ویکیپیدیا:فێرکاری (بەستەرەکان لە ویکیپیدیا)

لە ئینسایکڵۆپیدیای ئازادی ویکیپیدیاوە
Jump to navigation Jump to search
دەستپێک دەستکاریکردن شێوەزار بەستەرەکان لە ویکیپیدیا ناردنەوەی سەرچاوەکان پەڕەکانی لێدوان لەیادت بێ ناونووس کردن کۆتایی  

بەسەتەردانی وتارەکان بە یەکتر لە ویکیپیدیادا زۆر گرنگە. بەم شێوە ساکارە بۆ بەستەردان، کە لە خوارەوە فێری دەبێت، خوێنەری وتار زۆر بە ئاسانی دەتوانێ بگاتە زانیارییەکانی دیکە کە پەیوەندییان ھەیە لەگەل ئەوەی دەیخوێنێتەوە.

چۆنیەتی بەستەردان

بۆ درووستکردنی بەستەرێک بۆ وتار یا پەڕەیەکی دیکە (پێی دەڵێن ویکی بەستەر)، دەبێ ناوی وتارەکە بخەیتە نێوان ٢جووت کەوانەی تیژ، وەک ئەمە:

[[ھەژار]] = ھەژار

ئەگەر دەتەوێ بەستەر دانەی بۆ پەڕەیەک بەڵام وشەیەکی دیکە نیشان بدرێت، دەتوانی لە نووسەی «|» کەڵک وەرگریت، بەم شێوەیە:

[[پەڕەی ئامانج|دەقی نیشاندراو]] = دەقی نیشاندراو

ھەروا دەتوانی بە بەشێکی تایبەت لە وتارێک ئەماژە بکەیت، ھەڵبەت ئەمە لە کاتی ئێستادا بۆ ویکیپیدیای کوردی ناویین زۆر بەسوود نییە، بەڵام بەم شێوە بەکاردێت:

[[پەڕەی ئامانج#بەشی ئامانج|دەقی نیشاندراو]] = دەقی نیشاندراو

ئەگەر دەتەوێ دەقی بەستەرێک بە ئەستوور بنووسیت یان لاری بکەی، دەبێ ھێماکانی لە دەرەوەی کەوانەکە دابنەی، بەم شێوە:

''[[وتاری ئامانج]]'' = وتاری ئامانج

باشتر وایە دڵنیابیت کە بەستەرەکە ڕێک دەڕوا بۆ ئە پەڕەی کە مەبەستی تۆیە. کوردستان ناوی وتارێکە سەبارەت بە کوردستان، بەڵام کوردستان تیڤی وتارێکە سەبارەت بە کەناڵی سەتەلایتیی کوردستان. لە ویکی ھێندێ پەڕە ھەن بە ناوی پەڕەی ڕوونکردنەوە کە ئەوانە وتار نین، بەڵکوو پەڕەیەکن کە چەن بەستەر لەخۆدەگرن بۆ ئەو وتارانەی ناویان وەک یەکە، بەڵام ناوەڕۆکیان جیاوازە. شێوەیەکی دیکە لە ڕوونکردنەوە ئەوەیە کە شیکارییەک سەبارەت بە وتارەکە لە ناو جووت کەوانەیەک بنووسی بۆ ناوی وتار. بۆ نموونی ئیتاڵی (زمان).

کاتی بەستەردان

ئەگەرچی ھەبوونی بەستەرەکان بەسوودە بۆ وتارەکە، بەڵام زۆربوونیشی دەبێتە ھۆی سەرلێشێوان. ھەربۆیە لە ھەر بەشێکدا تەنھا یەکەمین جار کە وشەیەک بەکاردێت بۆی ھەیە ببێتە بەستەر.

بۆ باشتر فێر بوونی ئەوەی کە چۆن دەبێ بەستەر بەکاربێنی، زۆر بەسوودە ئەگەر بڕوانیتە وتارە ھەڵبژێردراوەکان.

پۆلەکان

دەتوانی وتارەکان بخەیتە پۆلی وتارەکانی پەیوەندیدارەوە. تەنھا دەبێ لە کۆتایی وتارەکەدا بنووسی [[پۆل: پۆلی مەبەست]] و لە جێگەی پۆلی مەبەست ناوی ئەو پۆلە دەنووسیت کە دەتەوێ وتارەکە لەخۆبگرێت.

زۆر گرنگە ھەر وتارێک لە پۆلی دروستی خۆیدا بێت بۆ ئەوەی دۆزینەوەی بۆ خوێنەرەکان ساکاربێت. باشترین ڕێگە بۆ زانینی ئەوەی کام پۆل جێگەی ئەو وتارەیە، ئەوەیە کە بڕوانیتە وتارە ھاوبابەتەکان. بۆ نموونە: ئەگەر وتارێکت نووسیەوە سەبارەت بە جۆرەیەک دار، بڕوانە وتارێک سەبارەت بە جۆرەیەکی دیکەی دار و بزانە ئەو لە کام پۆلدایە.

چاوبکە لە پۆلەکان.
لە خۆڵەپەتانێ تاقی بکەوە چی فێربووی
درێژەی فێرکاری بە ناردنەوەی سەرچاوەکان