پوشکاش

پۆشکاش له‌باشترین یاریزانانی تۆپی پێ-یه‌ له‌مێژوودا،84 گۆڵی بۆ هه‌ڵبژ‌رده‌ی هه‌نگاریا تۆمارکردووه‌ له‌ ٨٥ یارییدا،٥١٤ گۆڵی له‌ ٥٢٩ یارییدا تۆمارکردووه‌ له‌ خوله‌کانی هه‌نگاری و ئیسپانی ـیدا.له‌سه‌ره‌تای ژیانی وه‌رزشی خۆی یاریی بۆ یانه‌ی کیسپێست و هۆنفید بۆدابست کرد،پاشان دوای شۆڕشی ١٩٥٨ ـی هه‌نگاریا،ڕووی کرده‌ ئیسپانیا و چووه‌ یانه‌ی ڕیاڵ مه‌درید که‌له‌و کاته‌دا به‌ یانه‌ی ئه‌فسانه‌کان ناوده‌برا و دی ستیڤانۆ،فرانسیسکۆ خینتۆ،ڕیمۆند کۆپا،هیکتۆر ڕییاڵ و خۆزێ سانتا ماریا یارییان له‌ ڕیزه‌کانیدا ده‌کرد.ئه‌فسانه‌ هه‌نگارییه‌که‌ ٣٥٢ گۆڵی له‌ ٣٤١ یارییدا له‌خولی هه‌نگارییدا تۆمارکردووه‌ و پێنج نازناوی خولی هه‌نگاری به‌ده‌ستهێناوه‌.له‌ساڵی ١٩٥٨ چووه‌ یانه‌ی ڕیاڵ مه‌درید وله‌ماوه‌ی هه‌شت ساڵ یاریکردنیدا له‌گه‌ڵ ئه‌و یانه‌یه ٢٠٦ گۆڵی له‌ ٢٢٣ یارییدا تۆمارکردووه‌ و چوارجار خه‌ڵاتی پیچێچی(گۆڵکه‌ری خوله‌که‌)ـی به‌ده‌ستهێناوه‌ و سێجار جامی ئه‌وروپا(خولی یانه‌ پاڵه‌وانه‌کان) و پێنج وه‌رزی یه‌ک له‌سه‌ر یه‌ک له‌گه‌ڵ ڕیاڵ مه‌درید خولی ئیسپانی به‌ده‌ستهێناوه‌.

له‌سه‌ر ئاستی نێوده‌وڵه‌تیش له‌گه‌ڵ هه‌ڵبژارده‌ی هه‌نگاریا میدالیای زێڕی له‌ئۆڵۆمپیادی ١٩٥٢ به‌ده‌ستهێناوه‌ و هه‌روه‌ها پله‌ی دووه‌می له‌جامی جیهانی ١٩٥٤له‌گه‌ڵ هه‌ڵبژارده‌که‌ی به‌ده‌ستهێناوه‌ که‌له‌ یاری کۆتاییدا به‌هه‌ڵبژارده‌ی ئه‌ڵمانیای خۆرئاوا دۆڕان.دواتر که‌ ڕه‌گه‌زنامه‌ی ئیسپانی پێبه‌خشرا چوار یاری نێوده‌وڵه‌تی به‌درێسی ئه‌و هه‌ڵبژارده‌یه‌وه‌ کرد و دوای وازهێنانی له‌تۆپی پێ ماوه‌ی ٢٦ ساڵ ڕاهێنه‌رایه‌تی له‌ ئه‌مریکای لاتین و ئوسترالیا و یۆنان کرد و له‌گه‌ڵ یانه‌ی ئایک ئه‌سینا جارێک بووه‌ پاڵه‌وانی خولی ئه‌و وڵاته‌ و دووجار خولی ئیسپانی به‌ده‌ستهێناوه‌.

نازناو لەگەڵ یانەکان

• هۆنفید بۆدابست :
• پاڵه‌وانی خولی هه‌نگاری:١٩٤٩-١٩٥٠ ، ١٩٥٠ ، ١٩٥٢، ١٩٥٤، ١٩٥٥

• ڕیاڵ مه‌درید:
• پاڵه‌وانی خولی ئیسپانی:١٩٦٠-١٩٦١ ، ١٩٦١-١٩٦٢ ،١٩٦٢-١٩٦٣ ، ١٩٦٣-١٩٦٤ ،١٩٦٤-١٩٦٥
• جامی شای ئیسپانیا:١٩٦٢
• پاڵه‌وانی خولی یانه‌ پاڵه‌وانه‌کانی ئه‌وروپا:١٩٥٩ ، ١٩٦٠ ، ١٩٦٦
• دووه‌می خولی یانه‌ پاڵه‌وانه‌کان:١٩٦٢ ، ١٩٦٤
• جامی جیهانی یانه‌کان:١٩٦٠

نازناو بۆ هەنگاریا

• پاڵه‌وانی ئۆڵۆمپیاد:١٩٥٢
• پاڵه‌وانی ئه‌وروپای ناوه‌ند(ناوین):١٩٥٣
• دووه‌می جامی جیهانی:١٩٥٤
• پاڵه‌وانی جامی به‌ڵکان:١٩٤٧

دەستکەوتی تاکەکەسی

• گۆڵکه‌ری خولی هه‌نگاری:1947-48 ، 49-50 ، 1950 ، 1953
• باشترین یاریزانی ئه‌وروپا و جیهان:1953
• باشترین یاریزانی سه‌ده‌ی بیسته‌م(له‌لایه‌ن گۆڤاری لیکیپ)
• باشترین یاریزانی هه‌ڵبژارده‌ی هه‌نگاریا له‌سه‌ده‌ی بیسته‌م
• یه‌که‌م گۆڵکه‌ری هه‌ڵبژارده‌ی هه‌نگاریا له‌سه‌ده‌ی بیسته‌م
• باشترین یاریزانی ئه‌ورپا:1960
• گۆڵکه‌ری خولی یانه‌ پاڵه‌وانه‌کان:1960 ، 1964 به‌ 12 ، 7 گۆڵ
• براوه‌ی خه‌ڵاتی پیچێچی(گۆڵکه‌ری خولی ئیسپانی):1959-60 ، 60-61 ، 62-63 و 1963-64

سەرچاوە

• وێکیپێدیای ئینگلیزی