فانکشنی ڕێسا پەلدار

لە بیرکاریدا، فانکشنی ڕێسا پەلدار (بە ئینگلیزی: piecewise function) بریتییە لە فانکشنێک کە ڕێسایەکەی بە شێوەی جیا جیا لە ماوەی جیا جیادا پێناسە دەکرێ بە دەستەواژەیەکی تر کۆبوونەوەی فانکشنێک یان زیاترە، کە لقەکانی فانکشنەکە، لە بەشێکەوە بۆ بەشێکی تری بوارەکەی دەگۆڕێت.

نموونە

ڕوونکردنەوەی فانکشنی نرخی ڕەھا y = |x|.

دەشێت فانکشنی نرخی ڕەھا وەک فانکشنێکی ڕێسا پەلدار سەیر بکرێت و ڕێساکەی بەم شێوە بنووسرێت:

$|x|\equiv f(x)={\begin{cases}-x,&{\mbox{if }}x<0\\x,&{\mbox{if }}x\geq 0\end{cases}}$

بەردەوامی

فانکشنێکی ڕێسا پەلدار.

فانکشنێکی ڕێسا پەلدار لە ماوەیەکی دڵخواز بەردەوامە ئەگەر پاسادانی ئەم سێ مەرجە بکات:

• فانکشنەکە لە ماوەی دیاریکراو پێناسەی ھەبێت.
• ھەر یەک لە ژێرفانکشنەکان لە ماوەی دیاریکراودا بەردەوام بن.
• فانکشنەکە لە خاڵە کۆتاییەکانی بەشە جیاوازەکانی بوارەکەی لە ماوەیەکی دیاریکراودا پچڕاو نەبێت.

بۆ نموونە سەیری ڕوونکردنەوەی ئەم فانکشنە بکە، لە ھەموو بەشە جیاوازەکانی بوارەکەیدا بەردەوامە، بەڵام بە گشتی لە خاڵی $x_{0}$ فانکشنێکی پچڕاوە.

وێنەی ڕوونکردنەوەی فانکشنی ڕێسا پەلدار

بۆ کێشانەوەی وێنەی ڕوونکردنەوەی فانکشنی ڕێسا پەلدار، دەبێت لە ھەمان ماوەی فانکشنەکە پێناسە کراوە، بکێشرێتەوە.

نموونە: وێنەی ڕوونکردنەوەی فانکشنی خوارەوە بکێشەوە.

$f(x)={\begin{cases}2x-2&{\mbox{ }}x>2\\5&{\mbox{ }}x=2\\-2x&{\mbox{ }}x<2\\\end{cases}}$

شیکاری: بۆ شیکردنەوەی ئەم پرسیارە، سەرەتا دەبێت خاڵەکان بدۆزرێنەوە، پاشان خاڵەکان بنوێنین و بە ھێڵێکی گونجاو پێکیان بگەیەنین.

$2x-2,x>2\rightarrow (3,4),(4,6)$

$-2x,x<2\rightarrow (0,0),(1,-2)$

فانکشنێکی ڕێسا پەلدار

ئەمانەش ببینە

• نرخی ڕەھا
• فانکشنی پلەدار، فانکشنی پلەداری ھێڤیساید

سەرچاوەکان

• بەشداربووانی ویکیپیدیا، «تابع چندضابطەای»، ویکیپیدیای فارسی. سەردان لە ٣٠ ئازاری ٢٠١٨.