نازک مەلائیکە

لە ئینسایکڵۆپیدیای ئازادی ویکیپیدیاوە
Jump to navigation Jump to search
نازک مەلائیکە
لەدایکبوون (١٩٢٣-08-٢٣) ٢٣ی ئابی ١٩٢٣
بەغدا، ئێراق
مردن ٢٠ی حوزەیرانی ٢٠٠٧(٢٠٠٧-06-٢٠) (٨٣ ساڵ ژیاوە)
میسر
نەتەوە ئێراقی

نازك سادق مەلائیكە شاعیرێكی عێراقیە و لە ٢٣ ی ئوغستسی ساڵی ١٩٢٣ لەكەشت وبارێكی ڕۆشنبیریدا لەدایك بووە و لەساڵی ١٩٤٤ لە دار لموعەلیمینی باڵا تەخەروجی كردووە و پاشان چۆتە پەیمانگای هونەرەجوانەكان و لەساڵی ١٩٤٩ بەشی مۆسیقای تەواوكردووە و لەساڵی ١٩٥٩ لە زانكۆی ویسكۆنسن مادیسۆن لەئەمریكا بڕوانامەی ماجستێری لەوێژەدا وەرگرتووە و بۆتە مامۆستا لە زانكۆی بەغدا و بەسرا و كوەێت. شاعیری عیراقی نازك مەلائیكە یەكەم كەس بووە لەساڵی ١٩٤٧ شیعری حوڕی نوسیوە و قەسیدەی كۆلێرای بەیەكەم شیعری ئەدەبی دەژمێردرێت لە وێژەی عەرەبیدا و ئەو سەردەمەی كە دەستی كردووە بە شیعر نووسین زۆر لە سەردەمی شاعیران بەدر شاكر سەیاب و شازل تاقە و عبد وەهاب بەیاتیەوە نزیكبوە و هەر چواریان بەپێشەوایانی نووسینی شیعری حوڕ لەعێراقدا دەژمێردرێن. نازك مەلائیكە لەشاری بەغدا لەنێو خانەوادەیەكی ڕۆشنبیر پەروەردە بووە و دایكی نازك مەلائیكە بەناوی دایكی نەزاری مەلائیكەوە لەڕۆژنامە وگۆڤارە عێراقیەكان شیعری بڵاوكردۆتەوە و باوكیشی كە بە سادق مەلائیكە ناسراوبووە چەند نووسراوێكی لەپاش بەجێمابووە گرنگترینیان فەرهەنگی ئینسایكۆلبیدیای خەڵكی كە لە ٢٠ بەرگدا نوسرابۆوە و باوكیشی نازناوی ناكی بۆ هەڵبژاردبوو بەخۆشی ناوی شۆڕشگێڕی سوریەوە نازك عابید كە شۆڕشێكی سوری دژ بە داگیركارە فەرەنسیەكان بەرپاكردبوو. نازك مەلائیكە زمانی عەرەبی خوێندووە و ساڵی ١٩٤٤ تەخەڕوجی كردووە و پاشان مۆسیقای خوێندووە و دواتر زمانەكانی لاتینی و ئینگلیزی و فەرەنسی لەویلایەتەیەكگرتوەكانی ئەمریكا خوێندووە و ماوەی ساڵێك لەبەیروت ژیاوە و ساڵی ١٩٩٠ لەدوای هەڵگیرسانی جەنگی كەنداوی یەكەم ڕۆشتووە بۆ قاهیرە. شاعیری عێراقی نازك مەلائیكە ساڵی ١٩٩٦ خەڵاتی بابتینی بەدەستهێناوە و لەساڵی ١٩٩٩ یش دەزگای ئۆپرای میسری ئاهەنگێگیان بۆ گێڕا و خەڵاتیان كرد بەبۆنەی تێپەڕبوونی نیو سەدە بەسەر سەرهەڵدانی شیعری حوڕ لەنیشتیمانی عەرەبیدا كە دەستپێكی سەرهەڵدانەكەی لەوەوە دەستی پێكردووە. شاعیری عێراقی نازك مەلائیكە لەساڵی ١٩٩٠ لەقاهیرە ژیاوە و بەهۆی نەخۆشیەوە لە ٢٠ ی یۆنیۆی ساڵی ٢٠٠٧ و لەتەمەنی ٨٣ ساڵیدا كۆچی دوایی كردووە و لەقەبرسانێكی تایبەت بەخێزانەكەیان لە خۆرئاوای قاهیرە نێژراوە.