ھومایوون شەجەریان

ھومایوون شەجەریان لە پشت مایکرۆفۆن

ھومایوون شەجەریان (بە فارسی: همایون شجریان‎؛ لەدایکبووی ٢١ی ئایاری ١٩٧٥ لە تاران) گۆرانیبێژێکی مۆسیقیی میللیی ئێرانییە. لە بنەماڵەیەکی پڕ لە مۆسیقی لەدایک بووە. ھومایوون کوڕی محەممەدڕەزا شەجەریانە. ھەر لە منداڵییەوە خۆشەویستی زۆری بۆ مۆسیقا و ڕیتم ھەبووە و دواتر لەڕێگەی باوکییەوە لەلای ناسر فەرھەنگفەر فێری تەکنیک و ناسینی ڕیتم بووە و بۆ چەندین ساڵ لای جەمشیدی مۆحێبی بەردەوام بووە. لە تەمەنی ١٠ ساڵیدا لەگەڵ خوشکەکانیدا لای باوکیان گۆرانییان دەستپێکرد. دواتر بۆ پسپۆڕی خۆی کەمانچەی ھەڵبژارد، و لە ھەمان کاتدا لای ئەردەشیر کامکار فێری تار و سەنتور بوو. دواتر لە کۆنسێرتەکانی باوکیدا بەشداریی کردووە. ھومایوون یەکەم ئەلبومی سەربەخۆی خۆی بەناوی «نەسیمی وەسڵ» لە ساڵی ٢٠٠٣دا بڵاو کردەوە و خاوەنی یەک کچە بەناوی یاسەمین شەجەریان.

سەرچاوەکان

• بەشداربووانی ویکیپیدیا، «همایون شجریان»، ویکیپیدیای فارسی. سەردان لە ١٨ی تەممووزی ٢٠١٣.

بەستەرە دەرەکییەکان

• ھومایوون شەجەریان لە ئینستاگرام
• ھومایوون شەجەریان لە فەیسبووک