پەرلەمان
(لە پارلەمانەوە ڕەوانە کراوە)
پەرلەمان (بەئینگلیزی: Parliament) بە شاندێک دەوترێت کە لە ھەر وڵاتێک لەلایەن خەڵکەوە ھەڵدەبژێردرێ بۆ دانانی یاسا و چاودێریکردن بەسەر چۆنیتیی بەڕێوەچوونیدا.[١] وشەی پارلەمان لە زمانی فەڕەنسەوە ھاتووە و واتە ئاخاوتن.[٢][٣] لە کوردیدا ئەنجومەنی نیشتمانی -شی پێ دەوترێ.
ماھییەتی پارلەمان لە وڵاتە سەرمایەدارییەکاندا
[دەستکاری]لە وڵاتە سەرمایەدارییەکاندا، لە ڕووی ماھییەتەوە، دوو جۆر پارلەمان ھەیە:[٤]
- لەو وڵاتانەی کۆماری پارلەمانین، وەکوو ئیتالیا، تورکیا، ھیندستان، و ...، یان لەو وڵاتانەی پاشایەتیی مەرجدارن (پاشایەتیی دەستووری و مەشرووتەی سەڵتەنەتی -شیان پێ دەوترێ) وەکو: بەریتانیا، سوید، دانمارک، و...، پارلەمان چاودێریی ھەموو کاروبارێکی دەوڵەت دەکات و بە گەورەترین و باڵاترین سەرچاوەی دەسەڵاتی دەوڵەت دەژمێردرێت.
- لەو وڵاتانەی تر کە سەرکۆمار دەسەڵاتی فراوانی ھەیە وەکو وڵاتە یەکگرتووەکانی ئەمریکا، فەڕەنسا، چەند وڵاتێکی ئەمریکای لاتین، و ...، پارلەمان تەنیا خەریکی ئەرکی یاسادانان دەبێت؛ کۆڕی وەزیران بەرپەرچی پارلەمان ناداتەوە.
وتارە پێوەندیدارەکان
[دەستکاری]سەرچاوەکان
[دەستکاری]- ^ شەبانی، ئەحمەد؛ فەرھەنگی زانستی سیاسی؛ لاپەڕەی ٧٠.
- ^ فەرھەنگی ئێتیمۆلۆژیای سەرھێڵ
- ^ ویکیفەرھەنگی کوردی
- ^ فەرھەنگی نوێ؛ داریووش ئاشووری/دکتۆر بەھائەددین پازارگاد؛ وەرگێران: بورھان قانع؛ چاپی یەکەم؛ ٢٠٠٣ سلێمانی.
 |
کۆمنزی ویکیمیدیا، میدیای پەیوەندیدار بە پەرلەمان تێدایە. |