یاسەمین لێڤی

لە ئینسایکڵۆپیدیای ئازادی ویکیپیدیاوە
Jump to navigation Jump to search
یاسەمین لێڤی
یاسەمین لە ساڵی ٢٠٠٨
زانیارییەکان
لەدایکبووی (١٩٧٥-١٢-٢٣) ٢٣ی کانوونی یەکەمی ١٩٧٥ (تەمەن ٤٤)
ئوورشەلیم
بنەچەئوورشەلیم، ئیسرائیل
چەشنمۆسیقای سەفاردیک، جیھانی، فلامێنکۆ
پیشەکانگۆرانیبێژ-گۆرانینووس
ئامێرەکانVocals
ساڵانی چالاکبوون٢٠٠٠-ئێستا
کۆمپانیای تۆمارکردنAdama
ماڵپەڕyasminlevy.net

یاسەمین لێڤی (بە عیبری: יסמין לוי‎؛ لە دایکبووی ٢٣ی کانوونی یەکەمی ١٩٧٥) گۆرانیبێژ-گۆرانینووسێکی ئیسرائیلییە کە بەزمانی ئیسپانی-یەھودی دەنووسێت.

ژیان[دەستکاری]

یاسەمین لە خێزانێکی بنەچەی جوولەکەی سەفاردی (جووی ئیسپانی) لە دایکبووە.[١] دایک و باوکی لە. تورکیاوە کۆچیان کردبوو.[١] باوکی یتسحاق ئیسحاق لێڤی (١٩١٩–١٩٧٧) گۆرانیبێژ، گۆرانینووس و ئاوازدانەر بوو لەھەمان کاتیش لێکۆڵەر بوو لە مۆسیقای لادینۆ و مێژووی جوولەکەی ئیسپانی، ھاوکات سەرنووسەری گۆڤاری (Aki Yerushalayim) بوو.[٢]

ژیانی کارکردن[دەستکاری]

بەھۆی جیاوازی و شێوازە سۆزدارییانەکەی، لێڤی مانایەکی نوێی بۆ گۆرانی بەزمانە کۆنەکەی یەھوودی-ئیسپانی (لادینۆ) بەخشیوە، بەجۆرێک تێکەڵەیەک و نوێگەری خستۆتە ناو ھونەری فلامێنکۆ و مۆسیقای فارسی.[٣] لەھەمان کاتیش چەندین ئامێری مۆسیقی تێکەڵکردووە لەوانە دومبک، عود، کەمانچە، چەلۆ و پیانۆ.

یەکەم ئەلبوومی یاسەمین لە ساڵی ٢٠٠٤ بەناوی ڕۆمانس و یاسەمین دەرچوو، کە پاڵێوراوکرا بۆ بردنەوەی خەڵاتی باشترین ھونەرمەندی نوێ لە بی بی سی ڕادیۆ ٣. بۆ ساڵی دواتر، لە ٢٠٠٥ بە دەرکردنی ئەلبوومی لا جوێریا پاڵێوراوکرایەوە بۆ ھەمان خەڵات لە پۆلینی تێکەڵکێشی کەلتوور.[٤]

کارەکانی لێڤی وایانکرد کە خەڵاتی دامەزراوەی ئانا لیند ئورۆ مێدتەریان بباتەوە بۆ کارکردن لەسەر تێکەڵکێشکردنی کەلتوورەکان لەنێو سێ کەلتوور.[٥] لەمبارەیەوە لێڤی وتی:

«من شانازی بەتێکەڵکردنی کەلتووری لادینۆ و فلامینکۆ دەکەم، ھاوکات لەگەڵ تێکەڵکردن لەگەڵ ئەزموون و کاریگەرییەکانی مۆسیقای ڕۆژھەڵاتی ناوین. من بەسەر ئەو کەشتییەدا دەڕۆم کە گەشتێکی مۆسیقی ٥٠٠ ساڵی لەخۆ گرتووە، بە بردنی مۆسیقای لادینۆ بۆ ئەندەلوسیا و تێکەڵکردنی لەگەڵ فلامینکۆ، ئەو ستایلە کە بیرەوەری مۆرۆکانە کۆنەکان و جووە-ئیسپانییەکانە لەگەڵ دەنگی جیھانی عەرەبی، ئەوا بەمشێوەیە جیھان دەتوانێت باوەشگرتنێکی مۆسیقییانە بە مێژوو بگرێت.[٦]»

یاسەمین لێڤی باڵیۆزی چاکەخوازە لە ڕێکخراوی بەریتانی «منداڵانی ئاشتی».

دیسکۆگرافی[دەستکاری]

یاسەمین لێڤی لە کۆنسێرتی واشۆ، ئەیلوولی ٢٠٠٨.

ئەلبوومەکان[دەستکاری]

  • ٢٠٠٤: ڕۆمانس و یاسەمین (Romance & Yasmin)
  • ٢٠٠٥: (La Judería)
  • ٢٠٠٦: لایڤێک لە تاوەری داود، ئورشەلیم
  • ٢٠٠٧: (Mano Suave)
  • ٢٠٠٩: (Sentir)
  • ٢٠١٢: ئازادی (Libertad) (لە تشرینی یەکەمی ٢٠١٢ دەرچوو)[٧]
  • ٢٠١٤: تانگۆ - (Tango) (لە تشرینی یەکەمی ٢٠١٤ دەرچوو)
  • ٢٠١٧: تەنیا یەک شەو (Rak Od Layla Echad)

سەرچاوەکان[دەستکاری]

  1. ^ ی ا "Yasmin Levy Makes Music out of Madness". eSefarad (بە زمانی ئیسپانی). لە ڕەسەنەوە ئەرشیڤ کراوە لە ٢٧ی حوزەیرانی ٢٠٢٠. لە ڕێکەوتی September 1, 2019 ھێنراوە. 
  2. ^ Aki Yerushalayim
  3. ^ "Yasmin Levy: Passion from exile". London: The Independent. July 15, 2005. لە ڕێکەوتی November 25, 2008 ھێنراوە. 
  4. ^ "BBC – Radio 3 – Awards for World Music 2006 – Yasmin Levy". BBC. لە ڕێکەوتی April 19, 2008 ھێنراوە. 
  5. ^ "2008 Event Media Release – Yasmin Levy". Sydney Opera House. لە ڕەسەنەوە ئەرشیڤ کراوە لە August 28, 2008. لە ڕێکەوتی August 19, 2008 ھێنراوە. 
  6. ^ "BBC – Awards for World Music 2007 – Yasmin Levy". BBC. لە ڕێکەوتی 2008-08-19 ھێنراوە. 
  7. ^ "Yasmin Levy Presenting songs from her new album, Libertad + Tanja Tzarovska: Hidden Songs of Macedonia". لە ڕەسەنەوە ئەرشیڤ کراوە لە ٩ی تشرینی دووەمی ٢٠١٢. لە ڕێکەوتی ٢٥ی ئایاری ٢٠٢٠ ھێنراوە.