زانستە کۆمەڵایەتییەکان
| زانستە کۆمەڵایەتییەکان | |
|---|---|
| لقی | social sciences and humanities، humanities, arts and social sciences |
| بابەتی لاوەکی | democratic competence |
| بوارەکانی خوێندن | کۆمەڵگا |
| جێبەجێکار | social scientist |
| Mastodon instance URL | https://sciences.social |
زانستە کۆمەڵایەتییەکان زانستی کۆمەڵایەتی یەک لە لقەکانی زانستە، تەرخان کراوە بۆ لێکۆڵینەوە لە کۆمەڵگاکان و پەیوەندییەکان لە نێوان تاکەکانی نێو ئەو کۆمەڵگایانە. ئەم چەمکە پێشتر بە شێوەیەکی فەرمی بەکار دەھێنرا بۆ ئاماژە پێکردن بە بواری زانستی کۆمەڵناسی کە «زانستی کۆمەڵایەتی» بە شێوەیەکی بنەڕەتی بوو دامەزرا لە سەدەی نۆزدەیەم داو بەکار ھێنرا. ھاوشێوەی زانستی کۆمەڵناسی، ئێستا کۆمەڵێکی فراوانی ڕێزبەندەکانی ئەکادیمی دەگرێتەوە، لەوانە زانستی مرۆڤناسی، شوێنەوارناسی، ئابووریناسی، جوگرافیای مرۆڤایەتی، زمانناسی، زانستی بەڕێوەبردن، زانستی پەیوەندی و زانستە سیاسییەکان.[١]
مێژوو
[دەستکاری]مێژووی زانستە کۆمەڵایەتییەکان لە سەردەمی ڕۆشنگەری لە دوای ساڵی ١٦٥٠ەوە دەست ێدەکات،[٢] کە شۆڕشێکی لە چوارچێوەی فەلسەفەی سروشتیدا بەخۆیەوە بینی، چوارچێوەی بنەڕەتییەکانی تاکەکانی گۆڕی کە بە ھۆیەوە تێگەیشتن لەوەی کە زانستی کۆمەڵایەتی چی دەگەیەنێ. زانستی کۆمەڵایەتی لە فەلسەفەی ڕەوشتی ئەو سەردەمە ھاتووتە ئاراوە و لەژێر کاریگەری سەردەمی شۆڕشەکاندا بووە، وەک شۆڕشی پیشەسازی و شۆڕشی فەرەنسی. زانستە کۆمەڵایەتییەکان بەھۆی زانستەکانی ترەوە پەرەی پێ درا بە (تاقیکردنەوە و جێبەجێ کردن)، یان بە بنەمای زانیاری سیستەماتیک یان ڕاھێنانی دیاریکراو کە پەیوەندی بە نشونمای کۆمەڵگە ھەبوو، ئەو کۆمەڵانەی ناو کۆمەڵگە کە دەسپێکی کارلێکەریان ھەیە. سەرەتاکانی زانستە کۆمەڵایەتییەکان لە سەدەی ١٨ دا لە ئینسەکلۆپیدیای گەورەی دایدەرۆتدا ڕەنگی داوەتەوە لەگەڵ نووسینەکانی فەیلەسوفی فەرەنسی ژان ژاک ڕۆسۆ وھەروەھا پێشەنگەکانی ترەوە. گەشەسەندنی زانستی کۆمەڵایەتییەکان کاردانەوەی لە ئینسایکلۆپیدیا تایبەتمەندییەکانی تریشەوە ڕەنگی داوەتەوە. سەردەمی نوێخوازی بینی «زانستی کۆمەڵایەتی»ی بۆ یەکەم جار وەک بوارێکی چەمکی جیاواز بەکاردێت.[٣]
لقەکانی زانستە کۆمەڵایەتییەکان
[دەستکاری]پسپۆڕییەکانی زانستە کۆمەڵایەتییەکان نوێنەرایەتیی لقەکانی زانیاری دەکەن کە لە کۆلێژەکان یان ئاستی زانکۆدا دەوترێنەوە و لێکۆڵینەوەیان لەسەر دەکرێت. پسپۆڕییەکانی زانستە کۆمەڵایەتییەکان دیاری دەکرێن و دانیان پێدا دەنرێت لەلایەن گۆڤارە ئەکادیمییەکانەوە کە توێژینەوەکانی تێدا بڵاو دەکرێنەوە، و کۆمەڵە زانستییەکانی زانستە کۆمەڵایەتییەکان، و بەشەکان یان کۆلێژە ئەکادیمیانەی کە کارکەرانی ئەم بوارە سەر بەوانن. بوارەکانی خوێندن لە زانستە کۆمەڵایەتییەکاندا چەندین پسپۆڕیی لاوەکی لەخۆ دەگرن، و زۆرجار ھێڵە جیاکەرەوەکانی نێوان ئەو لکانە ناڕوون و ھەڕەمەکین.
