بۆ ناوەڕۆک بازبدە

ئەنجومەنی ڕاوێژی ئیسلامی

لە ئینسایکڵۆپیدیای ئازادی ویکیپیدیاوە
ئەنجومەنی ڕاوێژی ئیسلامی
ئاڕم یان لۆگۆ
جۆر
جۆریەک پەرلەمانی[١]
مێژوو
دامەزراندن١٦ی تشرینی دووەمی ١٩٠٦؛ ١١٩ ساڵ لەمەوبەر (١٩٠٦-١١-١٦)
١٤ی ئازاری ١٩٨٠ (جۆری ئێستا)
سەرکردایەتی
سەرۆکمحەممەدباقر قالیباف[٢][٣]
لەدوای ٢٨ی ئایاری ٢٠٢٠
جێگری یەکەمحەمیدڕەزا حاجی بابایی
لەدوای ٢٨ی ئایاری ٢٠٢٤
جێگری دووەمعەلی نیکزاد
لەدوای ٢٨ی ئایاری ٢٠٢٤
پێکھاتە
کورسییەکان٢٩٠[١]
12th Iranian Parliament.svg
گرووپە سیاسییەکان
ھەڵبژاردنەکان
سیستەمی دەنگدانحوکمی زۆرینەی سیستەمی ھەڵبژاردنی دووقۆناغی[١]
دوایین ھەڵبژاردن٢٠٢٤
ھەڵبژاردنی داھاتوو٢٠٢٨
شوێنی کۆبوونەوە
مجلس شورای اسلامی ایران.jpg
ئەنجومەنی ڕاوێژی ئیسلامی، بەھارستان، تاران، ئێران
ماڵپەر
www.Majlis.ir

ئەنجومەنی ڕاوێژی ئیسلامی (بە فارسی: مجلس شورای اسلامی)، ھەروەھا ناسراو بە پەرلەمانی ئێران[٤] یان مەجلیسی ئێران،[٥] یەکێک لە دوو بەشی دەزگای یاسادانانی نیشتمانیی ئێرانە. پێشتر پەرلەمان لە ٢٧٢ کورسی پێکدەھات، بەڵام لە دوای ھەڵبژاردنی ساڵی ٢٠٠٠ بۆ ٢٩٠ کورسی بەرز کرایەوە. دواترین ھەڵبژاردن لە ٢١ی شوباتی ٢٠٢٤ بەڕێوەچوو و پەرلەمانی نوێش لە ٢٨ی ئایاری ٢٠٢٤دا دەستبەکار بوو.[٦]

مێژوو

[دەستکاری]

کۆماری ئیسلامیی ئێران

[دەستکاری]

بەدوای شۆڕشی ١٩٧٩ی ئێراندا، ئەنجومەنی پیرانی ئێران ھەڵوەشایەوە و بە کردەیی لەلایەن ئەنجومەنی چاودێرەوە جێگەی گیرایەوە، کە پێکھاتەی دوو ئەنجومەنیی دەزگای یاسادانانی ئێرانی پاراست. لە پێداچوونەوەی دەستووری ساڵی ١٩٨٩دا، «ئەنجومەنی ڕاوێژی نیشتمانیی» ناوەکەی بۆ «ئەنجومەنی ڕاوێژی ئیسلامیی» گۆڕدرا.

لە دوای شۆڕشی ئێرانەوە، پەرلەمانی ئێران لەلایەن شەش سەرۆکەوە سەرکردایەتی کراوە. ئەکبەر ھاشمی ڕەفسەنجانی وەک سەرۆکی دەستپێک لە ساڵی ١٩٨٠ تا ١٩٨٩ خزمەتی کرد. دواتر مەھدی کەڕووبی لە دوو خولی جیاوازدا (١٩٨٩–١٩٩٢ و ٢٠٠٠–٢٠٠٤) پۆستەکەی بەدەستەوە بوو، دوای ئەویش عەلی ئەکبەر ناتق نووری (١٩٩٢–٢٠٠٠)، غوڵامعەلی حەداد عادل (٢٠٠٤–٢٠٠٨)، عەلی لاریجانی (٢٠٠٨–٢٠٢٠)، و لە ساڵی ٢٠٢٠ەوە محەممەدباقر قالیباف.

