مزگەوتی شێخی چۆلی
مزگەوتی شێخی چۆلی مزگەوتێکە لە ساڵی ١٨٨٣ لەلایەن شێخ محەممەدی چۆلی و خەلیفە و موریدەکانی لە قووڕ و کەرچووچ دروست کراوە، دواتر لە ساڵی ١٩٧٤ بە شێوەیەکی باشتر و جوانتر نۆژەن کرایەوە تا سیمایەکی شارستانی جوان و قەشەنگی پێوە دیار بێت.
چۆن مزگەوتی شێخی چۆلی دروست کراوە[دەستکاری]
بەپێی سەرچاوەکانی مێژوو ئەو زەوییەی کە مزگەوتی شێخی چۆلی لەسەر بینا کراوە، موڵکی حاجی ڕەشید ئاغا بووە کە یەکێک بووە لە موریدەکانی شێخی چۆلی و کاتی خۆی پێشکەشی کردووە کە ئەو شوێنە مزگەوتی لەسەر بینا بکرێت.
ڕۆژانە خواردن بە ھەژاران دەدرێ[دەستکاری]
ماوەی زیاتر لە ١٣٩ ساڵە دروست کراوە و ماوەی ١٢٠ ساڵیشە لەو مزگەوتە میوان و کەمدەرامەت و ئەو کەسانەی نوێژ لە مزگەوتەکە دەکەن، خواردنیان بۆ ئامادە دەکرێت، ڕۆژانە لەم مزگەوتەدا خواردن بۆ نزیکەی ٥٠٠ کەس ئامادە دەکرێت بەبێ جیاوازی ئایینی و نەتەوەیی، تێچوی خواردنەکەش لەلایەن کەسانی خێرخوازەوە دابین دەکرێت.[١]
لە مزگەوتی شێخی چۆلی ٧ ژن و ٥ پیاو ڕۆژانە سەرقاڵی ئامادەکردنی خواردنن بۆ ئەو کەسانەی ڕوو لەو مزگەوتە دەکەن، و ڕۆژانە ٧ سەر ئاژەڵ و زیاتر لە ١٢٠ کیلۆ برنج بۆ یەک ژەمی خواردن بەکاردەھێندرێت.[٢][٣][٤]
پێش نوێژ و وتارخوێنەکانی مزگەوتی شێخی چۆلی[دەستکاری]
بە درێژایی مێژووی ئەو مزگەوتە ژمارەیەک زانای پایە بەرز لە مزگەوتی شێخی چۆلی وەک پێش نوێژ و وتارخوێن کاریان کردووە لەوانە:-
- مەلا محەممەد ئەمین شێخ محەممەد
- مەلا عەبدوڵڵا مەلا محەممەد ئەمین
- مەلا یونس ئیسماعیل
- مەلا حاجی ئەلیاس ئەفەندی ئیسماعیل
- مەلا یاسین مستەفا
- مەلا تەھا یونس
- مەلا جەمال تەھا
- مەلا سەید محەممەد سەید ئیسماعیل
- مەلا عەلی مەلا عەبدوڵڵا
- مەلا فایز مەلا عەبدوڵڵا
- مەلا عیمادەدین فایز عەبدوڵڵا - پێش نوێژ و وتارخوێنی ئێستابە.
ئەمانەش ببینە[دەستکاری]
سەرچاوەکان[دەستکاری]
- ^ "مَسْجِدُ الشَّيْخِ جُولِي مَلاذُ الْفُقَراءِ فِي أرْبِيل | تعلم العربية". learning.aljazeera.net (بە عەرەبی). Retrieved 2024-01-14.
- ^ "KNN". Archived from the original on 19ی Aprilی 2020. Retrieved 19ی Aprilی 2020.
{{cite news}}: Check date values in:|access-date=و|archive-date=(help) ١٩ی نیسانی ٢٠٢٠ لە وەیبەک مەشین، ئەرشیڤ کراوە. - ^ "ڕووداو". Retrieved 19ی Aprilی 2020.
{{cite news}}: Check date values in:|access-date=(help) - ^ "لە مزگەوتی شێخی چۆلی رۆژانە خواردن بۆ 150 کەس ئامادە دەکرا". www-rudaw-net.cdn.ampproject.org. Retrieved 2024-01-14.
