کێڤن ھارت

کێڤن هارت Kevin Hart
لەدایکبوون	کێڤن دارنێڵ هاڕت ٦ی تەممووزی ١٩٧٩ فیلادێلفیا، پێنسیلڤانیا، ئەمریکا
پیشە	ئەکتەر، نووسەر، گۆرانیبێژ
ساڵانی چالاکی	١٩٩٩ - ئێستا
ناوبانگ	Ride Along Get Hard

کێڤن دارنێڵ هارت (بە ئینگلیزی: Kevin Hart) (لەدایکبووی ٦ی تەممووزی ١٩٧٩؛ لە فیلادێلفیا) ئەکتەرێکی و کۆمیدیانی ستەنداپی ئەمریکییە، ناسراوە بەهۆی ڕۆڵە جیاکانی لە فیلمە کۆمێدییەکان. هارت سەرەتای ژیانی پیشەگەری بە بردنەوەی هەندێ خەڵاتی شانۆیی تایبەت بە کۆمێدیا دەست پێکرد لە ویلایەتی پێنسیلڤانیا. لە ساڵی ٢٠٠٢ بەشدار بوو لە فیلمی (Paper Soldiers) و هەروەها لە فیلمی (Scary Movie 3)، و فیلمی (Soul Plane) لە ٢٠٠٤، و فیلمی (Little Fockers) لە ٢٠١٠.

کارە کۆمێدییەکانی هارت بەوە گەیشت کە بتوانێ یەکەم ئەلبوومی تایبەت بە خۆی بڵاوبکاتەوە بەناوی (I'm a Grown Little Man) لە ساڵی ٢٠٠٨. هاڕت لە ٢٠١٣ لە فیلمی (Grudge Match)یشدا دەرکەوت لە پاڵ ئەکتەران ڕۆبەرت دی نیرۆ و سلڤستەر ستالۆن. بەرهەمێکی تری هارت لە ساڵی ٢٠١٥ بریتی بوو لە فیلمی (Get Hard) کە لە پاڵ ئەکتەر ویل فێرێلدا بوو، جگە لەمانەش لەپاڵ ئەکتەری بەناوبانگ ئایس کیوب بەشداری کرد لە بەشی یەکەمی (Ride Along) و بەشداری لە بەشەی دووەمی فیلمەکەش دەکات کە وابڕیارە لەساڵی ٢٠١٦ دەرچێت.