وەلید رەگراگی

وەلید رەگراگی (بە عەرەبی: وليد الركراكي؛ لەدایکبووی ٢٣ی ئەیلوولی ١٩٧٥) ڕاھێنەرێکی پیشەگەر و یاریزانی پێشووی تۆپی پێی مەغریبییە، ڕاھێنەری ھەڵبژاردەی تۆپی پێی مەغریبە، کە لە جامی جیھانیی فیفای ٢٠٢٢ پلەی چوارەمی پاڵەوانیەتییەکەیان بەدەستھێنا.

کاروانی یاریزان

رەگراگی لە فەڕەنسا لەدایکبووە، بەڵام لە ئاستی نێونەتەوەیی، نوێنەرایەتی ھەلبژاردەی مەغریبی کردووە، بەرگریکاری باڵی ڕاست بووە. لە یانەکانی تووڵووز، ئەژاکسیۆ، گرێنۆبڵ، ڕاسینگ سانتاندەر و ئەتلەتیکۆ تیتوان یاریی کردووە.

کاروانی ڕاھێنەرایەتی

فەتحی وەرزشی

لە ٨ی ئایاری ٢٠١٤، رەگراگی بوو بە ڕاھێنەری فەتحی وەرزشی، جامی فەرمانڕەوای مەغریبی ٢٠١٤ی بەدەستھێنا. لە ٢٢ی کانوونی دووەمی ٢٠٢٠ بەڕێکەوتن یانەکەی بەجێھێشت.

ویداد

لە ١٠ی ئابی ٢٠٢١، رەگراگی وەکو ڕاھێنەری ویداد ناسێنرا، نازناوی خولی مەغریبی ٢٠٢١-٢٠٢٢ی بەدەستھێنا، لە ٣٠ی ئایاری ٢٠٢٢، نازناوی حولی پاڵەوانەکانی ئەفریقای ٢٠٢٢ی بەدەستھێنا، کە لە ئەھلییان بردەوە، بوو بە دووەم ڕاھێنەری مەغریبی کە نازناوی خولی پاڵەوانەکانی ئەفریقا بەدەستبھێنێت.

مەغریب

لە ٣١ی ئابی ٢٠٢٢، رەگراگی وەکو ڕاھێنەری ھەڵبژاردەی تۆپی پێی مەغریب ناسێندرا، کە ڕووبەڕووی ڕەخنە بووەوە، لە ٢١ی ئەیلوولی ٢٠٢٢، یەکەم یاری ئەنجامدا، کە بەرامبەر بە مۆگادیشۆ بوو.

لە جامی جیھانیی فیفای ٢٠٢٢، مەغریب بە یەکەمی کۆمەڵەکەی گەیشتە قۆناغی ١٦، کە یەکەمجار بوو ھەڵبژاردەیەکی عەرەبی بگاتە ئەم قۆناغە. بە لێدان یەکلاکەرەوە ئیسپانیای کردە دەرەوە و گەیشتە قۆناغی چارەکی کۆتایی، رەگراگی بوو بە یەکەم ڕاھێنەری عەرەبی-ئەفریقی بگاتە ئەم قۆناغە. مەغریب ١-٠ لە پورتوگالی بردەوە و گەیشتە نیوەی کۆتایی، کە یەکەمجار بوو ھەڵبژاردەیەکی ئەفریقی-عەرەبی بگاتە ئەم قۆناغە. فەڕنسا لە نیوەی کۆتایی سەرکەوتنەکانی مەغریبی ڕاگرت. بۆ پلەی سێیەم ڕووبەڕووی کرواتیا بووە و ٢-١ دۆڕان، مەغریب پلەی چوارەمی بەدەستھێنا.

ئاماری ڕاھێنەرایەتی

ھەتا ٢١ی تشرینی دووەمی ٢٠٢٣

تیم	لە	بۆ	تۆمار
			یاری	ب	ی	د	٪ بردنەوە
فەتحی وەرزشی	١ی حوزەیرانی ٢٠١٤	٢٢ی کانوونی دووەمی ٢٠٢٠	7002234000000000000٢٣٤	7001950000000000000٩٥	7001840000000000000٨٤	7001550000000000000٥٥	7001406000000000000٤٠٫٦٠
دوحەیل	٢٢ی کانوونی دووەمی ٢٠٢٠	٣ی تشرینی یەکەمی ٢٠٢٠	7001200000000000000٢٠	7001130000000000000١٣	7000100000000000000١	7000600000000000000٦	7001650000000000000٦٥٫٠٠
ویداد	١٠ی ئابی ٢٠٢١	٢٩ی تەممووزی ٢٠٢٢	7001480000000000000٤٨	7001310000000000000٣١	7001100000000000000١٠	7000700000000000000٧	7001645800000000000٦٤٫٥٨
مەغریب	٣١ی ئابی ٢٠٢٢	بەردەوامە	7001180000000000000١٨	7000900000000000000٩	7000600000000000000٦	7000300000000000000٣	7001500000000000000٥٠٫٠٠
کۆی گشتی			7002322000000000000٣٢٢	7002148000000000000١٤٨	7002102000000000000١٠٢	7001720000000000000٧٢	07001459600000000000٤٥٫٩٦

سەرچاوەکان

بەشداربووانی ویکیپیدیا، «Walid Regragui»، ویکیپیدیای ئینگلیزی. سەردان لە ٢٠ی کانوونی یەکەمی ٢٠٢٣.