پارتی داد و گەشەپێدان (تورکیا)

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
نیشانی پارتی داد و گەشەپێدان

پارتی داد و گەشەپێدان (بە تورکی:AKP یان Adalet ve Kalkınma Partisi)، پارتێکی ڕاستڕەو و میانەڕەوە لە تورکیا.[١] ئەم پارتە گەورەترین پارتی تورکیایە بە ٣٢٦ پەرلەمانتار.[٢] سەرۆکی ئەم پارتە ڕەجەب تەییب ئەردۆغانە.

دامەزراندن[دەستکاری]

لە ١٤ی ئابی ٢٠٠١ پارتی داد و گەشەپێدان لەلایەن رەجەب تەییب ئەردۆغان و عەبدوڵڵا گول و ئیدریس شاھین و بینالی یلدرم و بڵند ئارینج دامەزرێندرا.[٣]

ھەڵبژاردنە گشتییەکانی پەرلەمانی تورکیا[دەستکاری]

پۆستەری ئەردۆغان سەرۆکی ئاکەپە، بۆ دەستخۆشی لە خەڵک، لەبەر ئاکامی ھەڵبژاردنەکان

پارتی داد و گەشەپێدان لە ساڵی ٢٠٠٢ بە سەرۆکایەتی ڕەجەب تەییب ئەردۆغان، بۆ یەکەمجار بەشداری لە ھەڵبژارنی گشتی تورکیا کرد و توانی ٣٤،٦٣% دەنگەکان بەدەستبێنێ کە نزیکەی دوو لەسەر سێی کورسییەکانی پەرلەمانی تورکیا بوو. پاش ئەم ھەڵبژاردنە عەبدوڵڵا گول حکوومەتی ٥٨ی پێکھێنا و بوو بە سەرۆک وەزیرانی تورکیا.[٤]

لە ھەڵبژاردنی ٢٢ی تەمووزی ٢٠٠٧، ئاک پارتی بۆ جاری دووھەم بەشداری ھەڵبژاردنەکانی کردەوە و دووبارە توانی بە ڕێژەی ٤٧%ی دەنگەکان زۆرینەی کورسییەکانی پەرلەمان مسۆگەر بکات بەڵام بەھۆی تێپەڕکردنی ڕێژەی ١٠%ی پارتی بزوتنەوەی نەژادپەر‌ستی تورکیا (مەھەپە) ژمارەی سەندەڵییەکانی ئاکەپە نەختێک کەم بووە.[٥]

لە ١٢ی حوزەیرانی ٢٠١١ بۆ جاری سێھەم ئاکەپە بەشداری لە ھەڵبژاردنەکانی پەرلەمان کرد و ئەم جارەش توانی بە ڕێژەی ٤٩.٩%ی دەنگەکان، پلەی یەکەمی ھەڵبژاردنەکان مسۆگەر بکا.[٦] [٧]

بەستەری دەرەکی[دەستکاری]

سەرچاوەکان[دەستکاری]