لە بەدرێژایی مێژووەکەیدا، سیفەتی پەرلەمان لە «ژووری گفتوگۆ بۆ کەسایەتییە ناودارەکان»ەوە گۆڕاوە بۆ «یانەیەک بۆ پیاوانی شا» لە سەردەمی پەھلەویدا. لە سەردەمی کۆماری ئیسلامیشدا، گۆڕاوە بۆ دەستەیەک کە زیاتر لەژێر کاریگەریی ئەندامانی «چینی ناوەڕاستی خاوەن دارایی» دایە.[٧][٨]

ھێرشی ٢٠١٧

[دەستکاری]

لە ٧ی حوزەیرانی ٢٠١٧دا، تەقەکردن لە پەرلەمانی ئێران و مەزارگەی ئایەتوڵڵا ڕووحوڵڵا خومەینی ڕوویدا.[٩] چەکدارەکان لە پەرلەمانی ئێران و مەزارگەی ڕێبەری ئایینی ئایەتوڵڵا خومەینی لە تاران تەقەیان کرد. بەپێی ڕاپۆرتەکان، ھێرشەکەی سەر مەزارگەکە ١٧ کوژراو و زیاتر لە ٣٠ برینداری لێکەوتەوە. پەرلەمان لەلایەن چوار چەکدارەوە ھێرشی کرایە سەر کە بووە ھۆی برینداربوونی حەوت بۆ ھەشت کەس. ھەردوو ھێرشەکە لە دەوروبەری ھەمان کاتدا ڕوویاندا و وادیارە ھەماھەنگییان تێدا بووە.

سەرچاوەکان

[دەستکاری]
  1. 1 2 3 Nohlen، Dieter؛ Grotz، Florian؛ Hartmann، Christof (٢٠٠١). «Iran». Elections in Asia: A Data Handbook. بەرگی I. Oxford University Press. لاپەڕە ٦٤. ژپنک ٠-١٩-٩٢٤٩٥٨-X.
  2. ↑ «سەرۆکی پەرلەمانی ئێران دەستنیشان کرا». ڕۆژنیوز. ٢٨ی ئایاری ٢٠٢٠. لە ڕەسەنەکە لە ٢٣ی کانوونی دووەمی ٢٠٢٣ ئەرشیڤ کراوە. لە ٢٣ی کانوونی دووەمی ٢٠٢٣ ھێنراوە.
  3. ↑ «محەممەدباقر قالیباف وەک سەرۆکی پەرلەمانی ئێران ھەڵبژێردرایەوە». ڕووداو. ٢٨ی ئایاری ٢٠٢٤. لە ٢٨ی حوزەیرانی ٢٠٢٤ ھێنراوە.
  4. ↑ «پەرلەمانی ئێران دەنگ دەدات بۆ دوورخستنەوەی وەزیرێک». دەنگی ئەمریکا. ٣٠ی نیسانی ٢٠٢٣. لە ١٠ی تەممووزی ٢٠٢٣ ھێنراوە.
  5. ↑ «مەجلیسی ئێران گەڵاڵەیەک بۆ وڵامدانەوەی ئەورووپا پەسەند دەکات». ئاژانسی ھەواڵی مێھر. ٢١ی کانوونی دووەمی ٢٠٢٣. لە ١٠ی تەممووزی ٢٠٢٣ ھێنراوە.
  6. ↑ «Parliamentary Elections Set for Feb. 2020». Financial Tribune. ٢٧ی شوباتی ٢٠١٩. لە ڕەسەنەکە لە ٢٩ی تشرینی یەکەمی ٢٠١٩ ئەرشیڤ کراوە. لە ٢٣ی کانوونی دووەمی ٢٠٢٣ ھێنراوە.
  7. ↑ Abrahamian, History of Modern Iran, (2008), p. 179
  8. ↑ Islamic Majles, Ashnai-ye Ba Majles-e Showra-ye Islami, Vol.ii (Guide to the Islamic Majles, Tehran, 1992, p. 205
  9. ↑ «Iran shootings: Parliament and Khomeini shrine attacked» (بە ئینگلیزیی بریتانیایی). BBC News. ٧ی حوزەیرانی ٢٠١٧. لە ٦ی ئایاری ٢٠١٨ لە ڕەسەنەکەوە ئەرشیڤ کراوە. لە ٧ی حوزەیرانی ٢٠١٧ ھێنراوە.

بەستەرە دەرەکییەکان

[دەستکاری]