پێغەمبەرەکان لە ئیسلامدا

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

Bismillahir Rahmanir Rahim

پایەکانی باوەڕ


Mosque.svg
پایەکانی باوەڕ

پێغەمبەرەکان لە ئیسلامدا، ئەو کەسانەن کە خوا هەڵیبژاردوون بۆ ڕێنمایی کردنی خەڵک بۆ پەرستنی خوا بە بێ دانانی هاوەڵ و هاوبەش، و بانگیان بکات بۆ چاکە و ڕەوشتەکان و وازهێنان لە بتپەرستی و قەدەغەکراوەکان.

باوەڕبوون بە پێغەمبەران[دەستکاری]

باوەربوون بە پێغەمبەر و نێردراوەکانی خوا یەکێکە لە پایەکانی باوەڕ لە ئیسلامدا و ئەم باوەڕبوونەش چوار بوار ئەگرێتەوە؛

  • یەکەم/ باوەڕبوون بەوەی کە پەیامەکانیان حەق و ڕاستن و لای خواوە هاتوون، و ئەوەی بیباوەڕ بێت بە یەکێکیان ئەوا بێباوەڕ دەبێت بە هەموویان.
  • دووەم/ باوەربوون بە هەموو ئەو پێغەمبەرانەی کە ناوەکانیان زانراوە وەک (محەمەد و عیسا و موسا و نوح و ئیبراهیم ...هتد)، هەروەها باوەربوون بەوانەی ناوەکانیان نەزانراوە بە گشتی، خوا لە قورئاندا دەفەرموێت؛ لَقَدْ أَرْسَلْنَا رُسُلًا مِّن قَبْلِكَ مِنْهُم مَّن قَصَصْنَا عَلَيْكَ وَمِنْهُم مَّن لَّمْ نَقْصُصْ عَلَيْكَ [١]، واتە؛ ه‌ڕاستی ئێمه پێش تۆ پێغه‌مبه‌رانی تریشمان ڕه‌وانه کردووه‌، هه‌یانه سه‌رگوزه‌شته و به‌سه‌رهاتیانمان بۆ گێڕاویته‌وه‌، هه‌شیانه که سه‌رگوزه‌شته و به‌سه‌رهاتیمان بۆ نه‌گێڕاویته‌وه‌.
  • سێیەم/ بە ڕاست دانانی ئەوەی کە ڕاستە لە هەواڵ و باسەکانیان.
  • چوارەم/ کردەوە کردن بە شەریعەتی دوایین پێغەمبەریان کە پێغەمبەری ئیسلامە (محەمەد).

ئەو پێغەمبەرانەی لە قورئاندا ناویان هاتووە[دەستکاری]

لە قورئاندا ناوی ٢٥ پێغەمبەر هاتووە، کە ئەمانەی خوارەوەن؛

پێغەمبەرەکان لە قورئاندا
ناو کتێب نەتەوە
ئادەم
ئیدریس
نو‌ح هۆزی نوح
هود عاد
ساڵح سەموود
ئیبراهیم سوحوف هۆزی ئیبراهیم
لووت هۆزی لوت
ئیسماعیل
ئیسحاق
یەعقوب
یوسف
ئەیوب
شوعەیب مەدیەن
موسا تەورات فیرعىەون و دارو دەستەکەی
هاروون
زولکەفل
داوود زەبوور
سولەیمان
ئیلیاس هۆزی ئیلیاس
یەسع
یوونس هۆزی یوونس
زەکەریا
یەحیا
عیسا ئینجیل بەنی ئیسرائیل
موحەممەد قورئان هەموو خەڵک

خاوەن توانا و خۆڕاگرەکان[دەستکاری]

خاوەن توانا و خۆڕاگرەکان (أولوا العزم)، لە ئیسلامدا پێنج پێغەمبەرن کە خاوەن توان و خۆڕاگریین لە ناو پێغەمبەرەکانی خوادا ئەوانیش (محەمەد و عیسا و موسا و نوح و ئیبراهیم)ن، وەک لەم ئایەتەدا هاتووە؛ وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنكَ وَمِن نُّوحٍ وَإِبْرَاهِيمَ وَمُوسَىٰ وَعِيسَى ابْنِ مَرْيَمَ ۖ وَأَخَذْنَا مِنْهُم مِّيثَاقًا غَلِيظًا [٢]، واتە؛ په‌یمانمان له‌پێغه‌مبه‌ران وه‌رگرتووه په‌یمانی یه‌کتاپه‌ره‌ستی، په‌یمانی گه‌یاندنی بانگه‌وازی خوا، به‌تایبه‌ت تۆ ئه‌ی محمد و له‌نوح و ئیبراهیم و موسا و عیسای کوڕی مه‌ریه‌م، بێگومان په‌یمانێکی به‌هێز و پته‌ومان لێ وه‌رگرتن...

بابەتە پەیوەندیدارەکان[دەستکاری]

سەرچاوەکان[دەستکاری]

  1. سورەتی غافر، ٧٨
  2. سورەتی ئەحزاب، ٧

سایتی تەنزیل