چیای ڕۆکی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
وێنەی زنجیرە چیای ڕۆکی کە لە ویلایەتە یەکگرتووەکانەوە درێژ دەبێتەوە بەرەو کەنەدا

چیای ڕۆکی (بە ئینگلیزی: Rocky Mountains و بە کورتکراوەیی: The Rockies) کە بە مانای (چیای بەردین)یش دێت. بریتییە لە کۆمەڵە زنجیرە چیایەک کە دەکەوێتە ڕۆژئاوای کیشوەری ئەمریکای باکوور. درێژ دەبێتەوە بە دووری ٤،٨٠٠ کیلۆمەتر لە نیومەکسیکۆی ویلایەتە یەکگرتووەکانەوە بۆ کەنەدا. بەرزترین لووتکەی ناوی لووتکەی ئەلبێرتە کە بەرزاییەکەی ٤،٣٩٩ مەترە، ئەو ویلایەتانەی کە ئەم زنجیرە چیایە لەخۆ دەگرن پێیان دەگوترێت ویلایەتە شاخاوییەکان. ھەروەھا لەم چیایەدا ١٤ ڕووبار ھەڵدەقوڵێت کە بەناوبانگترینیان ڕووباری کۆلۆڕادۆ و ڕووباری میزۆرییە.

زنجیرە چیای ڕۆکی دابەش دەبێت بەسەر ٣ کۆمەڵەدا:

  1. چیای ڕۆکی کەنەدی (Canadian Rockies) و چیای ڕۆکی باکوور (Northern Rockies) لە مۆنتانا و باکووری ڕۆژھەڵاتی ئەیداھۆ.
  2. چیای ڕۆکی ناوەڕاست (Middle Rockies) لە یوتا و باشووری ڕۆژھەڵاتی ئەیداھۆ.
  3. چیای ڕۆکی باشووری (Southern Rockies) لە کۆلۆڕادۆ و نیومەکسیکۆ.
  4. زورگی کۆلۆڕادۆ (Colorado Plateau) لە ئەریزۆنا و نیومەکسیکۆ و کۆلۆڕادۆ و یوتا.