فرانسواز باری سینۆسی

فرانسواز باری سینۆسی
بە فەرەنسی: Françoise Barré-Sinoussi
لەدایکبوون	(١٩٤٧-٠٧-٣٠) ٣٠ی تەممووزی ١٩٤٧ 19th arrondissement of Paris، فەڕەنسا
ناوی کاتی لەدایکبوون	Françoise Claire Sinoussi
پیشە	ژینناس، ڤایرۆسناس، directeur de recherche، مامۆستای زانکۆ، توێژەر
بواری کار	ڤایرۆسناسی
شوێنی کارکردن	Pasteur Institute، French National Institute of Health and Medical Research
پەروەردە	زانکۆی پاریس
دەستپێکی چالاکی	١٩٧١
ئەندامی	ئەکادیمیای فەرەنسی بۆ زانست، European Molecular Biology Organization، Royal Academy of Medicine of Catalonia
لە ویکیدراوە دەستکاریی زانیارییەکان بکە

فرانسواز باری سینۆسی (بە فەڕەنسی: Françoise Barré-Sinoussi؛ لە دایکبووی ٣٠ی تەممووزی ١٩٤٧ لە پاریس، فەڕەنسا) زانای ڤاریۆلۆجی فەڕەنسییە. ھەروەھا پڕۆفیسۆرە لە پەیمانگای پاستویر لە پاریس، فەڕەنسا. ئەو چەند کارێکی بنچینەیی کرد لەسەر ناسینەوەی ڤایرۆسی نەمانی بەرگری لە مرۆڤ (HIV) کە دەبێت ھۆی تووشبوون بە ئایدز. لە ساڵی ٢٠٠٨، فرانسواز باری سینۆسی بەھاوبەشی لەگەڵ مامۆستاکەی لوک مۆنتانییە بووە ھەڵگری خەڵاتی نۆبێل لە زانستی ئەرکی ئەندام و پزیشکی، ئەمەش لە پای دۆزینەوەکەیان بوو دەربارەی ڤایرۆسی نەمانی بەرگری لە مرۆڤ.

فرانسواز باری سینۆسی لە ئایاری ٢٠٠٩، بڕواننامەی دکتۆری شانازی پێدرا لەلایەن زانکۆی تولەن. لە تەممووزی ٢٠١٩، لەلایەن زانکۆی نیو ساوز وەیڵز بڕواننامەی دکتۆرای شانازی لە پزیشکی پێدرا. ئەو لە ساڵانی ٢٠٠٦، ٢٠٠٩ ھەروەھا ٢٠١٣، لەلایەن حکوومەتی فەڕەنسا مێدالیای ڕێزلێنانی پایەبڵندی پێبەخشرا.

فرانسواز باری سینۆسی لە ساڵی ٢٠٠٦، وەک کونسلی بەڕێوەبردنی یەکێتیی کۆمەڵگای ئایدزی نێونەتەوەیی ھەڵبژێردرا، دواتر لە ماوەی سالانی ٢٠١٢ بۆ ٢٠١٦ وەک سەرۆکی یەکێتییەکە کاری کرد.

لە ھەشتاکان لەگەڵ بەربڵاوبوونەوەی ئایدز، زانایان وێڵ ببون بەدوای ھۆکارەکان، دواتر فرانسواز بووە دەستپێشخەرییەکی گەورە بۆ دۆزینەوەی ڤایرۆسی نەمانی بەرگری لە مرۆڤ (HIV).