میری بێ زیان (ئەلبوم)

میری بێ زیان
لە لایەن موحسین چاوەشی
بڵاوبوونەوە	مانگی شەشی ٢٠١٦
تۆماربوون	٢٠١٤ - ٢٠١٦
چەشن	پۆپو ڕۆکی ئێرانی
ماوە	٥٥ خولەک
بڵاوکەرەوە	تەسویر گستار پاسارگارد
کاتزانیی موحسین چاوەشی
سەوڵی بێ بەلەم ٢٠١٤ میری بێ زیان ٢٠١٦

میری بێ زیان هەشتەمین ئەلبومی ستۆدیۆیی موحسین چاوەشیە کە سەرەتا بڕیار بوو ناوبنرێت جەنگیز بەڵام پاشتر میری بێ زیان وەکو ناوی فەرمی ئەلبومەکە دیاریکرا ، میری بێ زیان ١٢ تراکەو ٦ تراکی نێو ئەلبومەکە هۆنراوەی مەولانای ڕۆمین و سیانیشیان هۆنراوەی حسێن سەفان و سێ تراکەکەی دیکەش لە هۆنراوەی لەسەعدی و عەلی ئەکبەر یاخی تەبار و پیدرام باریزین ، موحسین چاوەشی و عادل ڕوحنەواز و بێهروز سەفاریان و فەرشاد حوسامی و بابەک نوقەوی دابەشکارانی ئەلبومەکەن.

میری بێ زیان ڕیکۆردی فرۆشتنی یاسایی و ڕیکۆردی داونلۆدی نایاسایی شکاند و تەنها دوای دە خولەک لە بڵاو بونەوەی ئەلبومەکە کەوتە ئینتەرنێتەوە

تراکەکان

میری بێ زیان

میری بێ زیان بە فارسی (امیر بی گزند) تراکی سەرەکی ئەلبومەکەیە ٢:٥٨ خولەکە و لە هۆنراوەی مەولانای ڕۆمیە و دابەشکردنی موحسین چاوشیە ، گۆرانیەکە بە چەند دەنگێکی تێکەڵ کە ستایشی خودان بە شێوازی ئاینە جیاوازەکان و بانگێک دەست پێدەکات و تێکڕای گۆرانیەکە پیاهەڵدانە بەسەر بەرامبەردا و باس لە گەورەیی و جوانی و پڕلوتفی بەرامبەر دەکات ، موحسین چاوشی ویستویەتی گۆرانیەکە بۆ هەموو کەسێک بێت بێ جیاوازی هەربۆیە لە نێو گۆرانیەکەدا دەنگ و ئاوازی جیا جیا دەبیسترێت کە هەندێکیان ئاوازی مەسیحیانە و بوداییانەیە لەگەڵ و ئاوازگەلی هندی و چینی

میهران دەروێش بەم شێوەیە هۆنراوەی گۆرانیەکە شی دەکاتەوە: وشەی عەجەب زۆر بەکاردەهێنرێت لە هۆنراوەکەدا کە گوزارشتە لەوەی عەجەب و سەرسامی لە کەسی بەرامبەر بێکۆتاییە و کاتێک دەڵێت عەجەب حەڵوایەکی شیرینی تۆ میری بێ زیانی تۆ واتە تۆ چەنێک شیرینیت تۆ میریت و دەسەڵاتت هەیە کەچی هیچ زیانێک هیچ ئازارێک لە تۆ بەدی ناکرێت . وە کاتێک دەڵێت ئازار بە هەر چی بگەیەنیت ئەو شتە گیانی دێتە بەر واتە تۆ ئازار (ئازار بەو واتایە دانراوە کە بەرامبەر ئازاری نییە بەڵام ئازاریشی هەر گەشێنەرەوەیە) بە هەرچی بگەیەنیت ئەو شتە دەژێتەوە و گیانی دێتەوەبەر و دەگەشێتەوە.

کاتێک دەڵێت گیان بدەرەوە بە دڵ و گیانمان دڵی تەنگی پەرێشانمان گوڵستان لە زیندان دروست بوو ... واتە مەولا گیان ئێمە دڵتەنگ و پەرێشانی تۆین گیان بکەرەوە بە بەرماندا و ئەم زیندانەمان بۆ بکە بە گوڵستان بە خۆشەویستی و عیشقی خۆت

دڵی من

دڵی من بە فارسی (دل من) دووەمین تراکی ئەلبومەکەیە و لە هۆنراوەی مەولانای ڕۆمیە و دابەشکردنی بێهروز سەفاریانە و ماوەی گۆرانیەکە ٣:٥٤ خولەکە

