حەسەن حیکمەت دەمیر

حەسەن حیکمەت دەمیر
حەسەن حیکمەت دەمیر
لەدایکبوون	١٩٧٢; ھەوەنج، پارێزگای ڕحا، باکووری کوردستان
مەرگ	١٨ی کانوونی یەکەمی ٢٠٠٧; خۆی، پارێزگای ورمێ، ڕۆژھەڵاتی کوردستان
ھۆکاری مەرگ	لەسێدارەدران
نەتەوە	کورد
ناوەکانی تر	عەگید ڕۆژھەڵات، عەگید حەڕان
چالاکبوون	١٩٩٩-٢٠٠٧
ناسراوە بە	یەکەمین ئەندامی لەسێدارەدراوی پارتی ژیانی ئازادی کوردستان
حیزبی سیاسی	پارتی ژیانی ئازادی کوردستان
بزاڤ	ئاپۆئیزم

حەسەن حیکمەت دەمیر ناسراو بە عەگید ڕۆژھەڵات^[١] و عەگید حەڕان^[٢] (١٩٧٢ لە ھەوەنج، پارێزگای ڕحا - ١٨ی کانوونی یەکەمی ٢٠٠٧ لە خۆی، پارێزگای ورمێ) گەریلا و ئەندامێکی پارتی ژیانی ئازادی کوردستان بوو کە لە نێوان ساڵانی ١٩٩٩ ھەتا ٢٠٠٧ دەستیکرد بە خەباتی چەکدارانە دژ بە حکۆمەتەکانی تورکیا و ئێران و بە دەستی حکۆمەتی کۆماری ئیسلامیی ئێران دەستبەسەر کرا و لەسێدارە درا. ئەو یەکەمین ئەندامی پژاک بوو کە لەسێدارە درا.^[٣]

ژیان

حەسەن حیکمەت دەمیر لە ساڵی ١٩٧٢ لە گوندی ھەوەنج لە پارێزگای ڕحا لە باکووری کوردستان لە دایک بوو. لە ساڵی ١٩٩٩ تێکەڵی پارتی کرێکارانی کوردستان بوو و وەکوو گەریلا دەستیکرد بە خەباتی چەکدارانە دژ بە حکۆمەتی تورکیا. بەڵام ھەر لەو کاتە بە دوای سەرھەڵدانی ٢٢ی شوباتی ١٩٩٩ لە ڕۆژھەڵاتی کوردستان و کوشتاری خەڵکی کورد، ڕووی کرد بە ئەو ناوچەیە لە کوردستان و دواتر وەکوو ئەندامێکی پارتی ژیانی ئازادی کوردستان دەستیکرد بە خەباتی چەکدارانە دژ بە کۆماری ئیسلامیی ئێران.^[٢]

دەستبەسەرکردن و ئەشکەنجە

حەسەن حیکمەت دەمیر لەلایەن ھێزە ئەمنییەکانی کۆماری ئیسلامیی ئێران دەستبەسەر کرا و لەبەری ئازار و ئەشکەنجەدا کەوت. جگە لە ئەشکەنجە، لە کاتی بەندیکران لە بەندیخانەی کۆماری ئیسلامی ناخۆش کەوت و بۆ چارەسەری و لە باتی دەرمان لاقێکی حەسەن حیکمەت دەمیر دەبڕدرێتەوە.^[٢]

لە سێدارەدان

حەسەن حیکمەت دەمیر لە ١٨ی کانوونی یەکەمی ٢٠٠٧ لە بەندیخانەی خۆی لە پارێزگای ورمێ بە دەستی کۆماری ئیسلامیی ئێران لەسێدارەدرا.^[٢]^[١] ئەو یەکەمین ئەندامی پارتی ژیانی ئازادی کوردستان بوو کە لەسێدارە درا.^[٣]

سەرچاوەکان

1 2 پارتی ژیانی ئازادی کوردستان (پژاک): لێدوانی کۆمیتەی شەھیدان بە بۆنەی شەشەمین ساڵیادی شەھیدبوونی ھەڤال حەسەن حیکمەت دەمیر، نووسراو لە ١٨ی کانوونی یەکەمی ٢٠١٣؛ سەردان لە ٣ی تەممووزی ٢٠٢٣.
1 2 3 4 پارتی ژیانی ئازادی کوردستان (پژاک): ھەڤال عەگید حەڕان، پێشەنگی بەرخۆدانی ئاپۆیی له‌ رۆژھەڵاتی کوردستان، نووسراو لە ١٨ی کانوونی یەکەمی ٢٠٢٢؛ سەردان لە ٣ی تەممووزی ٢٠٢٣.
1 2 ئاژانسی ھەواڵی فرات: پەژاک یادی حەسەن حیکمەت دەمیر یەکەم شەھیدی سێدارەی ئاپۆیی بەرز راگرت، نووسراو لە ١٨ی کانوونی یەکەمی ٢٠٢٠؛ سەردان لە ٣ی تەممووزی ٢٠٢٣.

ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت.

[پژاک_٢-1] 1 2 پارتی ژیانی ئازادی کوردستان (پژاک): لێدوانی کۆمیتەی شەھیدان بە بۆنەی شەشەمین ساڵیادی شەھیدبوونی ھەڤال حەسەن حیکمەت دەمیر، نووسراو لە ١٨ی کانوونی یەکەمی ٢٠١٣؛ سەردان لە ٣ی تەممووزی ٢٠٢٣.

[پژاک_١-2] 1 2 3 4 پارتی ژیانی ئازادی کوردستان (پژاک): ھەڤال عەگید حەڕان، پێشەنگی بەرخۆدانی ئاپۆیی له‌ رۆژھەڵاتی کوردستان، نووسراو لە ١٨ی کانوونی یەکەمی ٢٠٢٢؛ سەردان لە ٣ی تەممووزی ٢٠٢٣.

[فرات_١-3] 1 2 ئاژانسی ھەواڵی فرات: پەژاک یادی حەسەن حیکمەت دەمیر یەکەم شەھیدی سێدارەی ئاپۆیی بەرز راگرت، نووسراو لە ١٨ی کانوونی یەکەمی ٢٠٢٠؛ سەردان لە ٣ی تەممووزی ٢٠٢٣.

[١]

[٢]

[٣]