دەروونناسی
[دەستکاری]دەروونناسی بوارێکی ئەکادیمی و کارەکییە، کە لێکۆڵینەوە لە ڕەفتار و پرۆسە دەروونییەکان لەخۆ دەگرێت. دەروونناسی ئاماژەش دەکات بۆ بەکارھێنانی ئەو زانیارییە لەسەر بوارە جیاجیاکانی چالاکیی مرۆیی، لەوانەش کێشەکانی ژیانی ڕۆژانەی تاک و چارەسەرکردنی نەخۆشییە دەروونییەکان. زاراوەی سایکۆلۆژی لە زمانی یۆنانیی کۆنەوە ψυχή psyche دێت کە بە واتای («نەفس» و «زەین») دێت، و logy بە واتای («توێژینەوە»).
دەروونناسی لە مرۆڤناسی، ئابووری، زانستە ڕامیارییەکان و کۆمەڵناسی جیاوازە، بەوەی کە ھەوڵ بۆ بەدەستھێنانی گشتاندنی ڕوونکەرەوە دەدات دەربارەی کارکردنی دەروونی و ڕەفتاری ئاشکرای تاکەکان، لەکاتێکدا پسپۆڕییەکانی دیکە سەرنج دەخەنە سەر دروستکردنی گشتاندنی وەسفی دەربارەی کارکردنی گرووپە کۆمەڵایەتییەکان یان ڕەفتاری مرۆیی لە دۆخێکی دیاریکراودا. لەگەڵ ئەوەشدا، لە بوارە کارەکییەکدا زۆر تێکەڵاوبوون لە نێوان بوارە جیاوازەکاندا ھەیە. دەروونناسی لە بایۆلۆژی و زانستی دەمار جیاوازە، بەوەی کە لە بنەڕەتدا پەیوەستە بە کارلێکی نێوان پرۆسە دەروونییەکان و ڕەفتار، و پرۆسە گشتگیرەکانی سیستمی دەروونی، و تەنھا پەیوەست نییە بە پرۆسە بایۆلۆژییەکان یان دەمارییەکان خۆیانەوە، لەگەڵ ئەوەشدا دەروونناسیی دەماری، کە بوارێکی لاوەکییە، لە نێوان لێکۆڵینەوە لە پرۆسە دەمارییە ڕاستەقینەکان و لێکۆڵینەوە لە کاریگەرییە دەروونییەکان کە بە شێوەیەکی خۆیی بەرھەمیان دەھێنن تێکەڵ دەکات. ھەندێک کەس دەروونناسی بە دەروونناسیی کلینیکییەوە دەبەستنەوە، کە سەرنج دەخاتە سەر ھەڵسەنگاندن و چارەسەرکردنی کێشەکانی ژیان و نەخۆشییە دەروونییەکان. دەروونناسی لە ڕاستیدا پسپۆڕیی بێشوماری ھەیە، کە دەروونناسیی کۆمەڵایەتی، دەروونناسیی گەشە، دەروونناسیی مەعریفی، دەروونناسیی پەروەردەیی، دەروونناسیی پیشەسازی و ڕێکخراوەیی، دەروونناسیی وەرزشی، دەروونناسیی دەماری و شیکردنەوەی چەندایەتیی ڕەفتار لەخۆ دەگرێت.
کۆمەڵناسی
[دەستکاری]کۆمەڵناسی بریتییە لە لێکۆڵینەوەی ڕێکخراو لە کۆمەڵگە، پەیوەندییەکانی تاک لەگەڵ کۆمەڵگەکانیاندا، دەرئەنجامەکانی نایەکسانی، و لایەنەکانی دیکەی چالاکیی کۆمەڵایەتیی مرۆیی. واتای وشەکە لە پاشگری «logy-»ی وەرگیراو لە یۆنانیی کۆنەوە دێت کە بە واتای «توێژینەوە» دێت، و ڕەگی وشەی «soci-» لە زمانی لاتینییەوە socius دێت کە بە واتای «ھاودەم»یان کۆمەڵگە بە گشتی دێت.[٤]
سەرچاوەکان
[دەستکاری]- ↑ https://www.britannica.com/topic/social-science
- ↑ https://books.google.ca/books?id=S3zZ18tt3gkC&redir_esc=y
- ↑ https://en.wikipedia.org/wiki/William_Thompson_(philosopher)
- ↑ Witt، Jon (٢٠١٨). SOC 218. McGraw-Hill. لاپەڕە ٢. ژپنک ٩٧٨-١-٢٥٩-٧٠٢٧٢-٣.