کوودەتای ١٩٦٣ی سووریا
| کودەتای سووریا ١٩٦٣ | |
|---|---|
 | |
| بەشێکە لە | شەڕی ساردی عەرەب |
| وڵات | کۆماری دووەمی سووریا |
| جێ | سووریا |
| کاتی ڕوودان | ٨ی ئازاری ١٩٦٣ |
کودەتاکەی ١٩٦٣ی سووریا یان شۆڕشی ٨ی ئازار وەک ئەوەی بە فەرمی ناوی لێنراوە، دەستبەسەرداگرتنی دەسەڵاتی مەدەنی و سەربازی بوو لە سووریا لەلایەن لیژنەی سەربازی لقی سووریای حیزبی بەعسی سۆسیالیستی عەرەبی. ئەو پلانە لە کودەتا سەربازییە سەرکەوتووەکەی حیزبی بەعس لە عێراق ئیلھام وەرگیراوە.
کودەتاکە لەلایەن لیژنەی سەربازی حیزبەکەوە پلانی بۆ دانرابوو نەک سەرکردایەتی مەدەنی، بەڵام سەرۆکی حیزبەکە میشێل عەفلەق کودەتاکەی پەسەند کرد. ئەندامانی دیار و بەرچاوی لیژنەی سەربازی بە درێژایی قۆناغەکانی پلاندانانی کودەتاکە مانەوە و تەنانەت دوای ئەوەی حیزبەکە دەسەڵاتی گرتە دەست ئەوانیش بریتی بوون لە: محەممەد عومران و سەلاح جەدید و سلێمان حەداد و حافز ئەسەد. لیژنەی سەربازی پشتگیری دوو ناسری وەرگرت: ڕاشد قوتەینی و محەممەد سۆفی، جگە لە یەکێک لە سەربەخۆکان، زیاد حەریری. بڕیار بوو لە ٧ی ئازاردا کودەتاکە ئەنجام بدرێت، بەڵام بەھۆی ئاشکراکردنی ئەو شوێنەی کە بڕیار بوو کودەتاچییەکان تێیدا کۆببنەوە لەلایەن حکوومەتەوە، دواخرا بۆ ڕۆژی دواتر.
