پارتی کرێکارانی شۆڕشگێڕی عەرەبی
| پارتی کرێکارانی شۆڕشگێڕی عەرەبی | |
|---|---|
| دامەزران | ١ی کانوونی دووەمی ١٩٦٦ |
| وڵات | عێراق |
| ئایدۆلۆژیای سیاسی | مارکسیزم |
پارتی کرێکارانی شۆڕشگێڕی عەرەبی (بە عەرەبی: حزب العمال الثوري العربي) حیزبێکی سیاسی چالاکە لە عێراق و سووریا. لە ساڵی ٢٠٠٨ەوە سکرتێری گشتی حیزبەکە عەبدولحافز حافزە. لە ساڵی ٢٠١١ەوە سەرۆکی ئەو حیزبە تاریق ئەبوو حەسەنە.[١][٢][٣]
ئەم حیزبە لە ساڵی ١٩٦٦ لەلایەن یاسین حافیزەوە وەک گرووپێکی مارکسی جیابوو لە حیزبی بەعسی سۆسیالیستی عەرەبی دامەزراوە. ئایدۆلۆژیای بەعسی میشێل عەفلەقی بە کۆنەپەرستانە و دواکەوتووانە دەزانێت و ڕەتیدەکاتەوە. لەبری ئەوە حیزبی سۆسیالیزمی زانستی ھەڵبژارد. دوایین سەرۆکی پێشووی دیاری حیزبەکە عەلی سەلاح سەعدی بوو. ئەم دابەشبوونە لە حیزبی بەعس ھاوتەریب لەگەڵ گەشەی ئۆپۆزسیۆنی چەپ لە بزووتنەوەی ناسیۆنالیستی عەرەبیدا سەریھەڵدا.
حیزبەکە لە ماوەی حەفتاکاندا لە لوبنان چالاک بوو. لە ساڵانی سەرەتای شەڕی ناوخۆیی لوبنان (١٩٧٥–١٩٧٦) حافز لە بەیرووت ژیاوە و لە مانگی تشرینی یەکەمی ساڵی ١٩٧٨ لە بەیروت کۆچی دوایی کردووە.
لە سەردەمی بەھاری دیمەشق لە قۆناغی یەکەمی دەسەڵاتی بەشار ئەسەددا، حیزبەکە دەیتوانی کەم تا زۆر بێ بەربەست لە ژێر پەردەی کۆڕبەندی چەپ کۆببێتەوە. ئەم حیزبە ھاوشانی گرووپە چەپەکانی دیکە لە سووریا بڕیاریان دا کە ھەڵبژاردنی پەرلەمانی ساڵی ٢٠٠٣ بایکۆت بکەن، حیزبەکە یەکێک بوو لە ھێزەکانی پشت گردبوونەوەی دیموکراسی نیشتمانیی و جاڕنامەی دیمەشق بۆ گۆڕانی دیموکراتی نەتەوەیی.
حیزبەکە بەشێکە لە ئۆپۆزسیۆنی سووریا و لە قۆناغی ڕاپەڕینی مەدەنی شەڕی ناوخۆیی سووریادا چالاک بوو. لە ٣٠ی حوزەیرانی ٢٠١١دا بەشداری لە پێکھێنانی دەستەی ھەماھەنگی نیشتمانیی کرد بۆ ھێزەکانی گۆڕانی دیموکراتی. ئەندامی مەکتەبی سیاسی ئەم حیزبە، حازم نەھار، بۆ سەرۆکایەتی ئەم ھەیئەیە جێگیرکرا. لە ١٠ی تشرینی یەکەمی ٢٠١١دا، حزب بڕیاریدا لە ھەماھەنگییەکە بکشێتەوە، بەڵام پابەندبوونی خۆی بە کارکردن لەگەڵ گردبوونەوەی دیموکراتی نیشتمانی پاراست.
سەرچاوەکان[دەستکاری]
- ^ https://web.archive.org/web/20161230231412/https://www.ndi.org/files/1625_iq_report_072503.pdf
- ^ https://web.archive.org/web/20160303213116/http://www.worldbulletin.net/?aType=haberYazdir&ArticleID=73117&tip=
- ^ https://web.archive.org/web/20200314083239/https://www.hugedomains.com/domain_profile.cfm?d=asrarr&e=com
