لە ئینسایکڵۆپیدیای ئازادی ویکیپیدیاوە
ماڵی کورد[١] یان ماڵی ئاسف وەزیری یەکێکە لە بینا سەرەنجڕاکێش و مێژووییەکانی شاری سنە کە لە سەردەمی سەفەوی بنیات نراوە و ھەندێک بەش و پێکھاتەی تری لە سەردەمی قاجاڕ و پەھلەوی پێ زیاد کراوە.
بنیاتنانی کۆشکەکە بەسەر چوار ماوەدا دابەش دەبێت، یەکەم بەشی باکووری کۆشکەکە، وەکوو ھۆڵی بۆنەکان و ژوورەکان و ڕاڕەوەکانی ھەردوولا و بەشێک لە فەزای بەشی خۆرھەڵات، دەگەڕێتەوە بۆ سەردەمی سەفەوییەکان. ماوەی دووەمی پێکھێنانی کۆشکی ئاسف دەگەڕێتەوە بۆ نیوەی یەکەمی سەردەمی قاجاڕیەوە، لەم ماوەیەدا لایەنەکانی ڕۆژھەڵات و ڕۆژئاوای حەوشەی دەرەوە و حەمامی کۆشکەکە دروست کران. ماوەی سێیەم کە دروستکردنی بۆشاییەکانی ناوەوە و ئاوەدانکردنەوەی بەشی ڕۆژئاوای ھۆڵی بۆنەکان دەگرێتەوە، دەگەڕێتەوە بۆ ساڵەکانی ١٩٣٣ تا ١٩٣٧. ماوەی چوارەمی پێکھێنانی کۆشکی ئاسف لە ساڵەکانی ١٩٩٩ تا ٢٠٠٣ یە کە بریتییە لە نۆژەنکردنەوەی ھەموو بەشەکانی کۆشکەکە.
|
کۆمنزی ویکیمیدیا، میدیای پەیوەندیدار بە ماڵی کورد تێدایە. |