وەستانی فەیسبووک (٢٠٢١)

لە ئینسایکڵۆپیدیای ئازادی ویکیپیدیاوە
پەڕەی دەستپێکی فەیسبووک لەماوەی لەکارکەوتنیدا.

لە ڕۆژی ٤ی تشرینی یەکەمی ٢٠٢١، لە کاتژمێر ١٥:٣٩ بە کاتی گەردوونیی ھاوھەنگاو، تۆڕی کۆمەڵایەتیی فەیسبووک لەپاڵ ژێر پڕۆژەکانی وەک مێسنجەر، ئینستاگرام، واتس ئەپ، ماپیلاری و ئۆکولۆس بە تەواوی لە گشت جیھان بۆ ماوەی ٧ کاتژمێر لەکار کەوت.[١][٢] لەپاڵ ئەوانەشدا، بەکارھێنەران نەیان دەتوانی لەڕێی ئەپلیکەیشنی لایەنی سێیەم بچنە ھەژمارەکانیانەوە.[٣] لەماوەی لەکارکەوتنی فەیسبووک، زۆرێک لە بەکارھێنەرانی ئەو تۆڕە ڕژانە تۆڕەکانی توویتەر، دیسکۆرد و تەلەگرام و لە ئەنجامدا بارێکی زۆر کەوتە سەر ئەم ئەپڵیکەیشنانەش.[٤][٥][٦] ھۆکاری لەکارکەوتنی فەیسبووک دەگەڕێتەوە بۆ لەدەستدانی ئایپی ڕاوتینگ بۆ ڕاژەی سیستمی ناوی پاوان (DNS).[٤][٧] دواتر لە کاتژمێر ٢٠:٥٠، پرۆتۆکۆلی دەرەڕێی سنووری گەڕایەوە، دوای ئەوەش لە کاتژمێر ٢١:٠٥، خزمەتگوزاریی دی ئێن ئێس گەڕایەوە، لەگەڵ ئەوەشدا بەشێوەیەکی ھێواش و دوای کاتژمێرێک ئەپڵیکەیشن لایەر گەڕایەوە بۆ فەیسبووک، ئینستاگرام و واتس ئەپ، کۆی پڕۆسەی دووبارە کارکردنەوەی فەیسبووک ٧ کاتژمێری خایاند.[٨]

کاریگەرییەکان[دەستکاری]

لەگەڵ دەستپێکی لەکارکەوتنی فەیسبووک، کارمەندانی کۆمپانیاکە تووشی کێشەی پەیوەندیکردن بوونەوە بەوەی نەیاندەتوانی ئیمەیڵی دەرەکی بنێرن و وەربگرن، ھەروەھا دەستیان نەدەگەیشت بەکۆمەڵێک خزمەتگوزاریی تریش وەک دەستگەیشتن بە پەڕگەکانی گووگڵ دۆکس و بەرنامەی زووم.[١][٢] بەپێی ڕاپۆرتێکی نیویۆرک تایمز، کارمەندانی فەیسبووک لەڕێی باجەکانیانەوە نەیان دەتوانی بچنە ژووری کۆنفرانسەوە.[١]

لەکاتی ڕووداوەکە، خزمەتگوزاریی دی ئێن ئێسی گووگڵ تووشی ھێواشبوونەوە بوو،[٩] ھەربۆیە بەکارھێنەرانی تۆڕەکانی تیک تۆک، جیمەیڵ و سناپچات ھەستیان بە ھێواشی لە بەکارھێنانی ئەو خزمەتگوزارییانە دەکرد.[١٠] لە ماوەی کاتژمێرەکانی داخرانی فەیسبووک، پشکی کۆمپانیاکە بە ڕێژەی ٥٪ دابەزی، سامانی بەڕێوەبەری جێبەجێکاری کۆمپانیاکە مارک زوکەربێرگ، بە ٦ ملیار دۆلار زیانی بەرکەوت.[١١][١٢]

سەرچاوەکان[دەستکاری]

  1. ^ ئ ا ب "Locked out and totally down: Facebook is scrambling to fix massive outage". The Verge. October 4, 2021. Retrieved October 4, 2021.
  2. ^ ئ ا Lawler, Richard (October 4, 2021). "Facebook is down, along with Instagram, WhatsApp, Messenger, and Oculus VR". The Verge. Retrieved October 4, 2021.{{cite web}}: CS1 maint: url-status (link)
  3. ^ Barrett, Brian. "Why Facebook, Instagram, and WhatsApp All Went Down Today". Wired (بە ئینگلیزی). ISSN 1059-1028. Retrieved 2021-10-05.
  4. ^ ئ ا Isaac, Mike; Frenkel, Sheera (October 4, 2021). "Facebook and all of its apps go down simultaneously". The New York Times.
  5. ^ "Discord down? Current problems and outages". Downdetector. Archived from the original on October 4, 2021. Retrieved 4 October 2021.
  6. ^ Dewar, Caitlyn (4 October 2021). "Is Twitter down?: Users report outage after Facebook, WhatsApp and Instagram go down". The Herald. Retrieved 4 October 2021.
  7. ^ Madory, Doug (4 October 2021). "Facebook suffers global outage". Kentik.
  8. ^ Frenkel, Sheera. "Facebook coming back online after lengthy outage". The New York Times. Retrieved 4 October 2021.
  9. ^ Schoon, Ben (October 4, 2021). "Google's 8.8.8.8 DNS service slows down amid massive Facebook outage". 9to5Google. Retrieved October 5, 2021.
  10. ^ Massie, Graeme (October 4, 2021). "Gmail, TikTok and Snapchat Users Complain Apps Slowing Down During Facebook Outage". The Independent. Retrieved October 5, 2021.
  11. ^ "Facebook is suffering its worst outage since 2008". CNBC. October 4, 2021. Retrieved October 4, 2021.
  12. ^ Carpenter, Scott (2021-10-04). "Zuckerberg Loses $6 Billion in Hours as Facebook Plunges". Bloomberg (بە ئینگلیزی). Retrieved 2021-10-05.