ناکۆکیی پەنجشێر

لە ئینسایکڵۆپیدیای ئازادی ویکیپیدیاوە
پەنجشێر لەنەخشەدا

ململانێی پەنجشێر یان ناکۆکیی پەنجشێر ڕوبەڕووبوونەوەیەکی توندە لە نێوان کۆماری ئیسلامی پێشووی ئەفغانستان و بەرەی بەرگری نیشتمانی و میرنشینە تازە باڵادەستە ئیسلامییەکانی ئەفغانستان کە لەلایەن تاڵیبانەوە ڕێبەریان دەکرێت،[١] دوای کەوتنی کابول ململانێکە لە ١٧ی ئابی ٢٠٢١ دەستی پێکرد کاتێک ئەشرەف غەنی سەرۆک کۆماری ئەفغانستان وڵاتی بەرەو تاجیکستان بەجێھێشت، دوو ڕۆژ دواتر ئامروڵا ساڵح جێگری سەرۆک کۆمار خۆی وەک سەرۆک کۆماری ئەفغانستان ناساند.[٢][٣]

دۆخی سەربازی[دەستکاری]

ھێرشی تاڵیبان

ویلایەتی پەنجشێر دوایین ویلایەتی ئەفغانستان بوو چووە ژێر کۆنتڕۆڵی بزووتنەوەی تاڵیبان و لەژێر دەسەڵاتی ھێزەکانی ئەحمەد مەسعوود دەرچوو، لە ١٥ی ئابی ٢٠٢١ەوە کە بزووتنەوەی تاڵیبان کۆنتڕۆڵی کابولی پایتەختی ئەفغانستانی کرد، دەنگۆی ئەوە ھەبوو گفتووگۆ لەنێوان تاڵیبان و ئەحمەد مەسعوود دەستپێبکات بە مەبەستی گەیشتن بە ڕێککەوتنی ئاشتی، بەرەی بەرخودانی نیشتمانی یان دژە تاڵیبان بە سەرکردایەتیی ئەحمەد مەسعوود کوڕی ئەحمەد شا مەسعوود، داوای سیستەمی لامەرکەزیی سیاسی و ئابووری بۆ ویلایەتی پەنجشێر دەکرد بەجۆرێک کە نیمچە سەربەخۆیییەک لە دەسەڵاتی تاڵیبان بەدەستبھێنێت بەڵام گفتووگۆکان ھیچ دەستکەوتێکیان نەبوو.[٤]

لە ٢٩ی ئابی ٢٠٢١ خزمەتگوزاری ئینتەرنێت و پەیوەندی و ھاتوچۆ لە سەرانسەری پارێزگای پەنجشیر بە فەرمانی تاڵیبان داخرا[٥] وەک خۆ ئامادەکردنێک بۆ لێدان لە ھێزەکانی کۆماری ئیسلامی ئەفغانستان و شەڕڤانانی پەنجشیر و میلیشیاکانی حەزەرە کە بە دژە تاڵیبان ناسراون و لەلایەن ئەحمەد مەسعوود و ئامروڵڵا ساڵح ڕێبەریان دەکرێت[٦]

لە ٤ی ئەیلولدا جگە لە ئۆپۆزسیۆن لە پەنجشێر، لەناوەندی پارێزگاش چەند شارۆچکەیەک ھەبوو کە لە دژی تاڵیبان لە بەرخۆداندابوون، کە لەلایەن کەمینە ڕەگەزیی و ئایینیەکانەوە پشتگیری دەکران.[٧]

لە ٦ی ئەیلولدا دوای شەڕێکی قورس و زیانێکی گەورە لە ھەردوولادا تاڵیبان هەموو پەنجشێری گرت و ئاڵای تاڵیبان لە نوسینگەی پارێزگار لە بازاڕەک هەڵکرا[٨]، بەگوێرەی دوایین ڕاپۆرتەکان ئەو هێزانەی دژی تاڵیبان دەجەنگن بەرەو چیاکان کشاونەتەوە[٩][١٠] تاڵیبان باس لەوە دەکات کە زۆر لەو هێزانە هەڵھاتوون، وە دەڵێن ئەحمەد مەسعوود لە شوێنێکی ئارامدا و دوور لە شەڕەکە خۆی پەناداوە، و ئامروڵڵا ساڵحیش هەڵاتووە بۆ تاجیکستان[١١].

سەرچاوەکان[دەستکاری]

  1. ^ "Anti-Taliban resistance group says it has thousands of fighters". BBC News (بە ئینگلیزی). 2021-08-23. Retrieved 2021-09-03.
  2. ^ "Afghan vice president says he is "caretaker" president". Reuters (بە ئینگلیزی). 2021-08-17. Retrieved 2021-09-03.
  3. ^ "An anti-Taliban front forming in Panjshir? Ex top spy Saleh, son of 'Lion of Panjshir' meet at citadel". The Week (بە ئینگلیزی). Retrieved 2021-09-03.
  4. ^ www.rudaw.net https://www.rudaw.net/sorani/world/03092021. Retrieved 2021-09-04. {{cite web}}: Missing or empty |title= (help)
  5. ^ "Taliban shut down internet in resistance forces-held Panjshir valley: Here's the reason why". Free Press Journal (بە ئینگلیزی). Retrieved 2021-09-03.
  6. ^ "A video of MP Ashraf Ghani in Panjshir .. and the Taliban cut the internet". Asume Tech (بە ئینگلیزی). 2021-08-29. Retrieved 2021-09-03.
  7. ^ NWS, VRT (2021-09-03). "Welles-nietesspel over eindstrijd Panjshir, taliban voeren hevige strijd om laatste opstandige provincie". vrtnws.be (بە ھیندی). Retrieved 2021-09-04.
  8. ^ Shah, Saeed (2021-09-06). "Taliban Claim to Have Conquered Last Pocket of Resistance in Afghanistan". Wall Street Journal (بە ئینگلیزی). ISSN 0099-9660. Retrieved 2021-09-07.
  9. ^ CNN, Nic Robertson, Nilly Kohzad, Tim Lister and Helen Regan. "Taliban claim to have 'completely conquered' Panjshir". CNN. Retrieved 2021-09-07.
  10. ^ https://www.washingtonpost.com/world/2021/09/06/afghanistan-kabul-taliban-updates
  11. ^ CNN, Nic Robertson, Nilly Kohzad, Tim Lister and Helen Regan. "Taliban claim to have 'completely conquered' Panjshir". CNN. Retrieved 2021-09-07.

https://www.bbc.com/news/world-asia-58239156 https://www.reuters.com/world/india/afghan-vice-president-says-he-is-caretaker-president-2021-08-17/ https://www.theweek.in/news/world/2021/08/17/an-anti-taliban-front-forming-in-panjshir-ex-top-spy-saleh-son-of-lion-of-panjshir-meet-at-citadel.html