خەبات ڕەسووڵی

لە ئینسایکڵۆپیدیای ئازادی ویکیپیدیاوە

خەبات ڕەسووڵی نووسەر، وەرگێڕ و ڕۆژنامەنووسێکی کوردی خەڵکی ڕۆژھەڵاتی کوردستانە. لە ساڵی ١٣٥٩ لە شاری بۆکان، ڕۆژھەڵاتی کوردستان لە دایک بووە. بەکالۆریۆسی لە ساڵی ٢٠٠٩ زایینی، لە کۆلێژی ئاداب، بەشی کۆمەڵناسی، زانکۆی سەلاحەدینی ئەیوبی وەرگرتووە. پتر لە ماوەی حەفدە ساڵە لە بواری ئەدەبیاتدا (شیعر، چیرۆک، وەرگێڕان) چالاکە. بەرھەمی ئەو ساڵانەی دوو کۆمەڵە چیرۆک و وەرگێڕانی ڕۆمانێکە لە زمانی فارسییەوە. بێجگە لەوانە کاری ڕۆژنامەنووسی کردووە و بە دەیان وتار و چاوپێکەوتنی ھونەری و وەرگێڕانی ئەدەبی و فکری لە ڕۆژنامە و گۆڤارەکانی باشوور و خۆرھەڵاتی کوردستاندا بڵاو کردووەتەوە. شایانی باسە ناوبراو ماوەی حەوت ساڵ لە گۆڤاری ڕامان وەک ھەڵەچن و ماوەی یازدە ساڵ لە ڕۆژنامەی خەبات وەک نووسەر و وەرگێڕ و بەرپرسیاری لاپەڕە کاری کردووە.

بەرھەمەکان[دەستکاری]

  1. ساڵە شەرابییەکان، کۆمەڵە چیرۆک، ساڵی٢٠٠٦، سەنتەری ڕووناکبیری ھەتاو، ھەولێر
  2. نۆڤلێتی گاوخونی، جعفر مدرس صادقی، وەرگێڕان، ساڵی٢٠٠٨، دەزگای موکریانی، ھەولێر
  3. واران، کۆمەڵە چیرۆک، ساڵی٢٠١٤، یەکێتی نووسەرانی کورد، ھەولێر

سەرچاوەکان[دەستکاری]

  1. -http://www.mukiryani.com/book_pro1.php?id=18
  2. http://www.kurdipedia.org/
  3. http://www.rojikurd.net/waran-xebat-resouli/
  4. https://www.facebook.com/xebat.rasuli