بەھارە عەلەوی
بەھارە عەلەوی | |
|---|---|
 | |
| لەدایکبوون | ١٩٨٩ سەقز، ئێران |
| مەرگ | ۲۰۱۱ |
| ھۆکاری مەرگ | ڕووداوی ئۆتۆمۆبێل |
| شوێنی دۆزینەی تەرم | سەقز |
| نەتەوە | کورد |
| پیشە | چالاکوانی مافی مرۆڤ و مافی ژنان |
| چالاکبوون | ٢٠٠٥–٢٠١٠ |
| ئایین | ئیسلام، سوننە |
بەھارە عەلەوی (١٩٨٩ لە سەقز، ئێران – ۲۰۱۱) نووسەر و چالاکوانێکی مافی مرۆڤ بە تایبەت مافی ژنان بوو. لە کۆکردنەوەی یەک ملیۆن واژوو بۆ داخواستی گۆرانکاری لە یاسای مافی ژنان لە ئێران لە ساڵی ٢٠٠٨ بەشداری کرد و لە نێوان ھەزاران چالاکوانی دیکە ناسراو بوو و ڕۆڵی سەرنجڕاکێش و سەرەکی لەو کەمپەینە ھەبوو و بەشداربووانی ئەو کەمپەینە لە وتەکانی ئەو دەرس و ڕێنوێنییان وەردەگرت.[١]
ژیاننامە[دەستکاری]
بەھارە لە شاری سەقز ڕۆژھەڵاتی کوردستان لە دایک بوو و ھەر لە منداڵییەوە توانای نوسین و بە کار ھێنانی قەلەمی ھەبو. لە تەمەنی شازدە ساڵانیدا لە یەکێک لە گەورەترین کەمپەینەکانی وڵاتی ئێران لە بواری مافی ژنان بەشداری کرد و بە قڵەم و نوسینەکانی خۆی خەلکی ئاگادار دەکرد لە مافە ڕەواکانی خۆیان کە لە لایان حکوومەت و یاسا بنەرەتییەکانی ئێران پێشێل کرا بوون و دەبا بگۆردرایێن. ھەر وەھا دژی زۆرێک لەو ڕێ و ڕەسمە نامروڤانە بوو، وەک خەتەنە کردنی ژنان، کە بە سەر ژنان و کچاندا سپێندراون. بۆ ئەم مەبەستە لە پێنج ساڵدا سەردانی زۆبەی شارەکانی ئێران بە تایبەت ڕۆژھەڵاتی کوردستانی کرد. زۆر جار لەلایەن حکوومەت ھۆشداری پێدرا بەڵام قەت لە بیر و برواکانی خۆی کۆتا نەھات.[٢]
یەکێک لە ھاورێکانی بەھارە، کوردێکی خەلکی شاری کرماشان بوو بە ناوی کاوە کرماشانی[٣] کە لەلایەن ڕێکخراوەی جیھانی مافی مرۆڤ خەڵاتی ھڵمن ھمتی پێ بەخشرا. ئەو لە گفتگۆیێکدا کە لەگەل ڕادیو زەمانە ئەنجامی دا، ئەو خڵاتەی پێشکەش کرد بە بەھارە علوی و ڕایگەیاند کە نەترسی و دڵێری لە نوسیندا لە بەھارە فێر بووە.[٤]
بەھارە لە تەمەنێکی زۆر کەم و لەکاتێکدا کە لەگەل باوکی دەچوو بۆ شاری سنە لە ڕێگەدا تووشی رووداوی هاتوچۆ بوو و لە ساڵی ۲۰۱۱ و لە تەمەنی ٢١ ساڵی کۆچی دوایی کرد.[٥] ئەو کارە ساتە و گیان بەخت کردنی بەھارە عەلەوی دەنگدانەوی زۆری ھەبوو لە نێوان چالاکوانانی مافی مرۆڤ و مافی ژنان لە سەرانسەر ئێراندا و زۆربەیان لە ماڵپەرە جۆراوجۆرەکاندا باسی بەھارە و خزمەتەکانی بە مافی مرۆڤیان کرد.[٦]
سەرچاوەکان[دەستکاری]
- ^ بهاره علوی، غروب دختر خورشید، ایران گلوبال، آوریل 28, 2011
- ^ بهاره علوی، فعال کمپین یک میلیون، ایران امروز، 24 آوریل 2011
- ^ At night, when you close your eyes, think of a woman who never sleeps.
- ^ بهاره علوی، زنی جوان با آرزوهای بزرگ، رادیو زمانه،
- ^ گرامیداشت بهاره علوی، کانون زنان ایرانی، 5 می 2011
- ^ مرثيه برایِ بهاره علوی که با بهار رفت، عصر نو، ۲۷ آپريل ۲۰۱۱
بەستەرە دەرەکییەکان[دەستکاری]
- ڤیدیۆیەکی بەھارە لە دوا ڕۆژەکانی ژیانیدا بە زمانی فارسی
