بیت

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

بیت یەکەی بناغەییی زانیارییە لە پێژمێری (Computing) و دوورڕاگەیێنی (Telecommunication) دا؛ ھەر بیت تەنیا دوو باری ھەیە. لە زانستی کۆمپیوتەردا بە یەکێک لەو بارانە دەوترێت ١ (یەک) و بە ئەوی تر دەوترێت ٠ (سفر)، یاخود کوژاوە و داگیرساو، یاخود ڕاست و هەڵه. زاراوەکە تێکەڵکردنێکی زمانەوانیە (portmanteau) لە دەستەواژەی binary digit - ژمارەی دوانی - و یەکەمجار جۆن تەکی لە ساڵی 1946دا دایهێناوە.[١]

لە زانستی کۆمپیوتەردا[دەستکاری]

لە زانستی کۆمپیوتەردا، بیت بچووکترین یەکەی بیرگەیە. دەوترێت: نرخی ھەر بیت یەکسانە لەگەڵ ١ یان ٠. ئەمە کاتێکە کە لە ڕوانگەیەکی دەرھەستەوە سەیری بیرگە بکەین. ئەوەی لە ڕاستەقانیدا ھەیە ئەوەیە کە ھەر کام لە ٠ و ١ دوو ئاستی وڵتاژی جیاوازن کە ئێمە ناوی ٠ و ١مان لێداناون.


بریتیە‌ لە‌بچوکترین یە‌کە‌ی پێوانە‌ی زانیاریاکان لە‌ ئامێرە‌کانی کۆمپیوتە‌ر و ئامێرە‌کانی پە‌یوە‌ندی کردن بوارە‌کانی تری تە‌کنە‌لۆژیای زانیاریە‌کان، ھە‌ر بتێک لە‌ پێوانە‌کردندا بە‌ سفر ٠ یان بە‌یە‌ک ١ خۆی دە‌نوێنێ واتا یان داگیرساوە‌ واتە‌ ١ یان کوژاوە‌تە‌وە‌ واتا سفر، راستیە‌کە‌ ئە‌وە‌یە‌ کە‌ لە‌سستە‌می باینە‌ری دا پێوانە‌کانی پێ ژمێرە‌دە‌کرێت.

  1. زانکۆی نۆرس کارۆلاینا، دوا سەردان 21.5.2016