چاڤی ھێرناندێز

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

چاڤی هێرناندێز کروز لەدایک بووی ساڵی ٢٥ی ١ی ساڵی ١٩٨٠ز لە ناوچەی تیراسا لە هەرێمی کەتەلۆنیا یەکێکە لە قووتابیەکانی قوتابخانەی لاماسیا کە یاری بۆ بەرشەلۆنا و هەڵبژاردەی ئیسپانیا دەکات. چاڤی زیاتر لە ١٠٠ یاری بۆ هەڵبژاردەی ئیسپانیا کردووە وێڕای ٦٠٠ یاری بۆ یانەی بەرشەلۆنە.

چاڤی هێرناندێز لە جامی جیهانی٢٠٠٦

سەرەتای ژیان[دەستکاری]

لە سەرەتادا باوکی ویستوویەتی ناوی بنێت یواکیم بەڵام دواجار لەلایەن دایکیەوە بە چاڤیەوە ناوی لێنرا وە یەک جار کە یاری تۆپی پێکردبێت لەتەمەنی سێ ساڵی بووە وە باوە گەورەشی بەردەوام چاڤی بردۆتە ناو یاریگاکان بۆئەوەی وەرزشوانێکی کارامەی لێوە دەرچێت دواتر لەلایەن بەهرە دۆزەرەوەیەکی قوتابخانەی لاماسیا بەناوی ئۆریۆڵ تۆرتی بانگێشتی لاماسیا کرا چاڤی لە مناڵە پەروەردکراوەکانی قوتابخانەی لاماسیایە بەوەی لەتەمەنی ١١ ساڵی پەیوەندی بەم قوتابخانەیەوە کردووە دواتر پەیوەندی بە تیمی یەکەمی یانەی بەرشەلۆنةکردوو ئێستا یەکێکە لە سێ باشترین یاریزانی جیهان بەهاوبەشی لیۆنێل مێسی و کریستیانۆ ڕۆناڵدۆ.

دەستپێکی خۆشیەکانی چاڤی لە بەرشەلۆنا[دەستکاری]

چاڤی لەساڵی ٢٠٠٦ بەوەی لەگەڵ تیمەکەی بەرشەلۆنا بوون بەپاڵەوانی خوولی یانە پاڵەوانەکانی ئەوڕووپا بەمەش چاڤی یەکێ لە خەونەکانی هێنایە دی بە بەرزکردنەوەی ئەم جامە.

یۆڕۆی ٢٠٠٨[دەستکاری]

بەدەستهێنانی جامی نەتەوەکانی ئەوڕووپا لەگەڵ ئیسپانیا لەلایەن چاڤیەوە زۆر لەخەونەکانی نەبوو چوونکە ئەو وەک نیشتیمان پەروەرێک پەروەردەکراوە هەمیشە خەون بەوە دەبینێ ڕۆژێ درێسی هەڵبژاردەی کەتەلۆنیا بپۆشێت و گەر نازناوێکیشی لەگەڵ بەدەست نەهێنێت!

چاڤی هێرناندێز لەیەکێ لەیاریەکانی هەڵبژاردەکەی لەکاتی ئەنجام دانی لێدانی ناڕاستەوخۆ

چاڤی لە ٢٠٠٩[دەستکاری]

لە ساڵی ٢٠٠٩ دا لەگەڵ یانەی بەرشەلۆنە دا هەموو نازناوەکانی بردەوە وە یەکێک بوو لەو یاریزانانەی کە زۆرترین خزمەتیان پێشکەش بەرشا کرد لەم ساڵەدا.

مۆندیالی ٢٠١٠[دەستکاری]

لەساڵی ٢٠١٠ لەمۆندیالی ئەفریقای باشوور توانی ئاستێکی بەرز پێشکەش بکات و هەڵبژاردەکەی بگەیەنێت کۆتایی کە لەکۆتا یاریدا بە گۆلێکی هاوڕێکەی ئەندرێس ئەنێستا توانیان مۆندیالی ئەفریقای باشوور بەرزکەنەوە.

چاڤی و نزیکبوون بە باشترین یاریزانی جیهان[دەستکاری]

لەساڵی ٢٠١٠ دا چاڤی بە دووەم یاریزان دەرچوو لەباشترین یاریزانانی جیهان هەرچەندە هاندەران و ڕۆژنامەنووسانی وەرزشی ئەمەیان بەزووڵم زانی بەرامبەر بە ئەو کرا چوونکە ئەو شایەنی باشترین یاریزانی جیهانی هەبوو.

دەستکەوتەکان[دەستکاری]

لەگەڵ یانەی بەرشلۆنا[دەستکاری]

  • خوولی یانەکانی ئیسپانیا ٦ وەرز
  • جامی شای ئیسپانیا (کۆپا دێلی ڕێی) ٢ جار
  • جامی سوپەری ئیسپانیا٥ جار
  • خوولی یانە پاڵەوانەکانی ئەوڕووپا ٣ جار
  • جامی سووپەری ئەوڕووپا ٢ جار
  • جامی جیهانی یانەکان ٢ جار

لەگەڵ هەڵبژاردەی تۆپی پێی ئیسپانیا[دەستکاری]

  • جامی جیهانی باشووری ئەفریقیای ساڵی ٢٠١٠
  • جامی کیشوەرەکانی ساڵی ٢٠٠٩
  • جامی نەتەوەکانی ئەوڕووپا ساڵی ٢٠٠٨
  • مەدالیای سلڤەر لە ئۆڵەمپیادی ٢٠٠٠
  • جامی جیهانی لاوان ساڵی ١٩٩٩

گۆلەکانی لەگەڵ هەڵبژاردەی ئیسپانی[دەستکاری]

هەڵبژاردە وەرز یاری گۆل
هەڵبژاردەی تۆپی پێی ئیسپانیا 2000–01 1 0
2001–02 5 0
2002–03 8 0
2003–04 5 0
2004–05 8 1
2005–06 13 1
2006–07 7 1
2007–08 16 4
2008–09 14 1
2009–10 17 0
2010–11 7 1
2011–12 7 1
کۆی گشتی 108 10

سەرچاوە[دەستکاری]

ویکپیدیایعەرەبی