دووزەلە

لە ئینسایکڵۆپیدیای ئازادی ویکیپیدیاوە
Jump to navigation Jump to search

دووزەلە، دوزەلە یان جفتان ئامێرێکی باژەنی کوردییە.

مێژوو[دەستکاری]

پێشینەی ئەم ئامێرە بە چاندی کاسییەکان دەگەڕێتەوە و نزیک بە ٧ ھەزار ساڵ ھەزیر دەکرێتەوە. ئامێری دووزەلە جگە لە کوردستان (بە تایبەت ناوچەکانی کرماشان، ئیلام و لوڕستان)، لە شوێنەکانی دیکەی ئێران وەکوو گیلانیش دەژەنرێت، بەڵام ئاخێزگەی چیاکانی زاگروس بووە.[١]

ناو[دەستکاری]

دووزەلە وشەیەکی ڕەسەنی کوردییە. زەل (یان چیت، چیتک) لە زمانی کوردی بە جۆرێک گژوگیا دەوترێت. دووزەلە بە واتای دوو دانە زەلە کە لە پاڵی یەکەوە دەچەسپیندرێن.

فۆرمی ئامێرەکە[دەستکاری]

دووزەلە لە دوو لوولەی مسی پێک ھاتووە کە لە پاڵی یەکەوە بەستراونەتەوە. چەشنێک لە دووزەلەکان لە پەڕی داڵ یان ئیسکی باڵندەکان دەسازیندرێن. لە سەری ھەرکام لە لوولەکان زەلێک جێ دەگرێت کە لە پیکەنەی پێ دەلێن. ھەرکام لە لوولەکان ٦ کونای لە سەرە. بنی ئەوپەڕی لوولەکان بازە. درێژایی دووزەلە گۆڕەکە و دەبێ لانیکەم ٢٢ سانتیمەتر و کۆتەری ٢ سانتیمەتر بێت.[٢]

پانتاییی دەنگ[دەستکاری]

پانتاییی دەنگی دووزەلە لە نێوان ١ ھەتا ٢ ئۆکتەیڤە کە بە گەورە و بچۆکیی ئامێرە بەستراوەتەوە.

سەرچاوەکان[دەستکاری]

  1. ^ کوردپرێس: چیرۆکی ژیانی ژەنیارێکی پیر لەگەڵ ئامێرە ئەستوورەییەکەی (بە فارسی)، نووسراو لە ٢١ی ئابی ٢٠١٩؛ سەردان لە ٢١ی ئابی ٢٠١٩.
  2. ^ نەسرۆڵڵاپووڕ، عەلی ئەسغەر، ساز ئاوایی کورد (بە فارسی)، کرماشان: دیباچە، ویرایش دوم: ١٣٩٦.