ناوەڕاستە (ئامار)

دیاریکردنی ناوەڕاستە بۆ کۆمەڵێک پێدراوی تاک و جووت.

ناوەڕاستە (بە ئینگلیزی: Median) لە ئامار و ھەروەھا لە بیردۆزی ئەگەردا کاتێک ژمارەی بەھایەکان تاک بێت بەو بەھایە دەوترێت کە دەکەویتە ناوەندی کۆمەڵەکە دوای ڕیزکردنی بەھایەکان بەرەو ژوور یان بەرەو ژێر و ئەگەر ژمارەی بەھایەکان جووت بێت دەکاتە تێکڕایی ئەو دوو بەھای دەکەویتە ناوەڕاستی کۆمەڵەکە. بۆ نموونە ئەگەر سێ ژمارەی a، b، c ڕیز کرابن، ئەوا ناوەڕاستە M، یەکسانە بە: $M=b$ و ھەروەھا بۆ چوار ژمارەی a، b، c، d ناوەڕاستە یەکسانە بە:

$M=(b+c)/2$

بەراوردکردنی ناوەڕاستە، ناوەند و باو

ئەمانەش ببینە: ناوەند و باو (ئامار)

بەراوردکردنی پێوەرەکانی ڕووکردنە چەق لە کۆمەڵە پێدراوی { ١٠, ٧, ٦, ٥, ٣, ٣, ٢, ١ }

چەشن	شرۆڤە	نموونە	ئەنجام
ناوەندە ژمێرەیی	سەرجەمی گشت بەھاکان دابەش دەکرێت بەسەر ژمارەی بەھاکان: $\scriptstyle {\bar {x}}={\frac {1}{n}}\sum _{i=1}^{n}x_{i}$	٨ / (١+٢+٣+٣+٥+٦+٧+١٠)	٤٫٦٢٥
ناوەڕاستە (ئامار)	ئەو بەھایەی دەکەویتە ناوەندی کۆمەڵەکە دوای ڕیزکردنی بەھاکان	١٠, ٧, ٦, ٥, ٣, ٣, ٢, ١	٤=٢÷(٣+٥)
باو	ئەو بەھایەی زۆرترین دووبارەبوونەوەیان ھەیە	١٠, ٧, ٦, ٥, ٣, ٣, ٢, ١	٣

سەرچاوەکان

• بیرکاری بۆ ھەمووان، کتێبی قوتابی، پۆلی ھەشتەمی بنەڕەتی- چاپی ھەشتەم