تێرۆری میکۆنۆس

لە ئینسایکڵۆپیدیای ئازادی ویکیپیدیاوە
Jump to navigation Jump to search
ناوی ئەوکەسانەی لە میکۆنۆس لەگەڵ شەڕەفکەندی دا تێرۆر کران، لە سەرەوەڕا
١- سادق شەڕەفکەندی
٢- فەتاح حەبدوولی
٣- ھۆمایوون ئەردەلان
٤- نووری دێھکۆردی

لە رووداوی کوشتنی چێشتخانەی میکۆنۆس (بە فارسی: ترور رستوران میکونوس، ھەروەھا بە ڕووداوی میکۆنۆس ناسراوە) سەرکردەی ئۆپۆزیسیۆنی کوردی-ئیران سادق شەرەفکەندی، ھومایون ئەردەلان، فەتاح عەبدولی و نوری دێھکوردی، لە چێشتخانەی یۆنانیی میکۆنۆس لە بەرلین، ئەڵمانیا[١]لە ١٧ ئەیلولی ١٩٩٢ کوژران. لەلایەن دادگای ئەڵمانی باوەڕ وایە بکوژەکان پەیوەندیان لەگەڵ دەزگای ھەواڵگری ئیران ھەبووە.

ڕووداو[دەستکاری]

رۆژی پێنج شەممە، حەڤدەھەمی مانگی سپتامبری ١٩٩٢ کاتژمێر بیست و دوو و پەنجا خولەک، سێ پیاو بە شوێن یەکدا بەرەو دەرگای چوونە ژوورەوەی رەستورانی … رۆیشتن. یەکەم کەس، ئەمین، لە دەوروبەری رەستوران و لەبەر دەرگاکەی وەستا بۆ ئەوەی بەرگری لە چوونەژوورەوەی مڵۆزم بکات. بەنی ھاشمی لەبەر دەرگا یەخەی خۆی ھەتا ژێر لووتی ھەڵدا و چوە ناو رێستورانەکەوە، کەسی سێھەم واتە راحیل بەشوێنیدا چوە ژوورەوە. ھەردوکیان بەناو ساڵۆنەکەدا تێپەڕین و چوونە ژووری پشتەوھ. نۆ کەس لە ئەندامانی ئۆپۆزیسیۆنی ئێرانی بە دەوری دوو مێزی پێکەوە لکاوەوە لەلای دەستی چەپی ژوورەکە دانیشتبوون. دوو کەسەکەی وا تازە ھاتبوونە ژوورەوە لەپشت یەکەم و دووھەمین کەس راوەستان. بەنی ھاشمی جانتاکھ ی خۆی کە رەشاشێکی تێدابوو، بەرز کردەوە و لەملا تا ئەولای مێزەکەی دایە بەر دەسڕێژی گوللە. رەشاشەکە ٢٦ کوللەی بە سێ جار تەقاند و دوای ئەوە راحیل بە دەمانچە کوللەێکی لە مێشکی سەر و دوو کوللەی لە زگی شەڕەفکەندی و کوللەێکی لەسەری ئەردەڵان دا. بە خێرایی لە چوونە دەرەوە و ھاورێ لەگەڵ کەسی سێھەم وا لەبەر دەرگا وەستابوو، بەرەو ترومبیلێک رۆیشتن کە چاوەڕوانیان بوو، سوار بوون و ھەڵاتن.[٢]

گرووپی لێدان[دەستکاری]

تاقمی لێدان لەم کەسانە پێک ھاتبوو[٣]:

  • عەبدولڕەحمان بەنی ھاشمی (ناسراو بە شەریف)، بەرپرسی گرووپ و ھەڵگری رەشاش، ئیرانی
  • عەبباس حوسێن راحیل (ناسراو بە عیماد عەمەش و راغیب)، ئەو کەسەی وا گوللەی خەلاسی ھاوێشت، لوبنانی
  • سەید محەممەد یوسف ئەمین (ناسراو بە ئەبومحمد و بەھەشتی)، پاسەوانی بەر دەرگا، لوبنانی
  • فەزلوڵڵا حەیدەر (ناسراو بە ئەبوجەعفەر)، ڵێخوڕری ترومبیلی ھەڵاتن، لوبنانی

دەرئەنجامی عەمەلیات[دەستکاری]

سادق شەرەفکەندی، ھومایون ئەردەلان، فەتاح عەبدولی و نوری دێھکوردی لە ھێرشێکی شێوازی مافیا لە رێستورانی میکۆنوس لە شەقامی پراگی شاری بەرلین لە نزیکەی ١١ پاش نیوەڕۆ لە ١٧ ئەیلول ١٩٩٢ کوژران.[٤]سێ قوربانی دەستبەجێ مردن، و چوارەمین کەسیش (نووری) لە نەخۆشخانە مرد.[٥] عەزیزوڵڵا تەبیب غەففاری، ئەندامی رێکخراوەی فیدائیانی خەلق و خاوەنی رستورانەکە بریندار بوو.

سەرچاوەکان[دەستکاری]

  1. ^ morgenpost.de
  2. ^ "ئێستاش لە بەرلین دادوەر ھەیە" (PDF). پەڕە 23. لە ڕێکەوتی ٢٣ی ئازاری 2020 ھێنراوە. 
  3. ^ پاینـدە، مھران؛ خداقلی، عباس؛ نـوذری، حمید (دەستکاریکەران). ھنوز در برلن قاضی ھست (PDF) (بە زمانی فارسی). بەرلین. پەڕەکان 115,121. ISBN 3-9807107-0 دڵنیابەرەوە لە دروستیی بەھای |isbn= بەھا: length (یارمەتی). لە ڕێکەوتی 23ی ئازاری 2020 ھێنراوە. 
  4. ^ Kutschera، Chris (1 April 1997). "A network of terror". The Middle East. لە ڕێکەوتی ٢٠ی حوزەیرانی ٢٠١٣ ھێنراوە. 
  5. ^ "Germany/Iran: Details of the assassination of four Kurdish politicians in 1992 at the Mykonos restaurant in Berlin". UNHCR. 16 November 1999. لە ڕێکەوتی ٢١ی حوزەیرانی ٢٠١٣ ھێنراوە.