ڕاڵف واڵدۆ ئێمەرسۆن

وێنەیەکی ئێمەرسۆن، ساڵی ١٨٥٧

راڵف واڵدۆ ئێمەرسۆن (٢٥ی ئایاری ١٨٠٣ - ٢٧ی نیسانی ١٨٨٢) (بە ئینگلیزی: Ralph Waldo Emerson) فەیلەسۆف، نووسەر و شاعیری ئەمریکیی سەدەی نۆزدەیە. ئێمەرسۆن بە ڕێبەری جوڵانەوەی ترانسێندێنتاڵیزم ناسراوە. ھاوچەرخی شاعیران و نووسەرانی وەکوو ئێمیلی دیکینسۆن و ھێنری دەیڤید سۆرۆ بووە و کاریگەریی لەسەر ئەوان و باقیی ھاوچەرخانی خۆی داناوە. لە ماوەی ژیانیدا وەکوو شاعیر و بیرمەندێکی گرنگی ئەمریکا دەناسرا. دواتریش کاریگەریی ھەر ماوە و بە یەکێ لە گرنگترین فەیلەسۆفانی ئەمریکا دادەنرێت.

بڕێک لە کارەکانی

• وتارەکانی ئێمەرسۆن
• پیاوە ھەڵبژاردەکان
• کۆمەڵگە و تەنیایی
• ھۆنراوەکانی ئێمەرسۆن

وتارە تاکەکان

• وتاری سروشت
• وتاری متمانە بە خۆ
• وتاری ئەزموون

سەرچاوە

راڵف واڵدۆ ئێمەرسۆن لە ئینسایکلۆپیدیای فەلسەفەدا (بە ئینگلیزی)