فێستیڤاڵی نێونەتەوەییی فیلمی قاھیرە
فێستیڤاڵی نێونەتەوەییی فیلمی قاھیرە (بە ئینگلیزی: Cairo International Film Festival) یەکێکە لە ١٢ فێستیڤاڵە نێونەتەوەیییە گەورەکانی جیھان و گرنگترین فێستیڤاڵی فیلمە لە ئەفریقا و جیھانی عەرەبی، کە ھەموو ساڵێک لە قاھیرە بەڕێوەدەچێت.[١] لە ساڵی ١٩٧٦ دامەزراوە و لە سەرەتای دامەزراندنییەوە ھەموو ساڵێک بەڕێوە دەچێت، جگە لە ساڵانی ٢٠١١ و ٢٠١٣ کە بەھۆی سنوورداربوونی بوودجە و ناسەقامگیری سیاسی ھەڵوەشایەوە، بەڵام فێستیڤاڵەکەی ساڵی ١٩٨٥ کە بە شێوەیەکی سەربەخۆ ڕێکخرابوو، بە قۆناغی یەکەمی فێستیڤاڵەکە ناسراوە.[٢] ھەروەھا بەشی کێبڕکێی نێونەتەوەیی فێستیڤاڵەکە لە ساڵی ١٩٩١ دەستی پێکردووە. فێستیڤاڵی فیلمی قاھیرە وەک فێستیڤاڵێکی پێشەنگی ڕۆژھەڵاتی ناوەڕاست و جیھانی عەرەبی ھەمیشە بە ڕکابەری سەرەکیی فێستیڤاڵی «فیلمی مەغریب» ناسراوە. لەم ساڵانەی دواییدا لەگەڵ سەرھەڵدانی فێستیڤاڵی نێونەتەوەییی فیلمی دوبەی و فێستیڤاڵی فیلمی ئەبووزەبی، ئەم فێستیڤاڵە ھەوڵدەدات ڕۆڵی خۆی وەک بەناوبانگترین فێستیڤاڵ لە ناوچەکەدا بپارێزێت. ئەم بۆنەیە تاکە فێستیڤاڵی پێشبڕکێیە کە لەلایەن کۆمەڵەی نێونەتەوەییی بەرھەمھێنەرانی فیلم (FIAPF) لە ڕۆژھەڵاتی ناوەڕاست و ئەفریقا پەسەند کراوە.[٣][٤]
سەرچاوەکان[دەستکاری]
- ^ "44th Cairo International Film Festival kicks off on Nov. 13". EgyptToday. 2022-11-13. Retrieved 2022-11-14.
- ^ "Cairo's Festivals& Fairs details". www.cairo.gov.eg. Retrieved 2022-11-27.
- ^ "The trouble with the Cairo International Film Festival". Daily News Egypt. Retrieved 18 November 2012.
- ^ "36th Cairo International Film Festival postponed to 2014". Euromed Audiovisuel. Archived from the original on 11 October 2014. Retrieved 6 April 2014. ١١ی تشرینی یەکەمی ٢٠١٤ لە وەیبەک مەشین، ئەرشیڤ کراوە.
 |
کۆمنزی ویکیمیدیا، میدیای پەیوەندیدار بە فێستیڤاڵی نێونەتەوەییی فیلمی قاھیرە تێدایە. |