ئەحمەد شوقەیری

لە ئینسایکڵۆپیدیای ئازادی ویکیپیدیاوە
Jump to navigation Jump to search
ئەحمەد شوقەیری

ئەحمەد مازن شوقەیری (عەرەبی: أحمد مازن الشقيري) لەدایکبووی ٦ی حوزەیرانی ١٩٧٣، ئەحمەد میدیکارێکی ناسراوی سعودییە، ناسراوی ئەو بەهۆی پڕۆگرامی تەلەڤیزیۆنیی «خەواتر» دەرکەوت، ئەو لە ساڵی ٢٠٠٢ چووە نێو کاری میدیایی، کە بە پڕۆگرامی «یەڵا شەباب» دەستی پێکرد. لە ساڵی ٢٠٠٤ دەستی کرد بە بەرنامەی خەواتر، کە تاکوو ئێستا ١٠ وەرزی لێوەشانکراوە .[١] کە لەنێو ئەم ١٠ وەرزەدا لە ٧ بەشیدا زۆرترین وێنە گیراوەکان لە ژاپۆن بوون، وە بەشێکیش لە وڵاتانی سکاندیناڤیا بوون، ئەوەی دیکەش لە تورکیا و وڵاتە عەرەبییەکان وێنەگیراون، هاوکاتیش پڕۆگرامێکی دیکەشی هەیە بەنێوی «لو کان بیننا»، کە مەبەست لێی گەر محەممەد لەناومان بووایە.

ژیان[دەستکاری]

ئەحمەد شوقەیری لە جدە لەدایکبووە، دوای تەواوکردنی خوێندنی ئامادەیی، چووەتە زانکۆی کالیفۆرنیا و بەکالۆریۆسی لە کارگێڕی و ڕێکخستندا بەدەست ھێناوە، و ماستەری لە کارگێڕی کاردا وەرگرتووە. لەتەمەنی ٢١ ساڵیەوە دەستیکردووە بە نوێژ کردن و خواپەرستی. لە ساڵی ١٩٩٥ بۆ یەکەمجار ھاوسەرگیری کردووە، بەڵام بەھۆی دووری بیروڕای لەگەڵ ئەو خانمە، جیابوونەتەوە. لە ساڵی ١٩٩٩ دووبارە ھاوسەرگیری ئەنجام دا، لەگەڵ خانمێکی سعوودیی دیزاینەری جلوبەرگ. ئەحمەد جگە لەکاری ڕاگەیاندن کاری بازرگانی کڕین و فرۆشتنی کەلوپەلی ناوماڵیش دەکات. لە ساڵی ٢٠٠٢ەوە کاری ڕاگەیاندن دەکات. لە ساڵی ٢٠١٠ وەک بەھێزترین و سەرنجڕاکێشترین کەسایەتیی ڕاگەیاننکاری عەرەبی دەستنیشانکرا و پلەی ١٤٣ی وەرگرت لەکۆی ٥٠٠ کەسایەتیی بەناوبانگی عەرەبی بۆ ساڵی ٢٠١١.[٢]

ژێدەرەکان[دەستکاری]

بەستەری دەرەکی[دەستکاری]