ئینترناسیۆنال
ئەنترناسیۆنال (بە فەڕەنسی: L'Internationale) سروودی زۆر ناسراوی چەپەکانە. ئەنترناسیۆنال لە دواییەکانی سەدەی ١٩ەم ئەو کاتە کە ئەنترناسیۆنالی دووەم (ئیستا ئەنترناسیۆنالی سۆسیالیستی) کردوویەتی بە سروودی فەرمیی خۆی، بوو بە یەکێک لە بەناوبانگترین و ناسراوترین سروودەکانی بزۆتنەوەی سۆسیالیستی. ئەنترناسیۆنال بە زمانەکانی جوراوجور وەرگێڕاوە و لە لایەن گرۆپە سیاسیەکانی چەپ، بە وێنەی سۆسیالیستەکان، کومونیستەکان، ئەنارکیستەکان، دیموکراتە سۆسیالیستەکان و ھەندێک لە سۆسیال دیموکراتەکان دەخوێنرێت. ھەڵبەستی ئەم سروودە لە ئۆژەن پۆتیەیە و بە زمانی فەڕەنسیە.
وەرگێڕانی کوردی سورانی[دەستکاری]
موسلێح شێخولەسلامی (ڕێبوار) دەقی ئەم سروودە ھێنایە بە کوردیی سۆرانی و کاڵێ ئاتشی خوێندویەتی و لە رادیۆئەکانی پارتەکانی چەپی کوردستان بڵاوکراوەتەوە[١]. وەرگێڕانی کوردیی سورانیی ئەنترناسیونال وایە:
هەستن ئەی هۆزی بەش مەینەتان دیلانی برسیەتی دنیا!
لە تەنوورەی بیر و باوەرمان قڕمژنێ ترێشقەراسا
تەنوورەی ئاخرینە؛ هەستن؛ با هەڵیپیچین دەورەی کۆن!
رابین و ژێر و ژوور کەین جیهان؛ئیمەی هیچ بین بەگشت، ئەی کویلان!
ئاخرین شەڕه شەڕی سەر و ماڵ با یەکگرتوو بین هەواڵان!
بە ئەنترناسیۆنال رزگار دەبی ئینسان.
دەسەڵاتدار ڕزگارمان ناکەن؛ نە شا، نە شێخ، نە ئاسمان.
با خۆمان بۆ ڕزگاری رابین، ئەی خێڵی بەرهەمهێنەران!
ڕزگاری گشتی بی و رەها کەین گیان له بەند و ماڵ له تاڵان.
خۆمان ئاگر خۆش کەین و بۆکتین بە گەرماوگەرمی ئاسنمان.
ئاخرین شەڕه شەری سەر و ماڵ با یەکگرتوو بین هەواڵان!
به ئەنترناسیۆنال ڕزگار دەبی ئینسان.
ئیمەین کرێکاران و وەرزێران: کۆمەڵی مەزنی زەحمەتکیش.
هەر بە ئیمه دەبری جیهان؛ تا کەی بۆتەوە زەلی خوێنرێژ؟!
بەڵام ئەمرۆ و سبەی، ئەی هەواڵان، هەر کە فەوتان قەڵ و داڵان،
هەتاوی گەش هەتا هەتایە تیشک داوێژێ بۆ ئینسان.
ئاخرین شەڕه شەڕی سەر و ماڵ با یەکگرتوو بین هەواڵان!
بە ئەنترناسیۆنال رزگار دەبی ئینسان.
ژێدەر[دەستکاری]
- ^ ماڵپەڕی کۆمەڵە، ڕێکخراوەی کوردستانی پارتی کومونیستی ئێران، ڕۆڵی کۆمەڵە لە وێژەی پێشرەوی شۆڕشگێرانە لە کوردستاندا. Archived ٥ی ئازاری ٢٠١٦, at the Wayback Machine. (بە زمانی فارسی)
