ئارترۆز

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
ئارترۆز

ئێم ئاڕ ئای لە ئارترۆزی ئەژنۆ، کەم بوونەوەی مەودای جومگەیی دیارە.
ICD-10 M15-M19, M47
ICD-9 715
OMIM 165720
بنکەدراوەی نەخۆشییەکان 9313
مێدلاین پلەس 000423
ئی مێدیسین med/1682 orthoped/427 pmr/93 radio/492
MeSH D010003

ئارترۆز، ئارترۆس (بە ئینگلیسی : Osteoarthritis) نەخۆشییەکی زۆر باوی جومگەکانی لەشە کە لە ھەموو شوێنێکدا دەبینرێت. ناوی تری ئەم نەخۆشییە «ئاستیئۆئارترایتیس»ە. لە نەخۆشی ئارترۆزدا، کرۆژنەکانی نێو جومگە دادەڕمێ. لەم نەخۆشییەدا، بەپێچەوانەی ناوەکەی، ھەو دیاردەی سەرەکی نییە(پێچەوانەی ئارتریت روماتوئید).

ئارترۆزی بەندی قامکەکان

داخورانی کرۆژنەکانی نێو جومگە و ڕەنگدانەوەی بۆ ئێسکی ژێر کرۆژنەکان، دەبێتە ھۆی ھەو کردنی شانەکانی دەوروبەری. ئارترۆز لەوانەیە ھەر جومگەیەک تووش بکا، بەڵام بەرپەڵترینیان بریتییە لە: جومگەکانی دەست، پێ، ئەژنۆ ، ڕان و بڕبڕە .
ئەم نەخۆشییە زۆر باوە و لە ٢٥% نۆرینەکانی پزیشکی و ٨٠لەسەدی ڕادیۆگرافییەکانی کەسانی ژوور ٦٥ ساڵ دەبینرێت(ھەڵبەت تەنیا ٦٠لەسەدیان نیشانەی نەخۆشییان ھەیە).

نیشانەکان[دەستکاری]

ئازاری جومگە، ڕەپی و کەم بوونەوەی جووڵەی جومگە، ماس و ھەوی جومگە، دەنگی تەق و پۆق یان ساوران لە کاتی جووڵەی جوومگەکان.
لە سەرەتادا لەوانەیە ئێش و ئازاری جومگەکان سووک بێ، بەڵام دەتوانێ تا ڕادەیەک تاو بسێنێ کە ژیان و شەو و ڕۆژی نەخۆش تێکدا.ئەم ئازارە دەبێتە ھۆی لە جووڵە کەوتنی نەخۆش و لاواز بوونەوەی ماسوولکەکانی دەوری جومگە و شل بوونەوەی بەندۆکەکانی.

ئارترۆزی سەرەتایی ئەژنۆی چەپ

ناسینەوە[دەستکاری]

بۆ ناسینەوەی نەخۆشی لە ئەزموونی ئاوی جومگە و ڕادیۆگرافی جومگە کەڵک وەردەگرین. : وێنە پزیشکییەکان لەوانەیە کەم بوونەوەی مەودای نێو جومگە، سکلێرۆزیس و بڕێجار کیستی ژێرکرۆژنەیی نیشان بدەن.

دەرمان[دەستکاری]

  • ڕاگرتنی کێشی لەبار
  • پانادۆڵ (ئەسێتامینۆفێن)
  • ئایبووپرۆفێن
  • ئەسپیرین
  • وەشانی ناوجومگەیی کۆرتۆن
  • ڤیتامینەکانی C و E
  • مەساجی گەرمی ماسوولکەکانی دەوری جوومگە
  • کەڵک وەرگرتن لە ئامێرە یاریدەرەکانی چومگە
  • لە ئارترۆزی زۆر تووشدا، گۆڕینی جومگە
  • و...

وێنەخانە[دەستکاری]

بڕوانە[دەستکاری]

سەرچاوە[دەستکاری]

ویکی فارسی