پردی سیخوڕەکان (فیلم)

لە ئینسایکڵۆپیدیای ئازادی ویکیپیدیاوە
Jump to navigation Jump to search
پردی سیخوڕەکان
دەرھێنانستیڤن سپیلبێرگ
بەرھەمھێنانستیڤن سپیلبێرگ
مارک پلات
کریستی ماکۆسکۆ
نووسینمان چارمان
جۆیڵ کۆین
ئێثان کۆین
چەشنی فیلم{{{چەشن}}}
کاستتۆم هانکس
ماڕک ڕایلانس
ئامی ڕایان
ئۆستن ستۆوێڵ
جۆش گاد
ویڵ ڕۆجەرس
مۆسیقاتۆماس نیومان
وێنەگری سینەماییجانسوس کامێنسکی
دەستکاریمایکڵ کان
ماوەی فیلم١٤١ خولەك
وڵاتویلایەتە یەكگرتووەكانی ئەمەریكا
زمانئینگلیزی
تێچوون٤٠ ملیۆن دۆلار
داھات١٣٧ ملیۆن دۆلار

پردی سیخوڕەکان (بە ئینگلیزی:Bridge of Spies) فیلمێکی ٢٠١٥ی ئەمەریکی مێژوویی درامایی هەستبزوێنییە. لەلایەن دەرهێنەر ستیڤن سپیلبێرگـەوە دەرهێنراوە و ئەکتەران تۆم هانکس، ماڕک ڕایلانس، ئامی ڕایان ڕۆڵیان لە فیلمەکە بینیوە. چیڕۆکی فیلمەکە لە ڕووداوێکی ڕاستەقینەوە وەرگیراوە لە سەردەمی شەڕی ساردی نێوان ویلایەتە یەکگرتووەکانی ئەمریکا و یەکێتیی سۆڤیەت لە ساڵی ١٩٦٢.

چیڕۆکی فیلم[دەستکاری]

ڕۆدۆڵف ئایبڵ سیخوڕێکە کە کار بۆ یەکێکی یەکێتیی سۆڤیەت دەکات، لەو کاتەی کە نامەیەکی نهێنی بۆ دێت بریکارانی حکومی ئەمەریکی دێن و دەستگیری دەکەن، لە دادگادا پارێزەرێکی سەربەخۆ بەناوی جەیمس دۆناڤان پارێزگاری لێدەکات و دەبێتە هۆی ئەوەی کە سزای مردنی بۆ دەرنەچێت. لە هەمان کاتدا لە هەوڵێکی دەزگا سیخوڕییەکانی ئەمەریکادا بۆ سیخوڕی کردن لەسەر ناوچەکانی یەکێتیی سۆڤیەت، فڕۆکەکەیان دەپێکرێت و فڕۆکەوانەکەش بە دیل دەگیرێت. لەم بارودۆخەدا حکومەتی سۆڤیەتیی داوا دەکات لە ڕۆژهەڵاتی بەرلینـەوە زیندانییەکانیان ئاڵوگۆر بکەن. لەم نێوەندەشدا گەنجێکی خوێندکار بە ناوی فرێدرێک پرایۆر لەلایەن هێزەکانی ئەڵمانیاوە دەستگیر دەکرێت و پارێزەر جەیمس هەوڵدەدات و سووردەبێت کە ئەویش ڕزگار بکات.

ئەکتەرەکان لە ڕۆڵەکانیاندا[دەستکاری]

  • تۆم هانکس لە ڕۆڵی جەیمس دۆناڤان.
  • ماڕک ڕایڵانس لە ڕۆڵی ڕۆدۆڵف ئایبڵ.
  • ئامی ڕایان لە ڕۆڵی ماری دۆناڤان.
  • ئۆستن ستۆوێڵ لە ڕۆڵی فڕانسس پاوەرس.
  • سکۆت شیپهێرد لە ڕۆلی هۆفمان.
  • ویڵ ڕۆجەرس لە ڕۆڵی فرێدرێک پرایۆر.

دەرچوون و بۆکس ئۆفیس[دەستکاری]

فیلمەکە لە ١٦ی تشرینی یەکەمی ٢٠١٥ لە هەموو سینەماکانی ویلایەتە یەکگرتووەکانی ئەمریکا نمایش کرا و توانی ١٣٧ ملیۆن دۆلاری ئەمەریکی کۆبکاتەوە.

سەرچاوەکان[دەستکاری]

  • ویکی ئینگلیزی.