ئەندرۆید

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
ئەندرۆید
Android robot.svg
دانەر(ان)ی سەرەتایی گووگڵ
نووسراوە بە XML, C, C++, Java
زمانەکان جۆرەھا زمان...
وێبگە http://www.android.com/

ئەندڕۆید سیستەمێکی کارگێڕیی مۆبایلە کە لەسەر ناوکی لینوکس Linux Kernel ٢٫٦ بناغەی گرتووە. کۆمپانیای ئەندرۆید (Android Inc) لە ساڵی ٢٠٠٣ لە کالیفۆرنیا لە ناوچەی Palo Alto دامەزرا، کاریان پەرەپێدان و بەرھەمھێنانی نەرمەکاڵا software بوو بۆ ئامێری مۆبایل، نەخشەشیان ھەبوو کە سیستەمێکی کارگێڕی برەو پێبدەن، لە ساڵی ٢٠٠٥ گووگڵ ئەم کۆمپانیایەی کڕییەوە، بەو ئامانجەی کە دەسەڵاتی خۆی لە بواری تەکنۆلۆژیای مۆبایلدا فراوان بکات. سیستەمی کارگێڕی ئەندرۆید لە ساڵی ٢٠٠٨ بڵاوکرایەوە، لەو کاتەوە زۆر بەخێرایی گەشەی کردووە و بەرفراوانترین کۆمەڵەی پەرەپێدەری لە پشتەوەیە کە دەروبەری ٣٠٠٠٠٠ پڕۆگرامی بۆ دروست کراوە.

تایبەتمەندی[دەستکاری]

  • پرۆگرام و یاری‌ی زۆری ھەیە کە بەکارھێنەر دەتوانێت دایانمەزرێنێتە سەر ئامێرەکەی.
  • نرخی ھەندێک لە ئامێرەکان زۆر ھەرزانن ئەگەر بەراورد بکرێن لەگەڵ ئامێری دیکە کە ھەمان شێواز کار جێبەجێ بکەن.
  • زۆر بە باشی و ئاسانی تێکەڵاوی ڕاژەکانی گووگڵـە و کار زۆر ئاسان دەکاتەوە بۆ ئەو بەکارھێنەرانەی کە لە کار و ژیانی ڕۆژانەیاندا ڕاژەکانی گووگڵ بەکار دەھێنن.
  • سیستەمەکە بە شێوەیەکی زۆر دەکرێت ڕێکبخرێت بە پێی ویستی بەکارھێنەر.

ماڕکێتی ئەندڕۆید[دەستکاری]

سیستەمی ناوبراو دووکانێکی گەورە و پڕ لە پرۆگرامی ھەیە کە ئەمڕۆ زۆرتر لە ١٥٠ ھەزار پرۆگرام و یاری‌ی جیاوازی تێدایە کە ھەردوو جۆری خۆڕا و بە پارە لە خۆ دەگرن، ساڵی ٢٠٠٨ ماڵپەڕی Google play کرایەوە کە تێیدا ھەموو پرۆگرامەکان ڕیزکراون.

وەشانەکانی ئەندرۆید[دەستکاری]

وەشان ناوی کۆد ڕۆژی دەرچوون ئەی پی ئای دابەشکردن
٥٫١٫x Lollipop ٩ی ئازاری ٢٠١٥ ٢٢ ٠٫٧%
٥٫٠٫٢-٥٫٠٫٠ ٣ی تەشرینی دووەمی ٢٠١٤ ٢١ ٩٫٠%
٤٫٤٫٤-٤٫٤٫٠ KitKat ٣١ی تەشرینی یەکەمی ٢٠١٣ ١٩ ٣٩٫٨%
٤٫٣٫x Jelly Bean ٢٤ی تەمموزی ٢٠١٣ ١٨ ٥٫٥%
٤٫٢٫x ١٣ی تشرینی دووەمی ٢٠١٣ ١٧ ١٨٫١%
٤٫١٫x ٩ی تەمموزی ٢٠١٣ ١٦ ١٥٫٦%
٤٫٠. ٣–٤٫٠. ٤ Ice Cream Sandwich ١٦ی کانوونی یەکەمی ٢٠١١ ١٥ ٥٫٣%
٣٫٢ Honeycomb ١٥ی تەمموزی ٢٠١١ ١٣ ٠٫٠%
٣٫١ ١٠ی ئایاری ٢٠١١ ١٢ ٠٫٠%
٢٫٣. ٣–٢٫٣. ٧ Gingerbread ٩ی شوباتی ٢٠١١ ١٠ ٥٫٧%
٢٫٣–٢٫٣. ٢ ٦ی کانوونی یەکەمی ٢٠١٠ ٩
٢٫٢ Froyo ٢٠ی ئایاری ٢٠١٠ ٨ ٠٫٣%
٢٫٠–٢٫١ Eclair ٢٦ی تشرینی یەکەمی ٢٠٠٩ ٧ ٠٫٠%
١٫٦ Donut ١٥ی ئەیلوولی ٢٠٠٩ ٤ ٠٫٠%
١٫٥ Cupcake ٣٠ی نیسانی ٢٠٠٩ ٣ ٠%

داوانامەکان لە ئاندرۆید[دەستکاری]

داوانامەکان کە ئەوانەی دەبیرێن لە مارکێتی ئاندرۆید بڵاو دەکرێنەوە، بە چەند شێوەیەک دروست دەکرێن بەڵام سەرەکی تریان بریتیە لە بەکارھێنانی زمانی پرۆگرامکردنی Java بەکاردێنن بە یارمەتی Android SDK، یان بەھۆی بەکارھێنانی ئامرازی NDK، وە لە کۆتایدا یان بە بەکارھێنانی App Inventor کە ئەمەش لە لایەن گووگڵ ەوە بۆ ئەو کەسانە بۆیە ئاسان کاری کە زمانەکانی پرۆگرام کردن نازانن بەڵکوو بە ئاسانی دەتوانن داوانامە دروست بکەن و پێکی ببستنەوە لەگەڵ ھاندیئاندرۆید ەکە.

سەرچاوە[دەستکاری]