمی ٢٠٢٣.
- ^ ئاژانسی ھەواڵی فرات: ئارمیتا گراوەندە گیانش جە دەسدا (بە ھۆرامی)، نووسراو لە ١٨ی ئەیلوولی ٢٠٢٣؛ سەردان لە ١٩ی ئەیلوولی ٢٠٢٣.
 |
کۆمنزی ویکیمیدیا، میدیای پەیوەندیدار بە ئارمیتا گەراوەند تێدایە. |