تارا سوتاریا
تارا سوتاریا | |
|---|---|
.jpg) تارا سوتاریا | |
| لەدایکبوون | ١٩ی تشرینی دووەمی ١٩٩٥[١] |
| نەتەوە | ھیندی |
| خوێندنگە | کۆلێژی ھونەری سەنت ئەندرێوس |
| پیشە | خانمەئەکتەر |
| چالاکبوون | ٢٠١٠–ئێستا |
تارا سوتاریا (١٩ی تشرینی دووەمی ١٩٩٥) خانمەئەکتەرێکی ھیندییە، زیاتر لە سینەمای بۆلیوود دەردەکەوێت. سەرەتای کارەکانی لە ساڵی ٢٠١٠ بوو، کاتێک لە چەند بەرنامەیەکی تەلەفزیۆنیی منداڵان لە کەناڵی دیزنی ئیندیا بەشدار بوو.
لە ساڵی ٢٠١٩، تارا بۆیەکەمینجار لە فیلمێکی سینەمایی بەناوی خوێندکاری ساڵ ٢ لەپاڵ ھەریەکە لە تایگەر شرۆف و ئەنانیا پاندی دەرکەوت، کە بەھۆی ئەم فیلمەوە خەڵاتی زی سینێ سینەمای بردەوە وەک باشترین خانمەئەکتەر بۆ یەکەم فیلم، ھەروەھا پاڵێوراوبوو بۆ خەڵاتی فیلم فەیر بۆ ھەمان پۆلین. دوای ئەم فیلمە، ھەر لە ساڵی ٢٠١٩ لە فیلمێکی ئاکشن بەناوی مەرجاڤان دەرکەوت، لە فیلمەکەدا تارا ڕۆڵی کچێکی لاڵی گێڕا.
بڕیارە لە داھاتوودا لە فیلمەکانی (Tadap) و ئێک ڤێلن ٢ دەربکەوێت. تارا جگە لە نواندن ئەوا خەریکی گۆرانی گوتنە.[٢]
سەرەتای ژیان
[دەستکاری]تارا سوتاریا لە ڕۆژی ١٩ی تشرینی دووەمی ١٩٩٥، لە خێزانێکی زەردەشتی پارسی لەدایک بوو.[٣] تارا خووشکێکی دوانەی ھەیە بەناوی پیا، لەگەڵ خووشکەکەی بەیەکەوە بەشداربوون لە سەمای کلاسیک، سەمای بالێ و سەمای ئەمریکای لاتین لە ئەکادیمای سەمای ڕۆیال، لە بەریتانیا. کاتێک تەمەنی حەوت ساڵان بوو، تارا بووە گۆرانیبێژێکی پیشەگەر، بەوەی ھەر لەوکاتەوە لە ئۆپرا و پێشبڕکێیەکان گۆرانی دەگووت.[٤][٥]
تارا بڕواننامەی بەکالۆریۆسی لە ڕاگەیاندن بەدەستھێناوە لە کۆلێژی ھونەری سەنت ئەندرێوس.
سەرچاوەکان
[دەستکاری]- ^ Kriti Sonali (١٩ی تشرینی دووەمی ٢٠١٨). «Inside photos from SOTY 2 star Tara Sutaria's birthday bash». Indian Express. لە ١٠ی شوباتی ٢٠١٩ ھێنراوە.
- ^ «Masakali 2.0 teaser out: Sidharth Malhotra romancing Tara Sutaria is Marjaavaan 2.0». India Today (بە ئینگلیزی). ٧ی نیسانی ٢٠٢٠. لە ٧ی نیسانی ٢٠٢٠ ھێنراوە.
- ^ Joginder Tuteja (٦ی ئایاری ٢٠١٩). «"Tiger Shroff is an incredible dance partner" – Tara Sutaria on her Student of the Year 2 co-star"». Bollywood Hungama. لە ١٠ی ئایاری ٢٠١٩ ھێنراوە.
- ^ Pratibha Devasenapathy (٢٤ی ئایاری ٢٠١٨). «Here are some facts about 'Student of the Year 4' debutante Tara Sutaria». The Times of India. لە ٢٥ی نیسانی ٢٠١٩ ھێنراوە.
- ^ «Who is Tara Sutaria?». The Indian Express. ١١ی نیسانی ٢٠١٨. لە ٢٥ی نیسانی ٢٠١٩ ھێنراوە.
بەستەرە دەرەکییەکان
[دەستکاری]
| نێونەتەوەیی | |
|---|---|
| نەتەوەیی | |
| ھونەرمەدان | |
