سونەنی ئەبوو داوود
 | |
| نووسەر | ئەبوو داوود |
|---|---|
| زمان | عەرەبی |
| زنجیرەکان | شەش کتێبەکەی فەرموودە |
| بابەت | فەرموودە |
سونەنی ئەبوو داوود، (بە عەرەبی: السنن أبی داود)، کتێبێکە لەسەر فەرموودەکانی پیغەمبەری ئیسلام، و ئەبوو داوود کۆکردووەتەوە و ژمارەی فەرموودەکانی دەگاتە ٥٢٧٤ فەرموودە و کە ھەڵیبژاردوون و پۆڵێنی کردوون لە نزیکەی پێنج سەد ھەزار فەرموودە.[١]
دەرابرەی دانەرەکەی
[دەستکاری]ئەبوو داوود سولەیمان کوڕی ئەشعەس سەجستانییە، خەڵکی سەجستانە کە ھەرێمێکە دەکەوێتە ئێرانەوە و و چەندین دانراوی ھەیە کە ناودارترینییان سوونەنی ئەبوو داوودە، و یەکێکە لە دیارترین زاناکانی فەرموودە لە ئیسلامدا، و لە نێوان ساڵانی ٢٠٢ تا ٢٧٥ی کۆچی ژیاوە.
ڕێزبەندییەکەی
[دەستکاری]کتێبی سونەنی ئەبوو داوود ڕیزبەندکراوە و دابەشی کردوون بۆ کیتاب و ھەر کیتابێکیشی کردووە بە چەندین باب، و ژمارەی کیتابەکان سی و پێنج کیتابن، و کۆی بابەکانی ١٨٧١ بابە.[٢]
پلەی فەرموودەکان
[دەستکاری]ئەبوو داوود خۆی دەربارەی پلەی ڕاستییەتی فەرموودەکانی سونەنی ئەبوو داوود دەڵێت؛ سەحیحەکانم باسکردووە لەگەڵ ئەوانەی لەوان دەچن و لێیانەوە نزیکن، و زانایانی ئیسلام کۆکن لەسەر ئەوەی، کە سەرچاوەکانی فەرموودە لە ڕووی ڕاستی فەرموودەکانییەوە لە دوای ھەردوو سەحیحی بوخاری و موسلیم سونەنی ئەبوو وداود دێت.[٣][٤]
دەربارەی وتویانە
[دەستکاری]ژمارەیەکی زۆر لە زاناین ستایشی سونەنی ئەبوو داوودیان کردووە، لەوانە،
- زەکەریا ساجی دەڵێت؛ کتێبەکەی خوای گەورە بنەڕەتی ئیسلامەتییە، و کتێبەکەی ئەبوو داوودیش پەیماننامەی ئەو ئیسلامەتییەیە.
- خەتتابی دەڵێت، گوێم لە ئیبن ئەعرابی بوو دەیگوت ھەرکەسێک قورئانی خوا و کتێبەکەی ئەبوو داوودی پێ بێت، ئیتر پێویستی بە زانیاری کەسی تر نابێت.[٤]
سەرچاوەکان
[دەستکاری]- ↑ «سنن أبي داود - المكتبة الشاملة الحديثة». al-maktaba.org. لە ٢٨ی ئایاری ٢٠٢٢ ھێنراوە.
- ↑ «كتاب: سنن أبي داود **|نداء الإيمان». www.al-eman.com. لە ڕەسەنەکە لە ١١ی تشرینی دووەمی ٢٠٢١ ئەرشیڤ کراوە. لە ٢٨ی ئایاری ٢٠٢٢ ھێنراوە.
- ↑ «نبذة عن كتاب سنن أبي داود». موضوع (بە عەرەبی). لە ٢٨ی ئایاری ٢٠٢٢ ھێنراوە.
- 1 2 «حول منھج أبی داود فی سننە، ودرجة أحادیثە - الإسلام سؤال وجواب». islamqa.info (بە عەرەبی). لە ٢٨ی ئایاری ٢٠٢٢ ھێنراوە.
سایتی وەقفیە ١٧ی ئازاری ٢٠١٧ لە وەیبەک مەشین، ئەرشیڤ کراوە.
