یوونس مەحموود

یوونس مەحموود
لەدایکبوون	(١٩٨٣-٠٣-٠٢) ٢ی ئازاری ١٩٨٣ قەزای دووبز، عێراق
وڵاتی وەرزش	عێراق
پیشە	یاریزانی تۆپی پێ
شوێنی یاریکردن لە تیپ	ھێرشبەر
ئایین	ئیسلام
وەرزش	تۆپی پێ
ژمارەی یاریزان	10
بەشداربووە لە	ئۆڵۆمپیادی ھاوینەی ٢٠٠٤، 2014 Asian Games، 2015 AFC Asian Cup، جامی کیشوەرەکانی فیفای ٢٠٠٩
لە ویکیدراوە دەستکاریی زانیارییەکان بکە

یوونس مەحموود خەلاف (بە بە عەرەبی: يونس محمود خلف؛ لەدایکبووی ٣ی شوباتی ١٩٨٣) یاریزانێکی پیشەگەری پێشووی عێراقە کە وەک هێرشبەر بۆ تیمی تۆپی پێی نیشتیمانی عێراق یاری کردووە و لە ئێستادا سەرۆکی یەکێتیی تۆپی پێی عێراقە. یەکێک لە دیارترین یاریزانەکانی عێراق، یوونس بۆ ماوەی دە ساڵ بەدوای یەکدا کاپتنی هەڵبژاردەی عێراق بووە و یەکێک بووە لە ئایکۆنەکانی تۆپی پێی ئاسیا. هەروەها بۆ چەندین یانە یاری کردووە، لەوانە تیپەکانی عێراق، ئیمارات، قەتەر و عەرەبستانی سعودیە، سێ پێڵاوی زێڕینی بردەوە لە قەتەر و چەندین ڕیکۆرد شکاندووە.

یەکەم گۆڵی نێونەتەوەیی فەرمی ئەو لە ساڵی ٢٠٠٢ بوو لە پاڵەوانییەتی ڕۆژاوای ئاسیا بوو کاتێک گۆڵی یەکسانکردنەوەی لە خولەکی ٨٩ بەرامەبەر هەڵبژاردەی ئەردەن تۆمارکرد، کە دواتر لە کاتی زیادکراودا عێراق یارییەکەی بردەوە. لە ساڵی ٢٠٠٥، لە هەمان پاڵەوانییەتی بوونە پاڵەوان، دوای ساڵێک واتە ٢٠٠٧ کرایە کاپتنی هەڵبژاردەی عێراق.. لە ساڵی ٢٠٠٧، مەحمود باشترین دەستکەوتی خۆی بەدەستهێنا، کە ڕۆڵی سەرەکی گێڕا لە بردنەوەی جامی ئاسیای ٢٠٠٧، یوونس لە یاری کۆتاییدا تاکە گۆڵی یارییەکەی لە سعودیە تۆمارکرد. جگە لەوانەش یوونس بووە گۆڵکاری جامەکە و خەڵاتی لاپچینی زێڕینی پێدرا. دواتر لەو ساڵەدا، لە ڕیزبەندی ٢٩ی خەڵاتی باڵۆندۆر ناوی هات و بووە تاکە یاریزانی عێراقی کە تا ئێستا پاڵێوراو بێت بۆ خەڵاتی تۆپی زێڕین .

لە هەر سێ یاریی جامی کیشوەرەکان لە ساڵی ٢٠٠٩ بەشداری کردووە و لە یاری کۆتایی جامی کەنداوی عەرەبی لە ساڵی ٢٠١٣ گۆڵی تۆمارکردووە، پێش ئەوەی لە ساڵی ٢٠١٦ واز لە یاریکردن بهێنێت زۆرترین یاری بۆ هەڵبژاردەی عێراق کردووە بەراورد بە هەر یاریزانێکی دیکە، هەروەها سێیەم گۆڵکاری مێژووی هەڵبژاردەی عێراقە. هەروەها تاکە یاریزانە لە مێژوودا کە لە چوار پاڵەوانێتی جیاوازی جامی ئاسیای ئاسیا گۆڵی تۆمارکردبێت، گۆڵێک لە ساڵی ٢٠٠٤ و چوار گۆڵ لە ٢٠٠٧ و یەک گۆڵ لە ساڵی ٢٠١١ و دوو گۆڵ لە ساڵی ٢٠١٥ .