کەناڵی ئەلجەزیرە

کەناڵی ئەلجەزیرە
دامەزران	١ی تشرینی دووەمی ١٩٩٦
دامەزرێنەر	Hamad bin Khalifa Al Thani
Chief executive officer	Q12243408، Ahmed bin Jassim Al Thani
بەڕێوەبەر	Asef Hamidi
وڵات	قەتەر
خاوەن	تۆڕی میدیایی ئەلجەزیرە
بەشێکە لە کۆمپانیای	تۆڕی میدیایی ئەلجەزیرە
خاوەنی	BeIN Sports USA، Bein Sports، beIN Sports
شوێنی بارەگاکان	دەوحە
زمانەکان	زمانی عەرەبی، زمانی ئینگلیزی
خەڵاتەکان	Ibn Rushd Prize for Freedom of Thought، Four Freedoms Award – Freedom of Speech
وێبگە	https://www.aljazeera.com/، https://www.aljazeera.net/، https://chinese.aljazeera.net/، http://aljazeera.com.tr/
بەستەری سیاسەتی پاراستن	https://privacy.aljazeera.net/
بەستەری ھەواڵ	https://www.aljazeera.com/xml/rss/all.xml
Sitemap URL	https://www.aljazeera.com/sitemap
لە ویکیدراوە دەستکاریی زانیارییەکان بکە

ژووری ھەواڵ کەناڵی ئەلجەزیرە ساڵی ٢٠١١

کەناڵی ئەلجەزیرە کەناڵێکی تەلەڤیزیۆنی ھەواڵی حکومییە و سەر بە تۆڕی میدیایی ئەلجەزیرەیە، لە ١ی تشرینی دووەمی ١٩٩٦ دامەزراوە و بارەگا سەرەکییەکەی لە دەوحەی پایتەختی قەتەرە. سەرەتا وەک کەناڵێکی ئاسمانی بۆ ھەواڵی عەرەبی و کاروباری ھەنووکەیی دەستی پێکرد و لەو کاتەوە بە ھەمان ناوی «ئەلجەزیرە» کەناڵەکە فراوانتر بووە و بووەتە تۆڕێکی میدیایی نێودەوڵەتی کە ژمارەیەک دەزگای ھەیە، لەوانە ئینتەرنێت و کەناڵە تەلەڤیزیۆنییە تایبەتمەندەکان بە چەند زمانێک لە چەند ناوچەیەکی جیھان.

ھەوڵی سەرەکی کەناڵەکە گواستنەوەی بیروڕا جیاوازەکان بوو، ئەوەش وای دەکرد جێگەی خۆی بکاتەوە لە گفتوگۆکان لە وڵاتانی خەلیج و بەشێک لە وڵاتانی عەرەبی، و وێستگەی گرنگی ڕووماڵەکانی لە کاتی ھێرشەکانی ١١ی ئەیلوولی ٢٠٠١ بوو کە تاکە کەناڵ بوو جەنگی ئەفغانستانی بە شێوەیەکی ڕاستەوخۆ دەگواستەوە و ھەروەھا پارچە ڤیدیۆیی لێدوانی سەرکردەکانی ڕێکخراوەی ئەلقاعیدە و ئوسامە بن لادنی پەخش دەکرد، ھەروەھا سەرنجی زۆری خەڵکی ڕاکێشا بە ڕووماڵکردنی شۆڕشەکانی بەھاری عەرەبی ھەریەک لە: تونس، میسر، لیبیا، سووریا و یەمەن.

کەناڵی جەزیرە کێبڕکێ لەگەڵ کەناڵە نێودەوڵەتییە گەورەکانی زمانەکانی عەرەبی و ئینگلیزی دەکات، لەوانە سی ئێن ئێنی ئەمریکی و فۆکس نیووز. لە مانگی حوزەیرانی ساڵی ٢٠١٢، پاکێجی کەناڵی beIN) Sports) لە فەرەنسا کرایەوە، سەر بە تۆڕی جەزیرە کە ناسر خلێفی سەرۆکایەتی دەکات، تایبەتمەندە بە بەرنامە وەرزشییەکان و ١٠ کەناڵ لەخۆدەگرێت و لە ماوەی سێ مانگدا بووە کەناڵێکی وەرزشی لە فەرەنسا.

دامەزراوەکە

کەناڵی ڕەسەنی ئەلجەزیرە لە ساڵی ١٩٩٦ بە بەخشینی ١٥٠ ملیۆن دۆلاری ئەمیری قەتەر حەمەد بن خەلیفە ئال سانی دەستی پێکرد. کەناڵەکە لە ١ی تشرینی دووەمی ١٩٩٦ دەستی بە پەخش کرد، دامەزراندنی کەناڵی جەزیرە بە نزیکەیی ھاوکات بوو لەگەڵ داخستنی بەشی عەرەبی تەلەڤیزیۆنی بی بی سی (کە بە ھاوبەشی لەگەڵ سعودیە دامەزرا) لە نیسانی ١٩٩٤، دوو ساڵ دوای دامەزراندنی بەھۆی سانسۆرەوە کە سعودیە داوای دەکرد. زۆرێک لە کارمەندانی وێستگەکە پەیوەست (خۆیان گواستەوە) بوون بە کەناڵی جەزیرەی بەریتانی، کەناڵی جەزیرە ئێستا بەشێکە لە تۆڕی جەزیرە.

کەناڵی جەزیرە لە ساڵانی یەکەمدا بەبێ ڕیکلام دەستیپێکرد و دواتر دەستیکرد بە پەخشکردنی ڕێکلام، کەناڵی جەزیرە ئامانجی ئەوە بوو تا ساڵی ٢٠٠١ لە ڕێگەی ڕیکلامەوە بتوانێت خۆبژێوی بکات، لە ساڵی ٢٠٠٠ ڕێکلام لە ٤٠٪ی داھاتی وێستگەکەی دابین دەکرد، بەڵام بەھۆی دوودڵی ڕیکلامکەرانی سعودی بۆ گرێبەستکردن لەگەڵیدا شکستی ھێنا، بەڵام میری قەتەر ڕەزامەندی دەربڕی لەسەر بەردەوامبوون لە پشتگیریکردنی ساڵانە ٣٠ ملیۆن دۆلار لە ساڵی ٢٠٠٤.

نیشانە

نیشانەی ئەلجەزیرە، نوێنەرایەتییەکی ڕازاوە و شێوەی گوێزی ھیندی ناوی تۆڕەکەیە کە بە بەکارھێنانی ڕێنووسی عەرەبی (دیوانی) نووسراوە. لەلایەن دامەزرێنەری وێستگەکەوە شێخ حەمەد بن خەلیفە ئال سانی میری پێشووی قەتەر وەک براوەی بەشداری پێشبڕکێی دیزاین ھەڵبژێردرا.

ھەڵگران

سەرۆکی تۆڕی جەزیرە شێخ حەمەد بن ثامر ئال سانی، ئامۆزای دوور بە دووری ئەمیری پێشووی قەتەر شێخ حەمەد بن خەلیفە ئال سانی.

بەستەرە دەرەکییەکان

• کەناڵی جەزیرە لە ئەنتەرنێت
• کەناڵی جەزیرەی ئینگلیزی لە ئەنتەرنێت
• ماڵپەری کەناڵی جەزیرەی وەرزشی
• کەناڵی جەزیرەی دیکۆمێنتاریی
• ناوەندی ڕاگەیاندنی ئەلجەزیرە بۆ ڕاھێنان و گەشەپێدان