جەنگیز

جەنگیز بە فارسی (چنگیز) سێیەمین تراکی ئەلبومەکەیە لە هۆنراوەی عەلی ئەکبەر یاخی تەبار و دابەشکردنی بێهروز سەفاریانە ماوەی گۆرانیەکە ٥ خولەکە ، هۆنراوەی گۆرانی جەنگیز بە یەکێک لە سەرنجڕاکێشترین گۆرانیەکانی ئەلبومەکە دادەنرێت سەرەتا بە چەند لۆمەکردنێکی خود دەست پێدەکات و دەڵێت چیت بە خۆت کرد بوغزی شەقامە بێ ڕێکارەکان چیت بەخۆت کرد ئاوازخوێنی شاری بێ شاعیر ، پاشان باسی دەردێک دەکات کە هیچ کەس پێی نازانێت و دەڵێت چ دەردێک دەکێشێت عاشق تەنها پایز دەیزانێت خۆراسان لە چی دەناڵێت تەنها جەنگیز دەزانێت وشەی جەنگیز ئاماژەیە بۆ جەنگیز خان کە لە سەردەمی خۆیدا نیوەی خەڵکی خۆراسانی کوشتوە و وێرانی کردووە شاعیر ئاماژە بەوە دەکات بە شێوەیەک وێرانکراوە تەنها وێرانکەر بە حاڵی دەزانێت ، پاشان لە دێڕەکانی داهاتودا بەردەوام دەبێت لە باسکردنی دەردە پەنهانەکەی تا کۆتا دێڕ بە نائومێدیەوە دەڵێت دیداری تۆ ڕێی تێناچێت تەنانەت لەسەر گۆڕیشم

ئەوە کێیە ئەوە؟

ئەوە کێیە ئەوە؟ بە فارسی (این کیست این؟) چوارەمین تراکی ئەلبومەکەیە هۆنراوەی مەولانای ڕۆمیە و دابەشکردنی خودی موحسین چاوشیە ، گۆرانیەکە ڕیتمێکی خێرای هەیە وەسف گەلێکی تایبەتی تێدایە وەکو ئەمە کێیە ئەمە کێیە ئەمە یوسفی دووەمە بە گشتی کەسی بەرامبەر لەم گۆرانیەدا مەدحکراوە و لە دێڕێکی دیکەدا دەڵێت مەست و پەرێشانی تۆم پەیڕەوکەری فەرمانی تۆم ئیسحاقی قوربانی تۆم ئەوەی جێی سەرنجە بەپێی ئاینی ئیسلام وا بڕیار بووە ئیسماعیل بکرێتە قوربانی بەڵام لە هۆنراوەکەدا مەولانا دەڵێت ئیسحاقی قوربانی تۆم کەوا دەردەکەوێت سودی لە ئاینەکانی دیکە وەرگرتبێت بۆ ئەم نیوەدێڕە

جەنگ زەدە

جەنگ زەدە بە فارسی (جنگ زده) پێنجەمین تراکی ئەلبومەکەیە ٤:٣٧ خولەکە و هۆنراوەی پیدرام باریزیە و دابەشکردنی فەرشاد حاسمیە ، گۆرانیەکە باس لە کەسی بەرامبەر دەکات هەر ئەندامێکی کەسی بەرامبەری و خۆی بە ناوچەیەک بەراورد کردووە ، سەرەتا دەڵێت دڵت تاران چاوت شیراز لێوت پاوە هەوات بەندەر هەر بەراوردێک کە دانراوە بە ژیری وریایەوە دانراوە لە گۆرانیەکەدا دڵی بە تاران بەراورد کردووە بەو واتایەی دڵت وەک و تاران گەورەیە ، پاشان دوایی چەند نیوە دێڕێک ناوی کوردستان دێنێت و دەڵێت لە دەمارەکانمدا هەیە خوێنی کوردستان موحسین چاوشی لە دواهەمین کارەکانیدا زیاتر لە پێشتر ناوی کوردستان دێنێت دوای ئەلبومی میری بێ زیانیش جارێکی دیکەش لە گۆرانی کوڕەکەمدا وتی خەڵکی کوردستانە ، دواتر لە گۆرانی جەنگ زەدە دەڵێت وێرانم وەکو خوڕەم شەهر بەڵام تۆ خوڕەم ئابادی لێرەدا ئاماژە بەوە دەکات وەک و خوڕەم شەهر وێرانە چونکە خوڕەم شەهر لە جەنگی ئێران و عێراقدا خاڵێکی گرنگ بووە وێرانی زۆری دیوە بەڵام خوڕەم ئاباد هەمیشە ناوچەیەکی ئاوەدان بووە ، دواتر بەردەوام دەبێت لە باسکردنی ئازاری خۆی و دەڵێت تۆ بە لایلایە خەوت لێکەوت منیش بە شەپۆلی خەمپارە ،خەمپارە بە چەکێک دەوترێت بۆمب هەڵدەدات