دۆرۆتی ھۆدگکین

دۆرۆتی ھۆدگکین
بە ئینگلیزی: Dorothy Crowfoot Hodgkin
لەدایکبوون	١٢ی ئایاری ١٩١٠ قاھیرە، میسر
مردن	٢٩ی تەممووزی ١٩٩٤(١٩٩٤-٠٧-٢٩) (٨٤ ساڵ ژیاوە) Ilmington، شانشینی یەکگرتوو
ھۆی مەرگ	خوێنبەربوونی مێشک
باوک	John Winter Crowfoot
دایک	Grace Mary Hood Crowfoot
ھاوسەر	Thomas Lionel Hodgkin
بواری کار	بلوورناسی تیشکی ئێکس، ژینکیمیا، کیمیا، crystallography
شوێنی کارکردن	زانکۆی کامبریج
پەروەردە	Somerville College، Newnham College، Sir John Leman High School، زانکۆی ئۆکسفۆرد
تێزی ئەکادیمی	X-ray crystallography and the chemistry of the sterols
ڕاوێژکاری دکتۆرا	John Desmond Bernal
Doctoral student	Judith Howard، Tom Blundell، Barbara Wharton Low، Judith Ann Kathleen Howard، David Sayre
دانیشتووی	ئۆکسفۆرد
شوێنی کار	ئۆکسفۆرد، کامبریدج
باری تەندرووستی	باداریی جومگەکان
لە ویکیدراوە دەستکاریی زانیارییەکان بکە

دۆرۆتی ماری کرۆوفووت ھۆدگکین (بە ئینگلیزی: Dorothy Mary Crowfoot Hodgkin؛ ١٢ی ئایاری ١٩١٠–٢٩ی تەممووزی ١٩٩٤) زانایەکی کیمیای بەریتانی بوو کە کاریکرد بۆ پێشخستنی تەکنیکی تیشکی ئێکسی کریستالۆگرافی بۆ دۆزینەوە پێکھاتەکانی بایۆمۆلیکوڵ.

یەکێک لە دیارترین کارەکانی دۆرۆتی ھۆدگکین بریتی بوو لە پشتڕاستکردنەوەی پێکھاتەکانی پێنیسیلین، ئێدوارد ئەبرەھام و ئێرنست چەین دۆزرابوویەوە. ھەروەھا بۆ پێکھاتەکانی ڤیتامین ب١٢. دۆرۆتی ھۆدگکین بەھۆی کارەکانییەوە لە ساڵی ١٩٦٤، بووە سێیەم ژن کە خەڵاتی نۆبێل لە کیمیا وەربگرێت. لە ساڵی ١٩٦٩، ڕوونکردنەوەی لەسەر پێکھاتەکانی ئەنسۆلین بڵاوکردەوە، ئەمەش لە دوای ٣٥ ساڵ کارکردن بوو لەم بابەتە.

لە ڕۆژی ٢٩ی تەممووزی ١٩٩٤، دۆرۆتی ھۆدگکین لە تەمەنی ٨٤ ساڵیدا کۆچی دواییی کرد.

ژیان

دۆرۆتی ھۆدگکین لە دایکبووی ١٢ی ئایاری ١٩١٠ لە شاری قاھیرە، میسڕ. ئەو کچە گەورەی ماڵەوە بوو لەنێو چوار کچدا، باوکی ئەو واتە جۆن وینتەر کرۆوفووت (١٨٧٣–١٩٥٩)، وەک وەزیری پەروەردە لە میسر دەستبەکار ببوو، دایکیشی ناوی گرەیس ماری (١٨٧٧–١٩٥٧) بوو. خێزانەکەیان لە وەرزی زستان دەگەڕانەوە بۆ ئینگلتەڕا بۆئەوەی خۆیان لە وەرزی گەرمای میسڕ بپارێزن.