فیرووز (گۆرانیبێژ)

لە ئینسایکڵۆپیدیای ئازادی ویکیپیدیاوە
Jump to navigation Jump to search
فیرووز
فيروز
فیرووز لەکاتی گۆرانیگوتن
زانیارییەکان
ناوی لەدایکبوون نیھاد ڕزق وەدیع حەداد
لەدایکبووی (1935-11-21) ٢١ی تشرینی دووەمی ١٩٣٥ (تەمەن ٨٢)
زوقاق ئەلبلات، بەیرووت، لوبنان
بنەچە لوبنانی
چەشن
پیشەکان گۆرانیبێژ و ئەکتەر
ئامێرەکان گۆرانیبێژی
ساڵانی چالاکبوون ١٩٥٠ تا ئێستا
کۆمپانیای تۆمارکردن EMI، Virgin، Voix de l'Orient، فیروز پرۆدەکشنز
ماڵپەڕ http://www.fairouz.com

نیھاد ڕزق وەدیع حەداد ناوی ڕاستەقینەی فیرووزە (٢١ی تشرینی دووەمی ١٩٣٥[١][٢][٣][٤]) و گۆرانیبێژێکی لوبنانیە و لەگەڕەکی زەقزاقی بیڵات لەشاری بەیرووتی لوبنانی لە خێزانێکی ھەژاری ئاشووری لەدایکبووە.[٥] و باوکی لەدایکبووی ماردینە و دواتر کۆچی کردووە بۆ لوبنان. فەیرووز ھەر لەمنداڵیشەوە بە گۆرانی وتن لەنێو خێزانەکەی و گەڕەکەکەیان ناوی دابۆوە. فەیرووز بەیەکێک لەکاریگەرترین گۆرانیبێژەکانی جیهانی عەرەبی دادەنرێت.[٦][٧]

لەساڵی ١٩٤٠، فیرووز لە ئێزگەی لوبنان لەگەڵ کۆرسا گۆرانی ووتووە. لە ساڵی ١٩٥٢، سەرەتای دەرکەوتنی بووە کاتێک کە ئاوازەکانی عاسی ڕەحبانی گوتووە و لەو سەردەمەدا ناوبانگی لە جیھانی عەرەبی داوەتەوە و لەساڵی ١٩٥٥ ھاوسەرگیری لەگەڵ عاسی ڕەحبانی کردووە.

عاسی ڕەحبانی و مەنسوور ڕەحبانی برای کە ھەردووکیان بە ڕەحبانی ناسراون دوای ئەوەی بەسەدەھا گۆرانیان بۆ فیرووز ئامادەکرد شۆڕشێکی نوێیان لە مۆسیقای عەرەبی بەرپاکرد، چونکە لەو سەردەمە گۆرانیە باوەکان دوور و درێژ بوونە بەڵام گۆرانیەکانی فیرووز بەپێچەوانەوە ماوەکەی کەمبووە و پر بەپێز و مانا بووە، ناوەڕۆکی شیعرەکانیشی سادە و ساکاربوونە و کۆمەڵە گۆرانیەکی زۆریشی لە شێوەی شانۆگەری پێشکەشکردووە و کە ژمارەیان گەیشتۆتە ١٥ شانۆگەری.

لەدوای مردنی عاسی ڕەحبانی ھاوسەری فیرووز لەساڵی ١٩٨٦ شیعر و ئاوازی زۆر کەسانی تری ھەڵبژاردووە و لەسەر گۆرانی ووتن بەردەوام بووە تاکو بەشێوەیەکی سەرەکی لەگەڵ زیادی کوڕی کاری کردووە و کۆمەڵێ گۆرانی زۆر بەنرخی بۆ ئامادەکردووە لەسەر شێوازێکی نوێ و تایبەت لەمۆسیقا کە ئاوێتەی ھەردوو مۆسیقای عەرەبی و جیھانی کردووە.

لەگرنگترین ئەو نازناوانەی فیرووز بەدەستی ھێناوە: چۆلەکەی ڕۆژئاوا و دراوسێی مانگ و دراوسێی قودس و دەنگی جیھانی و ژێی ڕۆژھەڵات و باڵوێزی خەونەکان و دەنگی سیحراویی و دەنگی لوبنان و چەندەھا نازناوی دیکەش.

ژمارەی ئەو گۆرانیانەی فیرووز ھەتاکو ساڵی ٢٠١٠ پێشکەشی کردوونە دەگاتە ٧٢٩ گۆرانی و بەناوبانگترینیشان باکتب اسمک یاحبیبی، نسم علینا الھوی، حبیتک تنسیت النوم، سالونی الناس، سالتک حبیبی.

سەرچاوەکان[دەستکاری]

  1. ^ "Fairuz | Biography & History | AllMusic". AllMusic. لە ڕێکەوتی 2017-11-21 ھێنراوە. 
  2. ^ "Aljazeera - فيروز من "جوار القمر" إلى عمق التاريخ" (بە زمانی عەرەبیی جەزائیری). لە ڕێکەوتی 2017-11-21 ھێنراوە. 
  3. ^ "المطربة فيروز". mbc3.mbc.net (بە زمانی عەرەبیی جەزائیری). لە ڕێکەوتی 2017-11-21 ھێنراوە. 
  4. ^ "في مثل هذا اليوم ولدت المغنية اللبنانية نهاد وديع "فيروزnohad hadda"". www.zaytoday.com. لە ڕێکەوتی 2017-11-21 ھێنراوە. 
  5. ^ FatmaAydemir, Sami Rustom: Libanesische Sängerin Fairouz: Die fremde Stimme, taz.de, 20. November 2014 (German)
  6. ^ "Lebanese diva Fairuz's concert delights Syrian fans". Agence France-Presse. January 28, 2009. لە ڕەسەنەوە ئرشیڤ کراوە لە July 7, 2009. لە ڕێکەوتی 2009-09-28 ھێنراوە. 
  7. ^ Khaled Yacoub (January 28, 2008). "Lebanese diva arouses emotion, controversy in Syria". Reuters. لە ڕێکەوتی 2009-09-28 ھێنراوە.