تەنینەوە (میتافیزیک)

لە میتافیزیکدا، تەنینەوە (extension؛ وەرگێڕانەکانی تر: کشان، کێشھاتن، بەربڵاوی، بەرفرەبوون، ڕەھەند) بریتییە لە کێشھاتنی تەنی فیزیکی بە بارەکانی درێژایی و پانایی و قووڵاییدا و پەل کوتانی بۆ ئەو سێ ڕەھەندە. وەک دێکارت دەڵێ، واقیع لە دوو جەوھەر دروست بووە، ماددە و زەین. ھەر یەک لەم دوو جەوھەرەش تایبەتمەندیییەکی زاتییان ھەیە، ھیی زەین فکرە و، ھیی ماددە تەنینەوە و جێ داگیرکردنە.