ھاملێت

ئۆفێلیا کە خۆی خنکاندووە

ھاملێت (بە ئینگلیزی: Hamlet) ناوی شانۆیەکی نووسراوەی ویلیام شێکسپیر شانۆنووسی بەناوبانگی ئینگلیزە کە بە یەکێ لە شاکارەکانی شانۆی جیھان لە قەڵەم دەدرێت. شانۆنامەکەی ھاملێت تراژیدییەکە کە لە ماوەی ساڵانی ١٥٩٩ تا ١٦٠٢دا نووسراوە. کاراکتەری سەرەکیی شانۆکە ھاملێت شازادەی دانمارکە.

حەکایەت

ھاملێت باسی بە سەرھاتی شازادەیێکی دانمارکییە کە لە مسافرەتەکەی بۆ ئاڵمانیا دەگەڕێتەوە بۆ کۆشکەکەی خۆی تاکوو لە ڕێوڕەسمی ناشتنی باوکیدا، کە بە شێوەیەکی مەرمووز مردووە، بەشداری بکات. چۆنیەتی مردنی پاشا نادیارە. دوای ماوەیەک ھاملێت دەبینێت کە دایک و مامەی بوون بە ھاوسەر و پێکەوە خەوتن. ئینجا لە شەوێکدا ڕۆحی باوکی ھاملێت دێتە خەوی و پێی دەڵێت کە چۆن مامەی ھاملێت قەتڵەکەی کردووە و داوا لە کوڕەکەی دەکات کە تۆڵەی بسەنێت. ھاملێت دوای ئەو شەوە دەست دەکات بە لێکۆڵینەوە و دەزانیت کە باوکی خۆشەویستەکەی خۆیشی، واتە ئۆفێلیا، لەم قەتڵەدا بەشدارە. ئۆفیلیا بە نەخشەکانی ھاملێت بۆ کوشتنی باوکی دەزانێت و دوای ئەوە کە باوکی دەکوژرێت، شێت دەبێت و خۆی لە ناو ڕووبارێکدا دەخنکێنیت. لە ئەنجامی شانۆکەدا ھاملێت مامەی دەکوژێت و خۆیشی دەمرێت.

وەرگێڕانەکان

شانۆی ھاملێت تا بە ئێستا دو جار بە زمانی کوردی (زاری سۆرانی) وەرگێراوەتەوە:

• شێکسپیر، ولیام. ھاملێت: شازادەی دەنیمارک، وەرگێڕانی لە ئینگلیزییەوە سەڵاح بابان، پێداچوونەوەی کەمال مەحموود فەرەج و مارف خەزنەدار، ھەولێر: بڵاوکراوەی ئاراس، چاپی یەکەم: ٢٠٠٩.
• شێکسپیر، ویلیام. شانۆییی ھاملێت، وەرگێڕانی لە ئینگلیزییەوە ئازاد حەمە شەریف، پێشەکی لە ئەحمەد سالار و دانا ڕەئووف، ھەولێر: دەزگای چاپ و بڵاوکردنەوەی ئاراس، چاپی یەکەم: ٢٠٠٨.

سەرچاوە

ویکیی ئینگلیزی: سێپتەمبەری ٢٠١٤